Yesu a miyeta xidzedze

Print pagePDF pageEmail page

Jes calms strm

 

 

 

LUKE 8:22-24

  1. Xana u nga vula leswaku he yihi hloko-mhaka ya matsalwa lawa xana? Nkarhi wun’wana yi nga va yak u, matimba ya Yesu ehenhla ka ntumbuluko.
  2. Yesu a ve munhu wa xiviri la hi kombeke hi ndlela leyi leswaku  munhu a nga hanya vutomi bya ku hlula exikarhi ka ku tikeriwa hinkwaku ni miring leyi hi rhendzelaka emisaveni leyi weke. A kuva a kombisa leswo, a a fanele a tirhisa mukhumbhi a tsemakanya tiva. A a fanele a khongele Tata wa yena a nwi rhumelela ntsumi leswaku yi n’wi tlakusa a tsemakanya tiva, kambe a hlawule ku swi endla hi ndlela yo toloveleka evan’whini, a ti fanisa ni munhu un’wana ni un’wana.
  3. A a nga ri na byatsu, hikuva a a nga ri ni nchumu lowu lumbaka yena ehandle ka mpahla yo ambala ni tintangu. A byatsu leri a ri tirhiseke eka khambi leri, swi nga endleka ri ri ra Petro, leri a ri pfumeleleke ku tirhisiwa entirhweni wa Hosi. Hi fanele ku yingisa swinene  leswi humelelaka entirweni wa Xikwembu, hi vona leswi hi nga pfunaka hi swona hi swibya swa hina. Loko hi byala entirhweni wa Xona, hi ta kuma ntshovelo wukulu.
  4. Leri a ri ri byatsu ra ku tsheva hi rona. Eka tindhawu tinwana, a byatsu ra ku fana ni leri a ri tiviwi. A byatsu leri a ri ri ni mhingu yo leha exikarhi leyi a yi gwimba nguvu leyi a yi rhiya moya. Kutani a moya hi wona a wu tchovaka a byatsu byi famba, leswaku va nga tluti kunene. Hi swona leswi vadyondzisiwa a va endla swona. Loko va nghena ebyatwini, a va gwimba nguvu, kutani va tshama, va bula, va hlekelela ni ku tiphina hi riendzo.
  5. Yesu a a karhele hikuva a a rhendzeriwile hi vanhu vo tala. A a ri ntirhweni wa ku dyondzisa ni ku hanyisa vanhu. Kutani a a swi tiva leswaku loko va fika emapheceya ka tiva, a a ta fanela ku nghena ntirhweni, kutani a ntirho wa ku tluta a wu ta endliwa kahle hi vadyondzisiwa, a wu siyele vona a ya etlela.
  6. Kambe a swilo leswi ko tala swi sungulaka eku vevukeni kahle, a hi mi nkarhi hinkwayu swi helaka kahle. A siku leri sunguleke kahle ni ku hola, swa endleka ku humelela xitshuketa xo karhi. A movha lowu hi fambisaka, swa endleka wu onhaka endleleni, hambi hi ku dhiba, kumbe a swilo swa hina swi nga yiviwa, kumbe a n’wana a nga khomiwa hi mavabyi yo tika. A vadyondzisiwa na vona ebyatswini va vonile swo fana – A meho wolowu wa un’we lowu a wu fanele ku va fambisa va ya fika na va ha hlayisekile emapheceya, ku nga ri kungani, ku humelela xidzedze lexi laveke ku va dlaya.
  7. Twisisa leswaku a vanhu lava a va nga ri vahedeni lava a va hanya a swidyowheni leswi nyamisaka Xikwembu. A ku nga ri ku avanyisa ka Xikwembu loko a ku va fikerile ku va khatisa. A va ri vanghana va Yesu. A va tshikile mintirho ni mindyangu ya vona loko Yesu a va vitanile. Hikwalaho ka yini ke va humeleriwe hi leswi? Xana a va fanele ku lova? Xana a mindjangu ya vona a yi ta sala ndjani? Xana wa yi tiva nhlamulo ya kona? Na vona vanhu va kahle va humeleriwa hi swilo swo biha. Ehleketa hi Yobo ek aTestamente ya khale. A a ri munhu wa xinakulobye xo enta ni Xikwembu, kambe a hlangane ni maxangu mahlomulo ni maxangu makulu hi ku lahlekeriwa hi swilo swa yena hinkwaswo, ntalo ka vatirhi va yena lavo tshembeka, ni vana va yena hinkwavo va file kutani na yena a ngheneriwa hi mavabyi. A ku hanya kusuhi na Yesu a swi vuli leswaku swilo hi ta hi fambela kahle minkarhi hinkwayu.
  8. Van’wana va vadyondzisiwa, ngopfu-ngopfu Petro ni vanghano va yena, a va ri vatshevi kuya hi ntirho wa vona. A va swi tiva kahle ku fambisa byatsu, naswona va pone eka swidzedze swo tala eka tiva roleriya. Loko va vone xidzedze, va yo ti lunghisela ku endla leswi va swi tivaka hi masiku ku hlanganisa xiyimo.swi nga endleka hi ku hantlisa va hawule nguvo yo rhiya moya, va dyikisa xihondzo xi kongomana ni meho, va khoma switluteri va tlutela hi swona ku k ova karhala ni misiha yi debya, kambe a xidzedze lexi a xi ri xikulu ku tlula vutivi ni matimba ya vona. A xidzedze lexo hobomulana, xi va huhute ku fana ni xilavi, kutani a magandlate ya swihotlovila ma ba xihondzo ne matlhelweni ya byatsu kutani mati ma nghena ndzeni hi ku hantlisa. Hi xinkarhana a va le xikarhi ka mati kutani hinkwaswo leswi a swi mbekuka a swi mbekuka-mbekuka ehenhla. Na loko van’wana va va vanuna va ri karhi va tluta, kasi van’wana a va khoma swin’wana leswaku swi nga hupiwi hi xidzedze, va ringeta ku hlula xidzedze, kambe a xi va hlula. Kutani va vona leswaku v ale ku mbembemeleni ni leswaku ntalo wa vona va ta fa.
  9. A swa ku hlamarisa hi leswaku a swi tsariwanga leswaku va khongerile Xikwembu ni ku xi kombela leswaku xi miyeta xidzedze; ni vula leswaku hambi loko a va yo endla xikhongelo hi rito leri tlakukeke. Na hina ko tala hi endla swo fana. Loko hi hlangana ni swiyimo swo tika, yo sungula ku dliva-dliveka, hi yah ala ni hala, hi lava hlulelo, hi nyikela ni timali ta hina ni ku tirhisa vuswikoti bya hina leswaku hi hlula swiyimo, ematshanwini yak u khongela. Ko tala a hi xi yingisi Xikwembu; a ku ringeta ka hina I ka nyama. A ku simekiwanga eku tshembheni. I ntsena loko mapimo ya hina ma herile, hi kona hi ehleketaka hi ku khongela, hambiswiritano, hi veka tilho rin’we eka Xikwembu ni leri n’wana eka kingha leyi hi hlanganaka na yona. Hi ti tshembha ngopfu ku tlula Xona.
  10. Xana Yesu a a endla yini? A a yo etlela! Na loko a byatsu byi tlula-tlula ku fana ni hanchi, byi tale hi mati ku sukela emakumu kuya fika exihondzweni, kambe Yena a yo etlela eku rhuleni. Swi nga endleka va nwi funengete hi nceka wo karhi leswaku a nga tsakami, kambe a ha yo etlela eku rhuleni. Ni ehleketa leswaku vadyondzisiwa van’wana va khunguvanyekile. Va ri karhi va dlitimbekana hi ku chava va ringeta ku ti ponisa, kambe Yena a yo etlela! Enkarhini wa xilaveko, lana mavoko hinkwawu ebyatswini a ma laveka, Yena a a etlele! Swi nga edleka va nga vulanga marito yo komba ku pfmala xihlonipho, kambe a ririmi ra miri wa vona ni swikandza swa vona loko va languta emakatleni ya yena na a etlerile. Na pfumela leswaku eka hinkwaswo a a le ku va kombeni rirhandzu.
  11. Wa tiva ku I yini? Swa fana na hina va-Kriste loko hi hlaseriwa hi tinkingha ti languteka onge a ti heri, ti ri karhi ti nyanya ku humelela, loko swi languteka onge Xikwembu lexi xa matimba hinkwawu a xi vuri nchumu ni ku hlamula swirilo swa hina. Há dliva-dliveka hiya hala ni hala, hi ringeta ku tluta byatsu hi matimba ya hina, kambe xi nga ti ku ta ta hi lamulela. Kutani hi sonto hiya ekerekeni hi fika hi tshama onge swilo swi tshamisekile, hi hlekelela h iva hi tlakusa mavoko ya hina hi gandzela, kambe etimbilwini ta hina hi xi hlundzukerile Xikwembu ni ku xi nyika nandzu hikuva xi hi fularhelile.
  12. Xana va nwerile? E-E, hi ku hetelela va nwi pfuxile, swi nga endleka va nwi khome hi makatla va n’wi hlakahla. Loko a ha ti mphumunha rihahamu ematihlweni ya yena ni ku tshamiseka, vas ungula ku nwi huwelela, “ Mudyondzisi,Mudyondzisi, hi ta fa!” Eka evhangeli ya Matewu ku tsariwe leswaku, Hosi hi ponisi! Hi ta fa!”
  13. Xana Yesu a endle yini? Xana a khomiwile hi ku chava? Xana a hlamarisiwile? E-E, a yo pfuka a yima. A xiyimo a xi nwi hlamarisanga, a a swi tiva leswaku Tata wa yena a a swi tiva hinkwaswo; a a tiva nchumu un’we wa ku tat a fela exihambanwini hikwalaho ka vadyohi ni leswaku a a nga ta fela etiveni ra mati. Xana a tisorile hikuva a a etlerile? E-E, hikuva a a swi tiva leswaku a xiyimo lexiya a xile hansi ka vulawuri bya Tata wa yena. A tirhise nkarhi lowuya hi ku etlela hikuva a aswi tiva leswaku loko a etlela a a le ku humuleni a teka matimba leswaku a ta nghena entirwheni lowu a wu nwi yimerile. Entiyisweni Yesu a nga kombelanga ku khomeriwa hi vadyondzisiwa va yena, eka leswi a nga vaka a swi vurile hambi ku swi endla, hikuva a a swi tiva leswaku hinkwaswo leswi a a swi endla a swi tsakisa Tata wa yena.
  14. Xana a endle yini swin’wana? A suke a yima ku fana ni murhangeri wa nyimpi, a vula swin’wana ku fana ni leswi; “Mehho, Mati, Miyela!” hi nomo wolowo, a meho wu miyela kutani magandlati ma yima na rona lwandle ri miyela ni huwa hinkwayo yi ku whíí, kutani ku fuma ku rhula.
  15. Kutani a languta ematlhelweni ka yena, na a honokela vadyondzisiwa va yena ni ku va vutisa a ku; “Ku kwihi ku pfumela ka n’wina?” Leswi kumbexana Yesu a vula swona hi leswaku, a mi ni pfuxela yini? Hikwlaho ka yini mi nga tirhisanga ripfumelo ra n’wina? Mi ni vonile loko ni endla mahlori ni mahlori. Hikwalaho ka yini mi nga endlanga swo fana xana? Xana I mahlori mangani ma ha lavaka ku ma vona na mi nga se tirhisa ra n’wina ripfumelo?
  16. Hi ti fanisa na Yesu hi ku lumbeta vadyondzisiwa, kambe swi nga endleka hi ti fanisa ni vadyondzisiwa, hi huwelela hi ku hlamala, “I mani loyi? A kotaka ni ku lerisa meho ni mati swi n’wi yingisa.” Hi swiendlo swo fana ni leswi, a N’wana a a le ku tlakuseni ka Tata wa yena wa le tilweni. Onge hi nga va ni xinakulobye xa le kusuhi ni n’wana wa Xikwembu leswaku a kota ku tlakusa Tata wa yena hambi namuntlha hi marito ya hina ni swendlo ni ripfumelo ra hina.
  17. Hi mahlori lawa, Yesu a ya emahlweni a tiyisa leswaku I N’wana wa Xikwembu.

PLEASE GO TO “CONTACT US” TO SEND US YOUR REQUEST, QUERY OR COMMENT