Xifaniso xa rivoni

Print pagePDF pageEmail page

Jes parbl light

 

 

 

LUKA 8:16-18

  1. Eka dyondzo leyi hi hundzeke eka yona, Yesu a fanisa ku hangalaka ka Mfumo wa yena hi nsimu leyi ku byariweke eka yona, leswaku a yi ta bindzula swinene. Eka xigava lexi, a fananisa ni rivoni leri tisaka ku vonakala laha ri vekiweke kona. Eka swifaniso leswi hi swimbiri a nwinyi a ni ku langutela ka ku amukela swo karhi. Eka xo sungula, mihandzu kutani sweswi, mafurha. A xikongomelo i ku kuma ku vonakala.
  2. A misava hinkwayo yi tsondzeriwile hi munyama emoyeni kutani a vanhu va xanisiwa hi wona. Va ti khungunya, va wa ni ku ti vavisa. Van’wana naswona va fa. A vanhu lava a vutomi by avona byi nga voningeriwiki hi Xikwembu, a va tsumbuli nghozi leyi nga ku va landzeleleni. Va fana ni mavoningo lama nga lumekiwangiki, lawa nwinyi a fambaka na wona emunyameni. Loko va famba eka swo karhi hi ku hantlisa va kwheketa kumbe va khuguka va wa. A rivoni ri onhaka kumbe ri onhaka swi nga ah koteki leswaku ri lulamisiwa ri tlhela ri voninga.
  3. A hi hleketeni hi hoxe hi xifaniso laha Hosi yi rhendzelekaka na yi tamele xikutso xo tala hi mafurha ni metchiso. Kunwana ni ku n’wana laha a kumaka munhu la lavaka rivoningo ra ntiyiso wa vutomi, a chela vutomi bya yena byi tala mi mafurha, a nga Moya lowo Kwetsima kutani a lumeka rivoni ra yena. Swi vula leswaku a lumeka moya wa yena ni miehleketo ya yena leswaku swi twisisa ni ku amukela Evhangeli. A munhu la amukeleke rivoningo ra moya hi ndlela leyo, a hundzuka muhlengeri wa tinyiko tikulu, kutani a fanele ku ti tirhisa leswaku alumeka vutomi bya van’wani.
  4. A xihoxo xikulu lexi hi ng axi endlaka, i ku funengeta rivoni ra hina hi swilo kumbe ku ri veka ehansi ka mubedo kumbe ku voningele hina hoxe ntsena. Leswi vula ku dyondza Bibele hi ri hoxe ekaya, hi ya ekerekeni hi sonto, hi xixima Xikwembu hi ku xi dzunisa ni ku xi gandzela, kambe hi nga endli leswaku rivoni ra hina ri voninga loko hi ri ni lava nga pfumeriki. Loko hi endla leswi hi komba leswaku hi ni mankolo, naswona hi hlundzukisa Xikwembu. Ku nga ri khale u ta fanela ku kuma nhonga. Swi nga endla leswaku u pfumala ku rhula hikuva u ve ni tingana hikwalaho ka yena.
  5. Swi nga endleka u tumbeta rivoni ra wena hikuva u chava ku lahlekeriwa hi ntirho wa wena. A mutholi wa wena a nga ku rhuma ku endla swilo leswi nga xidyoho emahlweni ka Xikwembu. Ematshanwini ya ku ala, who miyela yi ku chava ku hlongoriwa. A vatirhi-kuloni va nga tikomba na va nga tshembekanga, va yiva swilo swa mulungu wa vona. Wena u swi tiva kambe u miyela ni ku filhela mulungu wa wena hi ku chava ku pfukeriwa hi vanghana va wena. Loko u endla tano, u le ku tumbeteni ka rivoni ra wena ehansi ka mubedo. Loko vanhu va hlekula vito ra Hosi na wena u hlekula swinwe na vona. Loko u endla leswo, u le ku tumbeteni ka rivoni. Loko u veka rivoni ra wena ehansi ka xirhundzu, a ri nga kumi moya wo ringana leswaku ri pfurha, kutani endzhaku ka nkarhi ri nga timeka. Loko u sivela rivoningo ra wena ku voningela Yesu, a ripfumelo ra wena ra titimela naswona ri nga fa.
  6. A xivangelo xa ku lumeka rivoni, hileswaku ri voninga. A nwinyi wa rivoni a luze mali a xava rivoni, mafurha ni menchiso. Kutani a lava leswaku a rivoni ra yena ri lumekiwa ri ta tisa ku vonakala endlwini ya yena. Swi nga endleka u ri munhu wo sungula endjangwini wa wena kumbe eklasini ku amukela rivoningo ra Xikwembu. Xkwembu xi lava leswaku u veka rivoni ra wena ehenhla leswaku vanhu hinkwavo va kota ku vona. Ni van’wana va ta swi tsumbula leswaku ni ya vona mavoningo a ma voni. Va ta ta ka wena va ta ta vutisa leswi u ri amukeriseke xiswona rivoningo. Hambi loko u va hlamusela, a mavoningo ya vona ma tava ma nga tirhi, hi vula timbilu ta vona. Kutani Xikwembu xi ta chela Moya wa xona lowo Kwetsima etimbilwini ta vona kutani wu voningela vutomi bya vona. Kutani a rivoningo ri ta voninga emafastereni ya yindlo yoleyo kumbe eklasini, kutani vanhu vo tala va ta khumbeka va tshinelela kusuhi. A tiko hinkwaro ri nga voningiwa hikwalaho ka munhu un’we la vekeke rivoningo ra yena ehenhla.
  7. Hi ku veka mavoningo ya hina ehenhla ri voninga, hi hlongola munyama lowu tshamaka ematlhelweni ya hina. Eka Hlavutelo 12:11, hi dyondza hi Mukriste loyi a hluleke diavulosi: Va n’wi hlurile hi ngati ya Xinyimpfana ni hi marito ya vumbhoni bya vona, a va tsetselelanga vutomi bya vona emahlweni ka rifo. Loko Mukriste a pfumelela Hosi yi voninga vutomi bya yena hikwalaho ka vumbhoni lebyi a byi vulake, a ta kota ku nyima a tiyile emahlweni ka nala. Ku ni xivuriso lexi ngo, a munhu kumbe xiharhi lexi chavaka xi pfula mukandlu wa ku hluriwa.
  8. Va swi vula ku hluriwa hikolaho ka nchavo. Swa olova eka mbyana ya mahlundzu ku hlasela munhu. Loko wo tshama u miyerile, diyavulosi a ku twa ku miyela ka wena kutani a ku hlasela hi matlhelo hinkwawu, kambe loko a rivoningo ra wena ri voning aswinene, wa ku chava, hikuva a chava rivoningo leri nga kona eka wena. A rivoningo leri nga eka wena, ri paluxa vubihi bya yena. A ta ku hlasela kambe loko u ti seketela hi rito ra Xikwembu a ta baleka hi ku hantlisa.
  9. Loko a xikolo xi ala rito ra Xikwembu, sathana a ta phanga xikolo. A murhangeri wo karhi a ale ku pfumelela ku chamayeriwa rito ra Xikwembu a xikolweni xa yena. Siku rin’wana va hloleriwile hi ku kuma xin’wanana na xi chukumetiwile a xikoti. A n’whanyana a pswale n’wana wo kala a nga wupfanga. A a nga n’wi lavi n’wana luya, kutani a ringeta ku n’wi peta xikoti. Wa swi vona, loko a rivoningo ra Xikwembu a riyo voninga swi antswa a xikolweni lexiya, a a nga tave a werile endzingweni lowuya wa ku kuma nyimba, kutani a ya emahlweni hi ku dyoha hi ku ringeta ku ndzondzoveta n’wana a xikoti.
  10. Loko rivoningo ra Kriste ri voninga etikweni, a swighevenga swi ta baleka swiya endla vugevenga bya swona kule. Loko hi timbeta rivoningo ra hina ehansi ka mubedo, kumbe ehansi ka xirhundzu, a munyama wa moya wu ta hi rhendzela kutani Sathana a ta endla ku rhandza ka mbilu ya yena- Ku yiva, ku dlaya ni ku pfunya. A Vacriste ko tala va xaniseka hikwalaho ka ku tiarisa ka vona.
  11. Ni tshiki ni pfala hi ku ku khutaza. A rivoningo ri ni matimba ku tlula munyama. Exikarhi ma vusiku laha ku nga ni xinyama xikulu, a rivoningo ra menchiso, kandlelo kumbe xilaternana xi nga swi kota ku hangalasa munyama ematlhelweni ya wena. Xi nga ku pfuna ku vona nyoka endlwini ya wena leswaku u kota ku yi dlaya.
  12. Vana misava leyinene leyi bindzulaka mavele yo tala ni rivoni leri voningaka munyama.

PLEASE GO TO “CONTACT US” TO SEND US YOUR REQUEST, QUERY OR COMMENT