Xifaniso xa muhaxi

Print pagePDF pageEmail page

Jes parable sower

 

 

 

LUKA 8:4-15

  1. Eka swin’wana swiahluko hi vulavurile hi man’wana ya mahlori lawa Yesu a ma endleke. Eka xiahluko lexi hi ta vulavula ni ku hleketa hi tin’wana ta tidyondzo ta yena.
  2. A dyondzo yo sungula yi vulavula hi muhaxi loyi a humeke a ya ku haxeni.
  3. Eka Testamente ya khale hi dyondzile hi mfumo wa Israele lowu a wu lumba ntsena Vayuda. A testamente leyintshwa hi tlhelo ri vulavula hi ku lehisa mayelano ni nfumo wa Xikwembu lowu pfulekeke eka vanhu hinkwavu. Yesu a chumayele swinene hi mfumo lowu wuntshwa.
  4. Eka xifaniso lexi a fanisa ku sunguriwa ni ku kula ka mfumo ni nsimu leyi byariweke hi munhu loyi a a langutela ku tshovela eka leswi a swi byaleke. A munhu loyi, muhaxi, a tate saka ra yena hi mbewu a ya masinwini a ya haxa. A mbewu ya dura. A nga lavi ku luza ni yin’we ya yona, kambe a tiyimisele ku tshovela eka ndzoho yin’wana ni yin’wana leyi a yi byaleke. A hi languteni leswi a swi endlaka. A peta voko esakeni a teka mbewu a yi haxa ensinwini. A byala a ko a heta ndhawu hinkwayo. A endle kahle! Hambiswiritano, a nga humelelanga hi laha a a langutele hi kona. Hikwalaho ka yini? Yesu a hlamusela hi leswi humeleleke eka mbewu, kutani a hlamusela leswi vulaka swona eka ta ximoya.
  5. Timbewu tinwana ti wele endleleni, laha vanhu va fambaka kona. A ndeleni ku tiyele ku fana ni ribye kutani a mbewu yi wele ehenhla. Tin’wana ni kandziheriwe hi vanhu kasi tin’wana ti dyiwe hi tinyanyana. A ku tshoveriwanga nchumu eka timbewu letiya.
  6. Yesu a hlamusele leswaku swi fana ni vanhu lava twaka rito loko ri chumayeriwa, kambe va nga ri hlayisi ebimblwini, va ri veka eku enteni ka mbilu. Kambe ri nghene hi ndleve yin’wana ri huma hi leyin’wana. A xivangelo xa leswo, hileswaku muyingiseri swi nga endleka a nga ri twisisanga kumbe ku ri kholwa. A mbilu ya yena yi nononhwisiwile hi swilo swa misava ku ko ku pfumaleka ndhawu yo twisisa ntiyiso wa swilo swa moya wa Xikwembu. A miehleketo ya hina, ko tala yi amukela swilo hinkwaswo leswi hi swi twaka hi tindleve, swin’wana hi leswi hi swi vonaka hi mahlo ni leswi hi swi twaka hi switwi swa ku nunhweta. A miehleketo ya hina yi fana ni varanda emahlweni ka indlo. Loko a wu fanele ku xava TV u ri seta kutani u ri veka ehansi na wa ha pfula xipfalo, a swi tava swi ri kahle, kambe loko wu ri siya kwalaya, na wa ha ya endla khafi, u tlhela uya phamela swifuyo, na tshemba leswaku u nga vuya u kuma ri yiviwile, kumbe ri onhiwile hi vana, timbyana kumbe mpfula loko u lava ku ta ri teka u ri nghenisa ndlwini.
  7. Hikokwalaho, swi veke embilwini leswaku i xilo xa risima. Ri nghenisi ndlwini hi ku hantlisa u tlhela u ri tirhisa, hikuva ri durile. Swa fana ni marito ni miehleketo leyi hi yi amukelaka. Loko yo nghena yi nga tirhisiwi emiehleketweni ya hina, yi hundzuka swa hava yi va yi hangalaka. Diyavulosi a ni ndlela yo huhuta ntiyiso ni ku hunguta leswaku vayigiseri va ng apfuneki hi nchumu. Leyi i nyimpi yikulu leyi hi fanelaka ku yilwa. Hi fanele ku yingisela swinene loko rito ri dyindzisiwa eka hina. A mihleketo ya hina a yi faneli ku hlamala. A hi faneri ku hleketa hi mintirho ya hina, vanghana va hina, kumbe swiphatiphati swin’wana. Hi fanele ku nyikela ku twisisa hi tlhela hi hleketisisa swinene hi rona. Kutani hi kombela Xikwembu leswaku xi ri endla tlhelo ra vutomi bya hina. Hi fanele hi teka xiboho xa leswaku hi ta ri tirhisisa ku yini kumbe kwihi eka masiku lama taka. Hi ndlela leyo, ri ta dzima timintsu emiehleketweni ya hina. Kutani loko hi sungula ku hanya hi rona, ri ta kula ri ko ri tata vutomi bya hina. Kutani hi tlhavika a TV leswaku ri hanya.
  8. Ambewu yin’wana yi wele eka misava yin’wana. A yi languteka yi ri misava ya kahle, a yi ri kule ni laha ku fambaka kona vanhu, yi ri ndhawu laha mbewu yi nga milaka kona yi kula yi veka mihandzu. Hambiswiritanu, ehansi ka misava a ku ri ni ribye rikulu. A riyo funengetiwa hi misavanyana yitsongo. Yi hantlise yi kuma nkahelo wa ku hisa ka dyambu kutani mbewu yi mila ku tlula lei byariweke emisaveni. A mbewu yi ente yi ya tlhava ribye. Tani hikuva misava a yi ri yi tsongo, yi hantlise yi oma hikuva a ku nga ri ni ndzongo naswona a yi ri nguva ya malanga. A timbewu ti vuna ti oma ti fa. A Hosi kutani yi hlamusela leswaku i xikombiso xa munhu la twaka rito a hantlisa a amukela Evhangeli, kutani ku nga ri kungani ripfumelo ra yena ri tshoveka hi ku hantlisa ri hangalaka tani hi mihandzu ya ku nononh’wa ka ku kala ku twisisa swa Moya. Loko u nga si amukela Evhangeli ya ku ponisiwa, u fanele u ti vutisa leswaku he swihi swilaveko eka wena. U fanele ku twisisa leswaku he swihi leswi nga sivelaka evutonwini bya wena ku landza Hosi Yesu eripfumelweni ne le yingiseni ku ko ua fika emakumo.
  9. Swa koteka leswaku u hleketa leswi vanhu va pimisaka swona hi wena. Swi nga endla u chava ku fularheliwa hi va nghana. Loko u sungula ku vulavula hi ku cinca loko nga nghena embilwini ya wena. Swi nga ku vavisa swinene. Kutani u chava ku pfumelela mbewu leyi yi kula. U yima ku yi cheletela mati, a nga kuva ni xinakulobye ni Xikwembu hi xikhongelo ni ku dyondza rito ni ku chava ku vula vumbhoni eka vanhu. Kutani ripfumelo ra wena ri fa. A xivangelo hi leswaku a ribye ra ku chava leswaku vanhu va ta ku hleka ni ku ku fularhela. Lero i ribye rikulu evuton’wini bya vanhu vo tala, ngopfu eka vanthswa. Loko u hlangana ni kingha yo taniya loko u amukela Yesu tani hi muponisi wa wena, u fanele ku hlambuluka swidyoho swa wena swa ku tikurisa, kutani u kombela leswaku Xikwembu xi ku susela ribye lero evutonwini bya wena.
  10. Kutani mbewu yin’wana yi wela emintweni. Yesu a hlamusela leswaku a mintwa yi kombisa ku vilela hi swa vutomi, rifuyo ni tshomba. A vanhu lava va amukela rito hi ntsaku ni ku ehleketa hi ntiyiso wa kahle. A va na wona maribye ya ku tikurisa evuton’wini bya vona, kutani tani hi mihandzu a timbewu ti kula kahle. Va dyondza Bibele va tlhela va ya kerekeni hi tisonto. Hikuva va tirhela Hosi, Xikwembu xi va katekisa hi mali yo tala leyi endlaka leswaku va kota ku xava swilo swo tala. Va fambisa mimovha yo saseka, va tiphina hi swilo swo tala leswi Xikwembu xi swi endleke, kambe hi switsongo-switsongo a swilo leswi swi hundzuka byanyi evutonwini bya vona. Ematshanwini ya ku hlaya Bibele, va hleketa hi rona ni ku tikhongelela swinwe ni ku khongelela mindjangu ya vona, va tshama emahlweni ka ti TV tikulu va hlalela. Va amukela mbewu ya laha misaveni, kutani hi ku hantlisa va mileriwa hi byanyi byi kamanyeta mbewu ya vutomi bya ripfumelo leswaku ku nga kumeki ntshovelo wa kahle eka mbewu ya kahle leyi byariweke.
  11. Eka ntlawa lowu, naswona ku nilava timbilu ta vona a timbewu ti kulaka kalhe ti saseka, kambe nala wa mahika a ta a ta ta va yiva entirhweni wa vona, mali ya vona kumbe vutomi bya vona. A vayivi va tshova va nghena va yiva swilo swa vona swa risima. Hi ku hantlisa va sungula ku vilela leswaku va ta yi kuma kwihi mali yo hakelela vana va vona xikolo, ku xava swakudya ni swin’wana.. va tirha hi matimba swinene hambi hi ti-sonto, hmabi ni madlambo loko vanghana va vona va le tidyondzweni ta Bibele. “Hi fanelei hi tshivelela bota ri ko ri vila” hi leswi va ti seketelaka hi swona, kutani a mbewu ya ku vilela yi susumeta mbewu ya ripfumelo yi hambuka endleleni. Kutani a mihandzu leyi Xikwembu xi yi langutelaka evutonwini bya vona yi nga humi.
  12. Hambiswiritano, ku ni mbewu leyi weleke emisaveni leyinene. Laha a mbewu ya Xikwembu yi kuma ndzhongo yi kula swinene kutani yi pswala mihandzu yikulu. A mavele ma kula swinene ma leha ma hundza ni muhaxi wa wona, kutani eka wona ku tshoveriwa mavele yo tala eka rihlanga rinwe. Lexi i xikombiso xa munhu la lulameke, la nyikekete vutomi bya yena ni ku amukela Rito ra Xikwembu a endla hi rona, ni ku tsemba Hosi leswaku yi endla leswikulu hi yena.
  13. Hi swona leswi Yesu a hi hlamuselaka leswaku swa hi humelela eMfun’wini wa Xikwembu. A xivutiso sweswi hi lexi: “Xana ku humelela yini evutonwini bya mina? I mpimu muni wa mbewu ya kahle leyi Xikwembu xi yibyaleke evutonwini bya mina yi xi humeselaka mihandzu? Loko swilo swi nga se tshamiseka ku ta ta fika sweswi, xana ni ta endla yini ku susumeta maribye ni byanyi evutonwini bya mina, ni ku pfempfula misava leyo tiyela leswaku ni pswala mihandzu yo tala?”

PLEASE GO TO “CONTACT US” TO SEND US YOUR REQUEST, QUERY OR COMMENT