Wa nuna wa Gadara (La a xanisiwa hi mademona)

Print pagePDF pageEmail page

Jes deliv Gad demon

 

 

 

LUKA 8:26-39

  1. A mahlori lawa ma komba matimba ya Yesu ehenhla ka mimoya ya mademona leyi bohaka vanhu.
  2. Endzhaku ka mahlori ya xidzedze, hinkwavo va fike va ha hlayisekile emapheceya lana a vahedeni a va tshama kona. A Tatana wa Yesu wa le tilweni a nwi rhume kuya ntsunxa wanuna loyi a a tivitana hi vito ra vandla, loyi a a bohiwile hi hi kwalomu ka seis mil wa mimoya ya mademona. A ma swi tiva mademona leswi a swi ma tela, kutani ma ringetile ku tsandzekisa nandza wa Xikwembu hi ku n’wi nwerisa exidzedzeni elwandle, kambe a hluriwile enyimpini ya yena. Loko a magoza ya hina ma rhangeriwa hi Xikwembu, a hi nga tsandzeki loko hi teka swileriso leswi hi swi amukelaka eka Yena, hikuva a ni matimba ku tlula mademona hinkwawu.
  3. A mademona a ma tekile xiyimo hinkwaxo xa miri wa wanuna luya hi malembe yo tala. A miri wa yena a wu ri munti wa mademona. Ma n’wi tisele swivavo swa le moyeni ni swa le nyameni. A a tshama hi ku huwelela hikwalaho ka mimoya leyo biha a yi nwi xanisa. Ko tala a a teka maribye a tikhandla hi wona leswakua hunguta ku vaviseka loko a a ku kuma emoyeni wa yena endzeni hi ku endla banga yin;wana emirini wa yena, kambe a nga humelelanga. A a lek u ti khandleni, a engetela timbanga emirini wa yena. A mademona ma nwi endle a handzulela ni timpahla ni ku xixa xiyimo xa yena, ma endla leswaku ndjangu wa ka vona wo khomeka tingana. A maxaka ya yena ma ringetile ku nwi boha hi timpecana, va  n”wi khiyelela endlwini, leswaku va kota ku n’wi biyelela ni ku n’wi hlayisa, kambe a mademona ma n’wi nyike matimba yak u tshema machine a tsutsuma a ya tshama emasirheni. Endzhaku a ye a ya tshama emasirheni lama nga riki ni munhu, masirha lama kovotliweke ematlhelweni ya ntshava. A vanhu va muganga lowuya a va endle hi tindlela hinkwato ku tshama kule ni wanuna loyi a a bohiwile hi mademona. Xana a a dya yini wanuna luya? Swi nga endleka maxaka ya yena ma n’wi heleketele swakudya ma fika ma swi veka endhawini leyi a a ta kota ku swi kuma kona. A munhu loyi a a le ka xiyimo xo tika swinene, naswona a ku nga ri ni munhu etikweni leriya loyi a a ta kota ku nwi pfuna. Swi nga endleka va tee ka yena: “Va n’wa mbiyangwanake ”, naswona swi nga endleka va n’wi rilile, kambe a ku vanga ni un’we wa vona la koteke ku n’wi ponisa eka xiyimo lexi a a ri eka xona. A mademona a ma n’wi wutlile ma nwi veka emavokweni ya wona naswona a ma lava ku n’wi dlaya.
  4. Xana swilo swo fana ni leswi swa humelela eka munhu un’wana? Xana munhu  hi ku famba exitarateni a nga gheniwa hi mademona? E-E. ni tshiki ni ku byela xikombiso. Xikwembu xi funengete miri wa hina hi xikhumba, leswaku xi wu biyelela eka mavabyi, a nga va ntsena loko hi endla hi maxivomo, hi tshuka hi ti-tsema xikhuma xa hina, hikona hi nga khomiwaka hi mavabyi emirini wa hina. A moya wa hina wona, wu hlayisekile swinene, wu biyeleriwile hi tintswalo ta Xikwembu leswaku wu nga ngheneriwi hi mimoya ya mademona. Ntsena loko hi ma pfulela.
  5. Swi endlekise ku yini ke? Ku na swivangelo swo tala. Yin’wana ya tindlela i ku nwa murhi lowu endliweke hi vanyamsoro. Yi nga nghena loko munhu a rhandza ku phahla mimoya ya vafi. A ko tala a mademona, ma tiendla onge I mimoya ya va kokwana lava feke. Naswona ma swi kota ku endla mahlori leswaku ma koka mahlo vanhu va ko va pfula tinyanwa ma kota ku nghena evutonwini bya wena. Ma nghena hi ku pfumelela miehleketo ya rivengo ni ya ku tsandzekisa, ni ku lumbeta vanhu hi swa hava u k uva ku lukele mavunwha na a nga ri ntiyiso. Loko u tshama ni xiviti, u pfula nyangwa leswaku mimoya yo biha yi nghena.  Yi nga nghena naswona loko u famba masangu ni munhu loyi u nga chatangiki na yena.
  6. Leswi wanuna loyi a swi endleke a hi swi tivi, kambe leswi hi swi tivaka hi leswaku a a rhwale vukarhi emiehleketweni ya yena ni le mbilwini ya yena. Loko a vona byatsu byi tshinelela ni nkarhi lowu a voneke Yesu na huma ehandle, a mimoya ya mademona yi sungule ku vulavula hi yena. A ma swi tiva leswaku Yesu a a ri N’wana wa Xikwembu ni leswaku a a ri ni matimba ehenhla ka yona. Ma huwelele Yesu, “Hi ku onhele yini, Yesu N’wana wa Xikwembu xa le henhla –henhla?” Kutani ma ya emahlweni ma n’wi kombela ma ku: “Há ku kombela, unga hi xanisi” hikuva Yesu a a ma lerisile leswaku ma suka ka yena.
  7. Languta hi laha a mademona a ma n’wi chava hi kona Yesu. Ma n’wi komberile leswaku a nga ma xanisi na loko nkarhi wa wona wu nga se fika. A ma swi tiva leswaku Xikwembu xi lulamise xihogo xa ndzilo leswaku ku hoxiwa sathana ni tintsumi ta yena a nga mademona, laha na wona ma fanelaka ku hoxiwa kona loko siku ra ku avanyisa misava ri fika. A nkarhi wa wona wa ku xanisa misava, wa tshinelela, kutani ma lava ku hi xanisa hina vanhu hikuva hi endliwile hi xifaniso xa Xikwembu.
  8. A ma nwi chava Yesu hikuva a a ta ma lerisa ma ya ehansi exihogweni xa ndzilo, ehansi ka misava leyi hi hanyaka eka yona, kutani ma nwi kombela leswaku a ma pfumelela ma nghena eka tinguluve leti a ti dyela kusuhi. Kutani a ma pfumelela eka xikombela xa wona leswaku ma ya nghena eka wona, kutani a tinguluve ti tsutsuma ti ya nghena etiveni ra lwandle ti nhwela kona ti fa.
  9. Hambi hi nguluve a nga xiharhi xo hanya eka nsila, a yi swi kotanga ku hanya ni moya wo biha endzeni ka yona. Ma pfumele k ufa ematshanwini ya ku hanya ni mimoya ya mademona. Hikwalaho ka yini hina lava a hi fanele kuva ti tempele ta Moya lowo Kwetsima, hiya vutisa eka mimoya ya chaka, hi ti nghenisa enghozini yak u fumiwa ni ku tshamiwa hi mimoya yo biha leyi susaka ntsaku?
  10. A vinyi va tinguluve a va khunguvanyeke swinene hi ku loveriwa ka swifuyo swa vona, swi nga endleka na hina hi va tsetse etimbilwini ta hina, kambe xana swi nga lulamisiwa ke? A vinyi va tinguluve a va khunguvanyeke ngopfu swinene hi ku luzekeriwa hi swifuyo swa vona, hambi loko hi nga va tsetse etimbilwini ta hina, xana swi nga va pfuna ke? Emasikwini lawaya, a nawu lowu Xikwembu a xi wu lerisile hi Muxe, a wu swi veka erivaleni leswaku a nguluve I xiharhi xo kala xi nga tenganga, kutani Xikwembu xi tiyise leswaku I xidyoho ku dya nguluve. A vahedeni va masiku lawaya, a va tshova nawu wa Xikwembu, kutani a va khoma tinguluve va dlaya va dya, hikuva a va ehleketa leswaku, xana yi fanele yi endliwa yini nguluve? Hikuva  a wu nge hloti ho yona ku fana ni mbyana. Naswona a wu nge yi rimisi ku fana ni homu. Naswona a wu nge yi sengi ku fana ni homu ya mpwele. Yi ngo tirhisiwa ku dyiwa ntsena. Kutani a va khoma va dlaya va dya, kutani hi ku endla leswo a va le ku tshoveni ka Nawu wa Xikwembu. A xivangelo xa vumbirhi lexi endleke Yesu a pfumelela mimoya ya mademona yi nghena eka tinguluve, hi leswaku a munhu a ni risima ku tlula nguluve. A munhu un’we a tlula kule gidhi ra tinguluve, hikuva a endliwe hi xifaniso xa Xikwembu, naswona a moya wa yena wu ta hanya hi laha ku nga heriki, ku tlula xiharhi lexi nga riki ni moya, loko xi fa xi helerile.  A vanhu va tiko leriya, va fanele va tsake ngopfu swinene hi k uvona munhu wa ka vona a tshunxiwile eka mimoya leyi a yi nwi xanisa, kutani a va fanele ku titwa na swi anpswa swinene hikuva a hakelo ya tinguluve yi le hansi swinene ku tlula ku kutsuriwa ka munhu.
  11. Xana ku humelel yini loko a tshunxiwile? A ambale mpahla, swi nga endleka yi ri ya un’wana wa vadyondzisiwa. Kutani a khinsama emilengeni ya Yesu a n’wi kombela ku hamba a famba na yena hinkwaku laha a yaka kona. Kambe Yesu a ala, a n’wi tlherisela ekhaya leswaku a ya va byela hinkwaswo leswi Xikwembu xi n’wi endleleke swona. A v ale gadara lava a va n’wi tiva swinene wanuna loyi a a khomiwe hi mimoya ya mademona, va kote ku swi vona leswaku a a ri munhu loyi hikunene a ponisiweke ematimbeni lawa a ma n’wi bohile. Kutani a va ta fanela ku n’wi yingisela swinene loko a vula vumbhoni bya leswi Yesu a n’wi endleleke swona. Leswo a swi ta endla leswaku va pfumela eka Yesu ni leswaku va tshunxiwa eka matimba ya xidyoho ni ya rifo. Kutani a fambe a vula vumbhoni etikweni hinkwaro a vula matimba ya Yesu ya ku hanyisa.
  12. Endzhaku ka leswi, Yesu a tlhele a nghena ebyatswini a ya Galeliya etlhelweni ra tiva. Kutani swi le rivaleni leswaku a ye Gadara kuya hanyisa ni ku ponisa munhu un’we. Wa nga vona rirhandzu leri kulu! Hi rona rirhandzu leri n’wi susumeteke a suka etilweni leswaku wena u ta kota ku ponisiwa. Xana u n’wi amukerile, naswona se u ponisiwile xana? Loko a ri ina, unga yimi ku n’wi dzunisa ni ku n’wi gandzela u va u byela van’wana hikwlaho ka mintirho ya yena leyo hlamarisa leyi a yi endleleke wena.
  13. Hi ku pfala: Yesu a ni matimba ehenhla ka diyavulosi ni mademona ya yena, hi ndlela leyo ke, a hi tiyeni swinene hi nga pfuli mukhandlu hi ku chava loko hi hlangana ni swiyimo swo fana.

PLEASE GO TO “CONTACT US” TO SEND US YOUR REQUEST, QUERY OR COMMENT