Vafilipia

Print pagePDF pageEmail page

MATERIAL MAY BE DOWNLOADED FREE OF CHARGE FOR PERSONAL USE

BACK TO INDEX 

A. MANGHENELO

Nhlokomhaka nkulu: Ku tsaka e Hosini. Rito ra ku “ ntsaku”  kumbe  ku “ tsaka” rivuyelerile kumbe ku phindhiwa ka 11 e ka papila leri. Hinga ri chula leswaku “ I papilla ra ntsaku”
Siku ro tsariwa: Kwalomu ka AD 61.
Mutasari: Muapostolo Paulo.
Ndzhawu: E khotsweni ra le Rhoma.
Nkomiso: Paulo i tsala papila leri ku tlangela vale Filipia e ka swipfuno swa vona swa timale ni swin’wana swa nyama.

B. KU TI TSHIKA KA KRESTE NI KU TLAKUSIWA KA YENA

2:5-11

  1. Loko Xikwembu Tatana Xilavile munhu wo tshembheka leswaku xi ta n’wi hlawula ku va yena nhloko e henhla ka swivumbiwa swa Yena hinkwaswo, munhu loyi a nga ta kala anga swi phangi swi va swa yena, Xi kumile n’wana wa Xona Yeso Kreste.
  2. Kufikelela xitshamo lexo, I hluvurile xiyimo xa mudya ndzaka tani hin’wana wa Xikwembu, a sala a ri munhu ntsena , tlhela a ti tsongahata a v aka xiyimo xa munhu wa le hansi hansi, e ncileni, a va nandza wa vanhu hinkwavo, e ku heteleleni, a fa exihambanuweni ku fana na xighevenga.
  3. Leswi swi andlariwile ku saseka e ka ku avanyiso ka 2 vesi ya  6 ku ya fika ka  8: “A a ri ni xiyimo xin’we na Xikwembu, kutani a nga tekanga ku ringana ka yena na Xikwembu xiva  xilo lexi a nga khomelelaka e ka xona, kambe u ti tshikile hi ku teka xiyimo xa nandza, a velekiwa a ri la fanaka ni vanhu, loko a voniwile, a a ri la kotisaka munhu. U ti tsongahatile, a va la yingisaka kufikela e ku feni, a fa hi rifu ra xihambano.
  4. Loko a fikile makumu na ntirho wa yena wa ku ti tshika no ti landzula, Tata wa yena u n’wi tlakusile a n’yika xitshamo xa le henhla –henhla, le xi kumiwaka ntsena tani hi laha swi vuriweke hakona e ke vesi ya 9 ku ya fika 11: ”Hikokwalaho Xikwembu xi n’wi tlakusile swinene, kutani xi n’wi vito, leri nge henhla ka mavito man’wana hinkwawo, leswaku, evitweni ra Yesu, matsolo hinkwawo makhinsama ematilweni , ni lamisaveni, ni lehansi ka misava, ni tindzimi hinkwato tivula leswaku Yeso Kreste I Hosi, ekudzuniseni ka Xikwembu Tatana.”
  5. Tani hi vanhu valaha misaveni, hitsutsumela switshamo swa le henhla leswaku hi voniwa no tikumela ndhuma, loko hoza hi swikuma , hi khomelela e ka swona vutomi hinkwabyo. (Hi nga vona hilaha va presidente va tiko va tikeriwaka hakona ku suka no nyikela xitshamo loko nkarhi wu herile.) Switano na le vuton’wini bya vukreste, na le tikerekeni, moya wo navela ndhuma no va henhla kavan’wana, switisa mpfilu-mpfilu na madzolonga. Loko kereke yo tshuka yikombela wun’we wa va vhangeri kumbe vafundhisi ku endla ntirho wa le hansi wo koropa ,ku basisa no susa nsila e kerekeni, a fmbisa xikanya-kanya, kutani un’wana wa va khokheri a teka xitshamo xa yena, a vonelela kereke, a chumayela hi tisonto, a fambisa xipandza mananga kumbe movha wa muvhangeri kumbe murisi, ku nga pfuka vuthu , xihuhuri na ndzilo.Varhangeri va makereke va tolovela ku khomelela eswitulwini swa vona ku fana na vamatiko.
  6. Hikokwalaho Paulo a khutaza nhlengeletano ya yena yale Filipia, leswaku va amukela moya lowu a wuri e ka Kreste. Kreste u tshikile no siya vuhosi etilweni, a byi nyikela tintsumi ta malandza, kutani a hlawula kuva nandza yena, nandza wa vanhu hinkwavo, a va hlantswa milenge. U nyikerile vukwembu ni matimba ya yena hinkwawo, hikokwalaho, loko a komiwile hindlala, a nga swikotanga ku hundzula maribye mava vuswa. U hluvurile matimba ya yena hinkwawo, a tinyikela ku bhohiwa no vambiwa hi vanhu.Uhluvurile no nyikela xitshamu xa yena, a vutisiwa no avanyisiwa hi maYuda, va kulukumbha, va Roma, Heroda na Pilato.U nyikerile vun’we bya yena bya N’wana/Tatana, a hambanyisiwa na Tata wa yena , a twisiwa ku vava exihambanweni. U hluvurile ntsako wa vutomi byo tenga no kwetsima, a ambala swidyoho swa hina.
  7. Xitsundzuxo xa Paulo eka Vafilipia I kuva va landza ntila wa Kreste tani hi Xikombiso. Kutitsongahata evuton’wini lebyi hi nga e ka byona, u tirhela va’nwana no hluvula hinkwaswo, hiswona swi tsakisaka Xikwembu, hiswona swi nga ta hi tlakusa hambi eka vutomi lebyi bya ha taka.

C. MAVONELE YA PAULO HI TLHELO RO HANYA: “FANA LESWAKU U HANYA”

  1. Paulo i kombisile ku yelana no twisisa ku fana na Kreste kusukela e ku hundzukeni ka yena. Ku avanyisa ka 3:4-8,i hlamulela xiyimo xo tlakuka lexi yena a ri na xona, xosungula hitlhelo ra mudya ndzkaka a ri mu Israyele ( a ri xirho xa tiko ra Xikwembu ro hlawuleka) kusuka e ka rixaka ra Benjamini, a ri mu Heberu wa va Heberu, loyi a yimbisiweke hisiku ra vu 8 , hilaha Nawu wu lavaka hakona. Hi xi tsamo e ka vukhongeri bya yena a ri Mufarisi lowo hlawuleka hikuva a ri Mufarisi wo hiseka , loy a tiyimiseleke ku hlayisa Nawu no khomelela e ka wona, na swona a hlawuriwile no nyikiwa matimba na mpfumelelo hi va kulukumbha ku xanisa va Kreste na kereke. Hi yena a nyikiwile xitshamo xa le henhla kuya hi vukhongeri bya vona. Leswi hiswona leswi a ti dzunisa hiswona  evuton’wini bya yena .
  2. Loko se a hundzukile Mukreste, hinkwaswo leswo swi hundzukile swa hava , a swa ha vanga swa nkoka hambhi kuva na mbuyelo e moyeni wa yena, kambe u vonile kuri swilo leswi n’wi chelaka vusiwana e moyeni wa yena. U vonile swi fana ntsena na nyuku wa munhu, lowu nyamalalaka loko munhu a wisile. U vonile kuri swilo leswi boleke, leswi nuhaka, leswi faneleke hikuya cheleriwa kumbe ku hoxiwa e matini, a hambanela makumu na swona. Hileswi Paulo a nga swi vonisa swona swilo loko se a ponisiwile leswi a swi ri swa nkoka loko a nga se na ponisiwa.Loko se a kumile vutomi byi ntswa, swi hundzukile swa hava, swo nyamisa, leswinga n’wi sivelaka rifuwo leri nyikiwaka hi Kreste.
  3. Se sweswi ke, Kreste na hinkwaswo leswi a swi an’wi nyikaka swona, hiswona leswi kunga rifuwo ra xiviri leri vuyerisaka. Hiswona leswi n’wi endlaka a va n’wankumi. Xosungula I ku lulama (ku lulama emahlweni ka Xikwembu hikwalaho ka ntirho wa Kreste exihambanweni, loku kumiwaka hiku pfumela.
  4. Xavumbirhi, ku veka e hansi ku tshembhela e ka matimba ya nyama, u vile xiphemu kumeke matimba lama nyikiwaka hi moya lowo kwetsima e ka lava pfukeke e ka rufu ra ximoya.
  5. U vile xiphemu xa maxangu ya Kreste, ku fikela laha mintirho ya yena leya khale ya nyama yi nga fa.
  6. Leswi se a swi navelaka hileswi landzelaka:
    1. Ku tiva Kreste hi ku entelela swinene.
    2. Kufana na Kreste hi xiviri e ka rifu ra yena, ku nga kufa ka munhu wayena wa khale.
    3. Kupfuka na Kreste , himatimba lawa ma n’wi pfuxeke ekufeni.
    4. Ku va xiphemu xamaxangu ya Kreste.
  7. A a switiva hi ku hetiseka leswaku a nga se na yikuma hari ya vutomi, kambe u tirhisa matimba ya yena hinkwawo leswaku a tayi amukela.
  8. Hi ku endla koloko, u pfala miehleketo ya yena no rivala hinkwaswo leswi hundzeke, leswaku swi nga n’wi siveri no n’wi kavanyeta e rendzweni ra yena, u tsutsuma no veka mahlo ya yena e gondzweni ra yena leswaku a ta kuma hakelo ya yena, leyi Xikwembu xi n’wi vitaneleke yona.
  9. Lawa hiwona mapimo law ava Kreste hinkwavo va faneleke ku van a wona.
  10. U katsakanya mhaka ya yena hi marito lawa: “Hikuva ekamina, ku hanya I Kreste, ni kufa I ku vuyeriwa” (1:21)
  11. Kuri hileswaku nkarhi lowu a nga se na ponisiwa, a navela ku hanya masiku ni malembe yo tala, leswaku a ta ti phina tani hi Muyuda no va murhangeri wa vukhongeri, sweswi u vona leswaku rifuwo rayena rile matilweni.Hikokwalaho, xosungula lexi a xi hlawuleke I ku nghena ematilweni, kambe a nga swi endli hikuva a nga rhandzi ku famba yexe. U tsumburile leswaku a nga fanelanga kutitsakisa, kambe u fanele a ya emahlweni a hanya laha misaveni leswaku Hosi yikota ku n’wi tirhisa ku katekisa va’nwana, kukatsa na va Filipia. Laha nakona u komba ku yelana na Kreste hi ku rhangisa swa Xikwembu na swa van’wana , kutlula swa yena.

D. TINDLELA TO AMUKELA KU RHULA KA XIKWEMBU

4:4-9

Tsalwa leri rikhomile swilaveko leswi hi nga vulaka leswaku riendla lata kumbe swikada munhu ku rhula ka Xikwembu. A hilanguteni leswi landzelaka:

  1. Titsakeleni eHosini himasiku hinkwawo (4:4).
  2. Endla vunghana ni vanhu hinkwavo (Xikwembu xakuvona). (4:5)
  3. U nga chavi hikwalaho ka swidhingo swa wena – Swiandlari emahlweni ka Xikwembu hiswikhongelo swo phikelela; Xikhensi hileswi xinga ta swiendla; Switki ku se uswi amukerile, kutani u ya emahlweni na vutomi (4:6).
  4. Lavelela miehleketo ya wena; Bakanya miehleketo yo homboloka, yovukariha, ya tyhaka, ni hinkwayo leyi nga dzunisiki Xikwembu (V8).
  5. Tala hi miehleketo ya ntiyiso, yo dzuneka, ya kahle, yo tenga, yo rhandzeka no hlamarisa (V8). Lawu a kova nongonoko wa swilo leswi ufanelaka kuswiehleketa, kambe xova ixikombiso ntsena xa swin’wana leswi mukreste afanelaka ku swiehleketa. Miehleketo leyinene yi tisa rihanyo lerinene. Langutisa munhu loyi a ehleketaka swa kahle, u ta vona leswaku utshama a tsakile no n’wayitela.
  6. Loko utata miehleketo ya wena hi mintirho na miehleketo leyinene, swita ku tisela ku pepa ,ku nuhela na ku rhula loku humaka eka Xikwembu, luku tlurisaka , hikuva kurhula ka Xikwembu a ku humi eswilweni. (4:7, 9).

 E. NTIRHO LOWU NGA WA XIKWEMBU NA LOWU NGA WA WENA (2:12,13)

  1. Xikwembu xi nghenisa ntirho endzeni ka wena, kutani wena ufanele ku wu humesela erivaleni.
  2. E ka tivese letimbirhi Paulo u palulaxa xihundla xavutomi bya xi Kreste:
    1. Himusa ni nsovo wa Yena, ni hi Moya lowo kwetsima, Xikwembu xi nghenisa vuswikoti endzeni ka wena byo kota ku hlula nyama, u kota ku hanya vutomi byo hlula.
    2. Nawena hitlhelo ra wena , u fanele ku humesela erivaleni vuswikoti lebyi u byi nyikiweke hi Moya, ku nga maehleketelo, mintirho, rirhandzu , kutsaka, ku rhula, , kutiyisela, vunene, tintswalo, kutshembeka,, ku olova nakutikhoma.
    3. Xona xi ku nyika matimba na vuswikoti, kambe wena ufanele, kambe wena ufanele kutikarhata, uhlakulela swilo leswi hitlelo rawena leswaku swikota ku tirha e ka wena. Swivula leswaku u fanele u tshembha Xikwembu, u khongela leswaku u tshama u tele hi Moya lowo kwetsima, utisola laha utsandzekaka kona, u Xitlangela loko hi ku cinca loku Xi ku nyikeke kona.
    4. Xona xi tshembhekile hi tlhelo ra Xona, Kambe xana wena na mina ha tshembheka hi tlhelo ra hina ke?

 F. KU TI TSAKELA E HOSINI (4:4, etc.)

  1. Loko u endzela mubohiwa e khotsweni, hakanyingi ufambe u tamele swakudya swa kahle, naswona, u ehleketa marito ya kahle leswaku u ta n’wi khutaza no chavelela moya wayena lowu tshovekeke. Paulo yena a hambanile na va bhohiwa hinkwavo, endzeni ka khotso , a  a ku amukela hi ku n’wayitela, a tsaka. Hiyena a tiyisa no chavelela va bohiwa swin’we na la vataka ku ta n’wi pfuxela. Xana a a swikotisa ku yini?
  2. Xihundla xa ntsako wa yena hileswaku a a ri nivuxaka ni vudyelani na Yeso Kreste loyi a hanyaka, loyi a nga hundzukeki, loyi a nga kona , namuntlha, mundzu ni hila ku nga heriki. Awunga sukeleli e khotsweni, naswona awunga sukeli emisaveni . Nambu wa ntsaku wayena awukhuluka wu huma e ka Kreste hi xiviri, wu handzula makhumbi ya khotso wu ya fika laha arikona, a swikotekanga leswaku va wu khiyela e handle.
  3. Tani hi vanhu va laha misaveni, ntsaku wa hina wu huma e ka mpandwa wa swakudya swa kahle , nile ka swiambalo swo dhurha, nile ka vanghana va xiyimo xale henhla. Hinkwaswo leswo a swingari nchumu e ka yena loko aswiringanisa ni vuxaka bya yena na Hosi Yeso Kreste.
  4. Wapfumela leswaku va Kreste va fanele vayingisa, valandza no endla swileriso swa Hosi Xikwembu, tani hilexingo : “Rhndza wa rikwerhu ku kota loko u tirhandza?” Ndza tshemba leswaku wa pfumela. Switanano, e ka Va Filipia 4:4 , hikuma xileriso lexi ngo : “Tsakani e Hosini himasiku, na kambe ndziri tsakani!”  Lexi I xileriso lexi fanelaka ku landziwa.
  5. Kutsaka eHosini masiku hinkwawo e ka swiyimo hinkwaswo a swi olovi, swilava ku ti tolovita, kufikela laha swi milaka e ka wena. Hakanyingi hi rhandza ku tweriwa vusiwana no ti twela hina hi hexe. Hitolovela ku n’gunun’guta no ghungula. Hifanele ku swi lahla hitlhela hi swi celela hi ambala ntumbunuku wa Kreste.
  6. Lift up your face to heaven at least once every five minutes and smile unto the Lord for 30 seconds whether you feel like it or not, and you will discover that the smile on your face will seep down into your heart.
  7. Hifanele hidyondza ku tiyisela minkarhi hinkwayo, e ka swiyimo hinkwaswo, Kufikelela laha swi hundzukaka ntolovelo wa vutomi bya yina, kufana na Paulo, hambi leswi a ri mubohiwa ekhotsweni, endzhawini yo vava swinene, kambe a kumeka a tsakile himasiku ni minkarhi.

 G. MINTIRHO YA PAULO E KA VA HLAWURIWA VA XIKWEMBU

  1. KEREKE YA LE FILIPIA
    1. Leyi hiyona nhlengeletano yo sungula leyi Paulo a yi tumbuluxeke etikweni ra le Yuropa, kutani hiyona yi nga pfula swipfalo ku fikelela tiko hinkwaro.Ntlawa wo sungula lowu a nga wu tumbuluxa etikweni ra Filipi kuvile ntlawa lowu a wu rhangeriwa hi Lidia, lowu awu hlangana no khongela kusuhi ni nambu.Loko a hari kona kole, va n’wi pfukerile himatimba lama kulu swinene endzhaku kaloko a hlongorile demona e ka hlonga ran’wanhonyana, va hetelela hi ku n’wi hoxa ekhotsweni.Kutani Hosi Xikwembu xi ti vonakarisa hi matimba lamakulu swinene kole khotsweni a ri kona, mulanguteri wa khotso swin’we ni ndyangu wa yena , va amukela Kreste tani hi Hosi ni Muponisi wa vona, va khuvuriwa, kutani Paulo na Silasi va suka etikweni ra Filipia (Acts 16).
    2. Kusukela kolaho, va Filipia va seketela ntirho wa ku hangalasa mahungu lamanene ya Kreste. Loko a khotsiwile e Rhoma, va n’wi seketerile hi timale , vatlhela va rhumela un’wana wa va rhangeri Epafrodita leswaku a n’wi chavelela kole khotsweni a ri kona. (2:25).
    3. Nhlengeletano leyi a yi zanga yi yisa swikhalo e ka Paulo nasiku na rin’we, hambi ku n’wi pandzisa nhoko, minkarhi hinkwayo a va n’wi yisela ku rhula ni ntsaku, hi tsumbula mhaka leyi ngofpu ngofpu e ka swikhongelo swa yena. Kambe tin’wana tinhlengeletano, a ti n’wi dyisa mbitsi a xeva hi nhlomulo, a rila mihloti vusiku ni nhlekanhi loko a ri ekukhongeleniWhereas he was in tears when praying for some of the other congregations, when he prayed for the church at Philippi, he did so joyfully (1:4).
    4. E ku sunguleni ka papilla ra yena, u kombisa ku khumbheka ka yena havona, u boxa na vito ya varhangeri va vona. (1:1).
    5. Kutani i vuvula minkateko ni ku rhula ka Xikwembu e henlha ka vona. (1:1).
    6. Wa va xuva swinene hi nsusumeta wo huma e ka Kreste hi xiviri (1:8).
    7. Wa va tshemba swinine leswaku va ta nyika Xikwembu ndzhawu etimbilwini ta vona, leswaku ntirho lowu xi wu sunguleke havona, xi wu fikisa e ma kumu (1:6).
    8. E ka yena, va languteka ku fana na harhi kumbe xidlodlo xa vukosi. (4:1). (Xidlodlo kumbe harhi ya vukosi , hakanyingi swiendliwa hi nsuku na daimani helendzeni, na swin’wana swa nkoka, hinkwavo ka vona vavonaka na vari tihari ta ximoya.)
    9. U tsumbula leswaku, ku khotsiwa ka yena kunga endla leswaku va lahlekeriwa hi rifpumelo ravona no hela matimba yo ya emahlweni va ponisa van’wana e matimbenai ya nala. Hokokwalaho u va hlamusela leswaku, ku khotsiwa ka yena I ma kungu ya kreste hi xiviri, leswaku malandza ya hosi Kezari hinkwawo ma amukela Yesu tani hi Hosi ni Muponisi wa vona, na kona, va nyingi se va n’wi 1:12-14).
    10. Nakambe u vula leswaku, loko a ha khotsiwile, ku humele va dyondzisi va mavun’wa, la va nga chumayela hi xikongomelo xo n’wi kaneta no hangalasa nhlengeletano ya yena yi landza vona. Hinkwaswo leswi a swi ta tisa swi vutiso e k ava Filipia hi matirhele ya Hosi Xikwembu. Paulo I vula leswaku a nga khunguvanyeki hi mhaka leyi, kambe wa tsaka hikuva a yi Vhangeli yo famnba no hangalaka, swi nga ri na mhaka ku ri Imani a fambisaka yona, na swona hi moya wa njhani. (1:15-20).
    11. Kutani, a va khutaza hitlhelo ra swin’wana swa vu Kreste, hikuva hambileswi avari xikombiso lexinene e ka tikereke tin’wana, switele leswi a va fanele va tivonela eka swona (2:1-5; 4:2).
    12. Uyile emahlweni a va dyondzisa no va letela leswaku va entelela etimhakeni ta Evhangeli ya ntiyiso.
  2. TIMOTEO (2:19-23).
    1. Paulo utlangela no khensa Timoteo tani hi mutirhisani wa nkoka hi ku boxa vito rayena e ku sunguleni ka papilla ra yena (1:1).
    2. U vulavula swa kahle hi yena, a vula leswaku u n’wi pfunile ngopfu swinine tani n’wan loko a pfuna tatana wa yena (2:22).
    3. , U n’wi tlangela swinene, ngopfu-ngopfu himhaka yak u a nga tilaveli leswi nga swa yena. (2:20,21).
    4. U tshembhekile swinene ku tlula hinkwavo, hi mintirho ya yena eka va Filipia, na hungu ravona leri a ri tlheriske e ka Paulo hi vu enteleri (2:20, 22).
  3. EPAFRODITA (2:25-30).
    1. Paulo na kambe a vekile Epafrodita e ka xiyimo xale henhla, a n’wi vita makwerhu, mutirhisani kulobye, musocha kulobye na nandza loyi a fikelelaka swi laveko swa yena (2:25).
    2. U tsundzuka hi laha a vekeke vutomi bya yena e khombyeni leswaku a kota ku n’wi ponisa. Hilaha a ngo lo pona ri ahlamile (2:30).
    3. Hikokwalaho, Paulo u khongotela nhlengeletano ya le Filipia leswaku va n’wi khoma tani hi munhu wa xiyimo xa le henhla , tani hilaha swifanelaka hakona e ka malandza ya Xikwembu hinkwawo  (2:29).
    4. (Swa ha ri xitano: Mhaka yak u va Epafrodita , a khomiwile hi mavabyi yo chavisa, laha a nga yo tlhela e non’weni wa rifu, na a ri na Paulo , va ri karhi va famba va endla masingita hi ku horisa la vo tala, swikomba erivaleni leswaku, ku horisiwa a ku humi e ka munhu, ku horisiwa ku huma e ka Xikwembu na swona I ka Xikwembu hinkarhi wa xona God.)
  4. NKATSAKANYO

Hikulanguta hungu ra hina laha henhla, hitsumbula leswaku Paulo a nga ri murhangeri wa vuchiva no tivona a ri yena wa nkoka ntsena, kambe a von va Kreste hinkwavo va ri na risima, ngopfu-ngopfu lava va lava va tinyiketeke e ka ntirho wa Xikwembu na Hosi Yeso Kreste.

H. VUN’WE

2:1-4, 4:2

  1. U tsundzuxa va Filipia nakambe leswaku va fanele va tirhisana hi ku rhula, ngopfu-ngopfu Eudia na Sintikche. Hivona va manana va mbirhi lava a va ri eka vurhangeri bya nhlengeletana, kambe a va nga dzahisani.
  2. Ku va tshinya , aswikomba ku va rhandza, kufana na Dokodela loko a tsema nhlungu leyi mileke emirini, ley loko yo tshikiwa yi nga onhaka miri hinkwawo.
  3. Manyunyu, kutikurisa na kutilavela swa wena, swivanga madzolonga na mpfilu-mpfilu, kasi ku ti tsongahata na ku navelela van’wana swa le henhla ku tlula wena, swa aka no hlanganisa vanhu vava nyandza yin’we.
  4. Madzolonga no avana exikarhi ka nhlengeletano, hiswona swi vangaka ku phatluka.
  5. Rirhandzu na ntwanano exikarhi ka nhlengeletano, swivitana vamatiko va engetela nhlengeletano.
  6. Vun’we , I xikongomelo xa ntirho wa Kreste wa ku ponisa (VaEfesa 1:10).

 I. MAXANGU HIKWALAHO KA KRESTE

1:29

Paulo u dyondzisa leswuku, maxangu hikwalaho ka Kreste I nkateko. Xana yina nhloko mhakaleyi? I na yi nayo.

  1. Vanhu va khumbheka loko hikota ku tsaka hambhi hiri exikarhi ka mahlomulo, va kokeka vata e ka Kreste.
  2. Hilaha vupfumeri bya hina byi ti kombaka kona e ka vamatiko, va navela ku ti patsa na hina..
  3. Xohetelela, swipfuna leswaku vanhu va nga veki mahlo ya vona e ka swamisava, kambe va veka mahlo ya vona e ka Kreste ntsena.

 J. SWILAVEKO SWA NYAMA

4:10-19

  1. Tani hi muvhangeli loyi anga e ku fambeni, murisi na muapostolo, Paulo a nga zanga a va na nkateko wo hlayisiwa , kumbe ku ti seketela hi murisi wo huma exikarhi ka nhlengeletano ya yena , hikokwalaho , u vile wa xiyimo xa le henhla, a a tiseketela ntsena hi Xikwembu e ka swilaveko swa yena swa nyama swa siku na siku.
  2. E hansi ka swiyimo hinkwaswo, u kumile dyondzo ya nkonka na risima swinene, udyondzile ku ku kolwa no eneteka hi leswi Xikwembu xi n’wi phameleka swona, hambi switele ngopfu swine, hambi kuri ndzalo, hambi kuri dyandza. Nkarhi wu n’wana a dya a tlhela a raha hi nenge , nkarhi wun’wana a a etlela xiri karhi xi buba xivambalani, a kontela tinyeleti vusiku hinkwabyo. (4:12). Himatimba lawa Hosi Xikwembu a xi n’wi nyikile wona, a a kota ku rhwala swiyimo hinkwaswo leswi a hlangana naswona.
  3. Hikokwalaho, a nga zanga akombela mpandwa kumbe ku phameriwa hi kereke yale Filipia, kambe a va tlangela swinene himbilu ya yena hinkwayo loko va tshuka va swi endla. (4:10).
  4. Lexi a xi n’wi nyika ntsako lowu kulu , I kuva va ehleketa hi hakelo lehi vona va nga ta yi kuma hi ku hanana ka vona, ku tlula swi hanano swakona. (4:17).
  5. Paulo a swi twisisa swinene leswaku na yona nhlengeletana yale Filipia, wukona nkarhi lowu na vona va pfumalaka swilaveko swa vutomi.Hikuva yena a toloverile ku hanya vutomi byo tshembha Xikwembu e ka swilaveka swa siku na siku, na hilaha xi tshembhekeke hakona ku n’wi phamela swona, a a swikota kuvula hi xivindzi e ka vona , a va tshembhisa leswaku Xikwembu lexi yena xi n’wi phamelaka, navona xi ta va phamela hi ku tlurisa e ka swilaveko swa vona himasiku kuya hirifuwo ra xona leri tlurisaka ha Kreste Yeso (4:19).
  6. Leyi hiyona vesi leyi nga pfuna va missionario vota, na hinkwavo va hlawuriwa va Hosi Xikwembu lava va nga languteleku nchumu loko wheti yi hela, ku nga muholo loko wheti yi herile, kambe va tshembha Xikwembu e ka hinkwaswo, ku nga va ku fihlula , kumbe ku lalela, kufana na mbyana leyi langutaka n’winyi wa yona.

 K. TIVESI TA KU KHOMELA HINHLOKO

1:21;    1:29;    2:3;    2:5-8;    2:12c-13;    2:14;   3:8;   3:10;   3:14;   4:4-7;   4:11-13;   4:19

PLEASE GO TO CONTACT US TO SEND US YOUR REQUEST, QUERY OR COMMENT.

BACK TO INDEX