Nyangwa

Print pagePDF pageEmail page

Jes teach door

LUKA 13:22-30

  1. Eka xiahluko lexi xa matsalwa hi vona Yesu loko a ri endleleni ya kuya eYerusalema. A a swi tiva leswaku a ta ya khomiwa a tlhela a vambiwa, kambe leswo a swi n’wi sivelanga ku byala mbewu leyinene ya rito ra Xikwembu e mutini un’wana ni un’wana lowu a hundzeke hi le ka wona. A a swi tiva leswaku a yi nga ta luza, kambe a yi ta veka mihandzu etimbilwini ta va yingiseri va yena loko a tava a tlhelele etilweni.
  2. Un’wana a n’wi veke xivutiso, kutani Yesu a tirhise nkarhi lowuya ku hlavutela ntiyiso eka vanhu. Swi languteka onge munhu loyi a a navela ni ku tsakela leswi Yesu a a swi endla ni ku swi dyondzisa. A a swi twisisa leswaku vanhu hinkwavo I va dyohi ku sukela loko va pswariwile va lahlekile ni leswaku va fanele va ponisiwa. Naswona a swi twisisile leswaku a kuva munhu a va mudyondzisiwa wa Yesu ku na swilaveko swa xiyimo xa le henhla swinene, leswi a a ri munhu loyi a a ri ni vutivi bya laha misaveni ntsena, a sungule ku vilela leswaku I vangani lava nga nghenaka tilweni.
  3. A ntiyiso yak u sungula ya risima leyi Yesu a yi nyikeleke hi leya ku ku ni nyangwa wo nghena eMfunwini, kutani nyangwa lowu wu tshama na wu pfulekile minkarhi hinkwayo. Xikwembu tani hi nwinyi wa yindlo xi veke nyangwa hikuva xi lava leswaku vanhu va nghena ndzeni.
  4. Hambiswiritano, a nyangwa lowu wu larile swinene. A munhu loyi a rwaleke swigotso, a ta khunguvanyeka swinene loko a ta fika enyangweni, hikuva a ta kuma leswaku wa tlimba kutani a fanele ku siya swigotso swa yena ehandle swi ala swi yiviwa loko a lava ku nghena.
  5. A fanele ku hleketa swinene, a vona risima ra ku nghena na a ha ri handle. Xana wa swi lava hikunene ku tshama ni n’winyi wa yindlo? Loko swi ri tano a fanele ku rhula swigotso leswi a rwaleke, kutani a nghena na a ri hava ndzwalo.
  6. Kutani Yesu a tiyisa nchavo wa muvutisi a ku vanhu vo tala va ta kuma leswaku a nyangwa wu larile, kutani va ta tlhela kutani va ya ku loveni hi laha ku nga heriki.
  7. Xana mindzhwalo leyi kumbe swigotso leswi I mpswini? A hi nga ringeteni ku vula switsongo:
    1. A ndzwalo wa ku chava leswaku vanhu va ta ni endla yini ni ku vula yini loko va ku vona u famba na Yesu: Ku khomiwa, ku poyiliwa ni ku fularheliwa. Ntalo wa tikereke ti tele hi vanhu vo kala va nga hundzukanga, kutani loko un’wana wa vona a hundzuka, lavan’wana va khunguvanyeka, kutani vas ungula ku va lwisa.
    2. Ndzwalo wa swidyoho. Tiva leswaku a hi swidyoho leswi hundzeke leswi nga hi sivelaka ku nghena, kambe hi leswi munhu a nga ku swi endleni leswi nga ta endla leswaku u fasa enyangwni hikwalaho ka swidyoho leswi u swi rhandzaka, leswi u swi namarhelaka swi ta ku endla u tsandzeka u tlimba.
    3. Ndzwalo wa ku tikurisa. Ku ni vanhu vo tala, ngopfu-ngopfu lava nga swirho etikerekeni, vadiyakoni, vakulukumba ni vafundhisi, va ti kuma na swi va tikela ku pfumela leswaku va ni mindzhwalo leyi va tikaka ya swidyoho leswi fihliweke ni leswaku va lahlekile va le ndleleni yo ya etiheleni!
  8. Ehandle ka leyi ni yin’wani mindzwalo, a vadyohi vo tala a va nga ngheni hikuva va fularherile nyangwa leyi n’winyi wa yindlo a yi lulamiseke. Hosi Yesu a te: “Hi mina Nyangwa, a kun a munhu la nga taka eka Tatana ehandle ka mina.” Van’wana va ringeta ku nghena hi nyangwa hi mintirho yo saseka. Loko u lava ku nghena hi nyangwa lowuya, u fanele ku va la basisiweke swidyoho swa wena, ku fana ni Xikwembu Tatana, N’wana ni Moya lowo Kwetsima. A Bibele eka Varhoma 3:23 Vanhu hinkwavo va dyohile, hikokwalaho ku kwetsima loku a va nyikiwile hi Xikwembu va ku pfumala
  9. Xin’wana lexi endlaka leswaku vanhu va nga ponisiwi hi leswaku va tshika nkarhi wu hela. Va yi vona nyangwa leyi pfulekeke, na swona va swi tiva leswaku loko vo nghena va nga kuma ku ponisiwa, kambe va ha tiphina hi swa misava, va tshika ku teka xiboho. Kutani hi nkarhi lowu fanelaka, a n’winyi wa yindlo a languta eka wachi, kutani a tsema mhaka hikuva a va nyike nkarhi wo leha leswaku va nghena kambe a va nghenanga, kutani a pfala.
  10. Kutani va khitikana va ya enyangweni, va gongondza swinene, va ku: “Hi pfuleri nyangwa ha kombela. Ha ku tiva swinene wena. Hi ke hi dya na wena siku rin’wana endhawini yo karhi nakambe u hi dyondzisile(vanhu) eswitarateni.” Kambe yena a ta hlamula leswi, “A ndzi mi  tivi ni lomu mi humaka kona. Sukani ka mina n’wina vadyohi, yanani lomu a mi tirhela kona.” A ku hlambanya ka Xikwembu i ko hetelela!
  1. Lava nga ponisiwangiki a va nga há tlheleri emakaya ya vona eswitarateni va ya tiphina hi swidyoho swa vona, kambe vat a cukumetiwa etiheleni, laha va nga ta vona hi le kule lava ngheneke hi nyangwa lowo khuma eMfun’wini wa Xikwembu. Va ta rila ni ku getsela meno hi ku xaniseka loko va nga ta va na kona.
  2. A xa ku hlamarisa mayelano na Yesu ni nhlamulo ya Yesu, hi leswaku la tivaka swilo hinkwaswo hi yena la nyikaka nhlamulo yo basa. Swi tsariwile eka Evhangeli yin’wana nakambe, leswaku I vatsongo la nga ta pona. Leswi hi nga ku hanyeni ni sweswi, magidigidi ya vanhu va le ku feni emisaveni hinkwayo va hleketa leswaku laha va yaka kona vutomi byi ta va antswela ku tlula laha misaveni laha a va ri kona, kambe a ku nghena enyangweni wa tilo, swi ta va tikela hikuva swi lava loyi a nga ni mahkiya yo pfula, kutani loko va gongodza, vat a twa rito ra Xikwembu lero kariha ri ku: A ndzi ma tivi mavito ya n’wina. A mi zanga mi ndzi nyiketa vutomi bya n’wina na ma ha hanya ehansi misaveni. Sukani ka mina n’wina va endli va leswo homboloka! Tani hi leswi dyambu ri fambaka ehenhla ka hina ri suka evuxeni, tani hi leswi a wachi ri nga ku fambeni, magidigidi ya vanhu va hoxiwa exihogweni xa ku xaniseka hi laha ku nga heriki. Xana wena u lumba ntlawa wihi: xana u lumba lowu nga ta va eku kwetsimeni kumbe lowu nga tava eku loveni xana.

PLEASE GO TO “CONTACT US” TO SEND US YOUR REQUEST, QUERY OR COMMENT