Nxavo

Print pagePDF pageEmail page

Jes crucifd

 

 

 

LUKA 14:25-35 

  1. Eka masiku lawa loko u vhakela madorpa lama kulu, u kuma ku tele hi switolo leswi xavisaka swo tala. Vaun’wana ni un’wana n’winyi wa xitolo a ta ku byela hi laha swa yena swi phelaka hi kona ku tlula swa van’wana, ni hi laha swi chipeke hi kona, ni leswaku u nga hakela hi ku tsongo ku tsongo hi nkarhi wo leha ni hi laha swi nga ku vevukelaka hi kona ku hakela. Ngopfu-ngopfu loko a vona ntsungu lowu kulu wu khitikana wu nghena xitolo xa yena. Kasi Yesu a nga endli tano loko a kombisa Mfumo wa Xikwembu, ngopfu-ngopfu loko a vona vanhu va n’wi landzela. A a swi tiva leswaku ntalo wa vona a va le ntiyisweni- a va nga ri ni ku navela ka ku va ni xinakulobye xo enta na yena, ni ku lava ku cinca vutomi bya vona. A vo lava k uvona mahlori lawa a a lek u A a nga lavi leswaku va hanya va nga swi tivi leswaku a va na malunghelo ya nghena evutonwini lebyi nga heriki, hikokwalaho ko tala a va byelrile hi laha swi nonon’hwaka hi kona ku nghena, ni leswaku swa tika ku famba hi ndlela ya kona. Eka matsalwa lawa há há ku ma hlayaka, a endle swo fana. A hi nga vonene hi xin’we hi xin’we xa swona.
  2. Loko va lava ku n’wi landza, ni loko va lava kuva na yena eMfun’wini wa yena, k uvula Yesu, va fanele ku teka maxaka ya vona ngopfu-ngopfu vona. Hikwalaho ka yini? Xana swi vula yini? A a lava leswaku va twisisa leswaku loko va ringanisa rirhandzu ra vona ni ra maxaka ya vona kumbe ra vona ni ra Yena, a rirhandzu ra vona eka Yena a ri ta fana ni nsinya lowukulu wa ndzhuti, ehandle ka rirhandzu ra maxaka ya vona leri a ri fana ni ndzhuti wa ximilana xa vele. Leswi vula leswaku loko maxaka ma lava leswaku va endla swo karhi, a va fanele ku hlawula leswi Yesu a lavaka swona, kutani a va fanele ku tshika swa ka vona leswi va swi endlaka. Leswaku vanhu va vona leswi va swi endlaka swo lulama, swi ta tikomba leswaku va rhangisa Xikwembu ku tlula swa laha misaveni, leswi laviwaka hi vona ni maxaka ya vona. A xivangelo xa vona a xi ri xa ku tatiwa hi rirhandzu ra Xikwembu.
  3. Eka vhesi ya 25 Yesu a hlamusela dyondzo leyi hi ndlela yin’wana. A ri loko munhu a lava ku n’wi landza, a endla mudyondzisiwa wa yena, a famba na yena siku rin’wana ni rin’wana hi ku n’wi yingisa, a n’wi xixima ni ku n’wi rhandza, a fanele ku teka xihambano xa yena a n’wi landza rin’wana siku na rin’wana. Emasikwini lawaya, loko munhu a khinsama a rhwala mandze yo tika ya xihambano, un’wana ni un’wana la n’wi vonaka a a fanele ku swi tiva leswaku a tsemeriwe rifo, kutani a le ndleleni yo ya eku gongondzeriweni exihambanwini, endzhaku a xi ta celeriwa ehansi ku ko ku fika laha moya wa yena wu humaka emirini, kutani a vuriwa la feke hi masochwa. A mavoko ni mi lenge ya yena a swi fanele swi tshoviwa kuva ni ntiyiso wa leswaku a nge he pfuki a xanisa tiko.
  4. A munhu la rhwaleke xihambano, a a fanele a lerile eka maxaka ya yena hi ro hetelela, naswona a a fanele a nyikerile swilo swa yena eka van’wana, tihomu, timbuti, qolo hambi hi swiambalo swa yena. Hi leswi mudyondzisiwa wa Yesu a a fanele ku hanyisa xiswona. A nga há ri ni nchumu lexi a a fanele ku bohiwa hi xona lana misaveni. A siku leri hi ngheneke eMfun’wini, a hundza hi le nyangweni wu khuma, a vule hakelo ya swidoho ehenhla ka yena, ku sukela siku leriya kuya emahlweni, a kun a nchumu ni munhu la faneleke ku n’wi hlohlotela swo biha vutomi bya yena nakambe. Nakambe a vula ku fa ka ku navela ka yena hinkwaku, a nhlayo hinkwayo ya vudyoho bya yena bya ntumbuluko. Ku sukela siku leriya, a lumba Yesu hi ku hetelela, kutania n’wi landzela hi ku hetiseka. Loku I ku hlambanya loku tiyeke!
  5. A vutomi lebyi bya mfumo, a byi vavi, hikuva loko hi fularherile vutomi bya hina bya vudoho, a vutomi bya Xikwembu bya matimba, bya ntsaku ni byo hlawuleka byi ta pfuxiwa eka hina, kutani hi ta va vanhu lava tsakeke, hi tarile hi ntsaku wa Yesu ku nga ri ntsaku wa vudyoho bya misava leyi.
  6. Hi matimba ya hina a hi nge swi koti ku rwala xihambano xa ku fularhela swidyoho, kambe Hosi ya hi pfuna ku endla tano. A hi khongeleleni dyondzo leyi leswaku Moya lowo Kwetsima wu hi pfuna wu hi pfuna ku twisa mhaka leyi evuton’wini bya hina.
  7. Eka vhesi ya 28-30, Hosi Yesu a hlamusela nxavo wa ku n’wi landza hi ndlela yin’wani. A ri loko munhu a lava ku aka xihondzo, a fanele a rhanga hi ku tshama hansi a teka xitsari a hlayela ntsengo wa nhundzu ya leswi lavekaka ni mali leyi lavekaka ku xava ni hakelo ya muaki, kutani a languka ntsengo wa mali leyi a nga na yona a vona loko yi ta ringana ku aka xihondzo xo kurisa leswi. Leswi lava k uvula leswaku a fanele ku va ni ntiyiso wa leswaku a nxavo wu ta enela, ehandle ka swona a to aka a yima endleleni hi heleriwa hi mali.
  8. Kutani loko kova ku u le ku akeni ka yindlo yitsongo, a vanhu a va nga ta vilela ngopfu hi swona. Naswona a wu ta tirhisa material ya nxavu wa le hansi. Ntalo ka vanhu va nga aka tiyindlo ta matshamelo yo tano. A ku aka xihondzo u fanele u va ni switina swo tiya swinene, tinsimbi ni masaka yo tala ya semendhe, kutani loko ku ri ku u le ku akeni ka xihondzo, a aldeya hinkwaro ri ta swi tiva leswaku ku ni ntirho wukulu wa ku aka, kutani vat a rhambana va ku a hi tiviseni van’wana. Naswona va nga ku vutisa leswaku hikwalaho ka yini u aka djiyindlo djo taniya. Loko mali yo tshuka yi ku helela, a vanhu va ta ku hleka. Swi fana ni loko u hanya vutomi bya vudyoho ku fana ni lava mi hanyaka na vona, a ku na munhu la nga ta vula nchumu eka wena, kambe loko u hundzuka mukriste wa ntiyiso, u yimela ntiyiso ya Xikwembu tani hi xihondzo lexi voningaka exikarhi ka va akelani va wena, vanhu hinkwavo va ta swi tiva. Va nga ku languta hi mahlo ya ngati hikuva va vona leswaku u hanya vutomi byo phela ku tlula vona.
  9. A vutomi bya wena byo hlawuleka byi ta tsongahata bya vona, ku fana ni xihondzo eka tiyindlo to akiwa hi madaka, kutanii va nga sungula ku ku venga. Loko va vona leswaku a wa há yi mahlweni u hanya ripfumelo hi ndlela yo hlawuleka, hi ku hantlisa va ta nghena eku hleveni. Kutani u ta khomiwa hi tingana unga há ku tivi ni ko tumbela kona. Hikokwalaho a Hosi yi lava leswaku u hleketa swinene na u nga se nghena entirweni wa Hosi, kambe hi nkarhi wolowu, u fanele u khutazeka hi ku tiva leswaku Hosi yi ta ku tiyisa ni ku ku nyika hinkwaswo leswi u swi vilelaka leswaku u hetisa xihondzo xa wena xa rivoningo leswaku ku dzunisiwa Xikwembu.
  10. Hi ta tshika tivhesi ta 31-33 kutani hlaya switsongo mayelano ni tivhesi ta 34 ni 35. Eka tivhesi leti mbirhi, Yesu a fanisa Mukriste ni munyu. A munhu wu ni ku twala ku kulu ngopfu, kutani a wu faneli ku tekeriwa ehansi. Loko ku ri ni munhu eka swakudya, hikwavo lava dyaka vat a wu twa. A ntirho wa munyu, i wa ku endla leswaku swakudya swi nandziha, kutani loko swi lahlekeriwa hi ku nandziha loku, a swi nga há tirhisiwi ehandle ka ku cukumetiwa.
  11. A mukriste loyi a nga riki nu ku nandziha ka Kriste, ku nandziha ka ku hlawuleka, a Mukriste loyi a fihlaka vutomi bya yena byo hlawuleka hi ku chava ku khomiwa ni ku poyiliwa, a nga na xipfuno emfun’wini wa Xikwembu ehandle ka ku cukumetiwa ehandle.
  12. A Hosi yi hetise dyondzo ya yona hi k uvula leswi: “Lava nga ni tindleve ku yingisa a va yingisi marito lawa ya risima, hikuva swi vula vutomi ni rifo eka lava yingisaka, kutani loyi a twaka a nga swi nghenisi embilwini a ta avanyisiwa swinene.

PLEASE GO TO “CONTACT US” TO SEND US YOUR REQUEST, QUERY OR COMMENT