N’wana la lahlekeke

Print pagePDF pageEmail page

Jes teach prod son

Kutani Yesu a hlamusela xitori xa vunharhu hikuva a a lava leswaku hinkwavo, ngopfu-ngopfu vadyohi lava tinonon’hwisaka, leswaku va tswisisa hi laha a va rhandzaka hi kona ni hi lava a navelaka hi kona leswaku va ponisiwa.

LUKA 15:11-24:

  1. A ku hambana ka risima eka xitori lexi ni leswimbirhi hi hundzekek ka swona, I ku ti twa nadzu ka loyi a lahlekeke. A nyimpfu yi lahlekile hikuva yi ta tshuka yi ongiwe hi ku vona byanyhi bya rihlaza, kutani yi nga ha languti kahle laha vanghana va fambeke hikona, kutani yi lahleka. A nandzu wa yona wu ngava wu nga ri wu kulu hikuva a o va nympfu ntsena. Hikwalaho ka yini nyimpfu yi lahlekle, a ni swi tivi. Swi nga endleka vana va khome ngoti leyi a yi hulele mcheleni, kutani va tsandzeka ku yi tamela kahle, yi tsemeka kutani cheleni rin’we ri lahleka. Ri nga ringanisiwa ni ntombhi leyi biweke hi bava loyi a nga sala a cinga mana wa yona, kutani yi tsutsuma kutani yi ya wela eka vugwavava leswaku yi ta kota ku kuma vuswa bya siku. Kutani un’wana a nga va ni xivangelo xa ku tstsutsuma ka yena; ha, hi leswaku a a nga hlayisiwi kahle.
  2. Kambe eka xitori lexi xa n’wana wa ku lahleka, hi vulavula hi n’wana loyi a kuleke endyangwini wa kahle, ndyangu lowu nga ni tatana loyi a kotaka ku veka muthetho hi ndlela ya kona, ni ku n’wi rhandza swinene. Lana hi vona nadzu eka n’wana. A rirhandzu ra tatana wa yena a ri nga vuri nchumu eka yena naswona a a ma venga maendlela ya tata wa yena yo veka muthetho wa mahanyelo ekaya ka vona. A nkinga lana yi le mbilwini ya yena.
  3. Tatana a nga vekanga nandzu leswi n’wana wa yena a swi endleke. Hi xitolovelo a bava wa muti a a ta tihlayisela swilo sw ayena hi yexe, swifuyo swa yena ni swin’wana kutani a ti hlayisela masimu ya yena hi yexe ku kondza a fa. Hi kona a vana va yena a vat a kuma ndzhaka ya vona. Ehenhla ka sowona a n’wana loyi a a ri lontsongo. A nkarhi lowu a nga baleka, a nga há ri ni nfanelo ya ku vitaniwa n’wana wo lumbiwa hi ndzhaka, ntsena a o fanela ku langutela ndzhaka ya loko a tava a file, kambe a yo londza ndzhaka na mutswari wa há hanya onge a ova nfanelo ya yena.
  4. Swa hlamarisa ku vona hi laha tata wa yena a n’wi nyikeke hi laha a kombeleke hi kona. A tava a vonile laha moya wu hungaka wu ya kona ni leswaku wu lava n’wana wa yena, loyi a n’wi rhandzaka, a a nga lavi leswaku n’wana wa yena a bohiwa eka yena hi swilo swa laha misaveni. Loko swi ri tano a xinakulobye xa vun’wana ni vutatatna a xi tava xa hava. Hmabi leswi a nga vaka a khunguvanyekile hi maendlela ya yena, tatana a nga n’wi alelanga kuya tiendlela leswi a swi lavaka, kambe a n’wi nyikile leswi a kombeleke swona, a n’wi nyika hinkwaswo leswi a swi londzeke leswaku a kota ku ti yela lomu a hleketaka kuya kona.
  5. A n’wana a teke riendzo ro ya kulu ni masaka yo tala hi timali. Ku nga ri ku ngani a ti kuma na a rrhendzeriwe hi vangana lavo tala, ni tintombhi leti a ti ti phina hi swihiwa leswi a a ti xavela. Leswi hi dyondzisa leswaku loko munhu a nga swi koti ku hlayisa mali, siku rin’wana loko a peta voko ephakidini a kuma leswaku kuyo baáá.
  6. Kutani a kombela vanghana va yena lava a dyeke na vona mali parati ra swakudya, kambe va n’wi fularhela ni ku n’wi papalata. Kutani a famba a lava ntirho, hikuva ku ri ni dyandza etikweni nawona ntirho a wu kala. Kutani a kuma ntirho eka murimi un’wana loyi a a ri ni tinguluve ene a ku nga ri na munhu loyi a a tsakela ntirho wo tano. VAnhu hinkwavo a va ri ni  tingana ta ku kumiwa na v ale eka xiyimo xo taniya. Ehandle ka swona a a tirhela ku funengeta nhloko ya yena hi lwangu, hikuva a swakudya leswi a a dya swona a swi tluriwa kule hi leswi a swi dyiwa hi tinguluve, a a dya masalela ya leswi dyiweke hi tinguluve.
  7. Un’wana a nga ku hikwalaho ka yini tatana loyi a nga endlanga leswi endliweke hi n’winyi wa nyimpfu yo lahekeka ni cheleni leri lahlekeke, a famba a lava n’wana wa yena a vuya na yena kaya?
  8. A hlamula hi leswaku a ku tlakula nyimpfu u yi veka makatleni u muka na yona kaya swa vevuka hikuva a yi nga ali; swi tano ni cheleni, swi olovile kuyi rhola u peta phakitini. Kambe a ku vuyisa n’wana la lahlekeke ekaya u n’wi hlayisa kona I mhaka yin’wani. A wu tave u rhumele vatirhi va wena va ya n’wi teka, va n’wi boha hi maghoda, va n’wi hayeka ehenhla ka mbongolo va n’wi rhwala va n’wi yisa endlwini ya yena, kambe loko a nga lavi ku tshama na wena, hi siku ro sungula a nga tlula hi fasitere a tsutsuma. Tatana a a swi tiva leswaku n’wana wa yena a a to tshama ekaya loko a khorwisekile embilwini ya yena leswaku ekaya I ndhawu yak u hlayiseka ka yena loko a ha ri laha misaveni.
  9. Kutani tatana a rindzela swinene. Siku rin’wana ni rin’wana a a huma handle a languta hi le ndleleni leyi n’wana wa yena a balekeke hi yona, a pfule mavoko ya yena ni mahlo kumbexana a nga n’wi vona hi le kule a ri karhi a vuya.
  10. Loko ku hele nkarhi, kole tikweni r ale kule exikarhi ka tinguluve leti nun’hwaka, a n’wana wo suka kaya a a fanela ku ehleketa leswi a lahlekeriweke hi sona. A tlhange hi ndzhaka leyi a nyikiweke. Leswi saleke eka ndzhaka ya vona, a swi ri swa tatana ni makwavo wa yena lonkulu. Xana a a ta swi kuma mwihi swakudya, swiambalo ni yindlo yo etlela ka yona? Mayelano ni leswo, hambi hi va tirhi va le masinwini a va nyikiwa leswo. A va nyikiwa swakudya ni leswo tala leswi vutomi byi vilelaka swona ni ku tsemeriwa xivhandwa xa ku tirimela ni ku hlayiseriwa nsimu ya kona. Loko kumbexana a nga amukeriwa ku fana ni un’wana wa va tirhi, a a ta ampsweriwa hi vutomi. Hikokwalaho siku rin’wana ni rin’wana a a le ku lwisaneni ni miehleketo ya yena hi mhaka leyi.
  11. Hikokwalaho, hambi makulu kumbe ku chava a swa há swi kotanga ku n’wi sivela, kutani siku rin’wana a nghena ndleleni yo kongoma ekaya ka tatana. Swi nga endleka loko a ri endleleni a hleketile, kumbexana a lek u endleni ka swilo swa kahle, kambe a xibindhi embilwini ya yena xive xikulu ngopfu swinene leswaku a nga heli mbilu. Xi n’wi tchovhile swinene kuya emahlweni. Madyambu man’wana ni man’wana a a ti kuma na a lek u suhi ni ku fika ekaya. Kutani a sungula ku tiva milambu ya le tikweni ra ka vona ni tintshava ta kona. Swi nga endleka a hlangane ni vanhu lava a a va tiva.
  12. A nchavo lowu a a ri na wona a w ova un’we ntsena, a wu ri wa leswi a nga ta vula swona loko a vonana ni mombo wa tata wa yena tsena loko a fika kaya, hikuva a a ondzile ni ku chaka swinene. A swiambalo swa yena a swi hlakarile naswona a a nun’hwa risema ra tinguluve laha nkarhi un’wana a a etlela kona hi tin’heti, ni ku chava leswi a swi endleleke tata wa yena…
  13. Kutani a vona yindlo ya le kaya na a ha ri kule, a vona ni vanhu loko va famba-famba edqhekeni ra le kaya ni musi wuri karhi wu pukuka. A mbilu ya yena yi sungula ku bela henhla. A sungula ku teriwa hi mahika enkolweni wa yena, a hikiwa swinene. Loko a ha lava ku tlhela a baleka, exikarhi ka ku rila ka yena, o tshuka a vona munhu loyi a taka hi ku tsutsuma a n’wi hlangaveta. Loko a byavuta mahlo ya yena, a tlhela a languta. A tiva xiyimo xa munhu luya a taka… a nga va a nga ri yena? Ina hi yena…. Tatana wa yena! Tatana a n’wi vukarha I mavoko lama pfulekeke. Hi xinkarhana se a va ri swin’we, tatana wa yena a n’wi vukarha, a n’wi tswontswa, a n’wi tswontswa, ni chaka leri a a ri na rona emarhameni. A n’wana a sungula ku kombela eka tata wa yena a ku ka yena: “Oh, tatana, na ti sola swinene eka hinkwaswo, ndzi dyohele tilo na wena tatana. A swi ndzi faneri ku vuriwa n’wana wa wena, kambe ndzi kombela leswaku u ndzi endla un’wana wa vatirhi va wena.”
  14. Kambe tata wa yena a ala ku hlamula xikombelo xa yena, kambe a vitana un’wana wa vatirhi va yena a ku ka yena: “Hatlisa u ya endlwini ya mina uya teka swiambalo leswo saseka, a suthu, hembhe, thayi ni ringi ro nghenisa erintiwheni ni swiqathula swintshwa. Kutani n’wana van’wani tshikani leswi mi swi endlaka, hantlisani, yanani exivaleni. Hlawulani rhole lero nona leri ndzi ri hlayiseleke siku ro fana ni leri. Lerisani vasweki va lulamisa tafula ri sasekisiwa swinene hi tinxaka ta swakudya leswo xawula. Tekani vachayi naswona tivisani varimi swiakelani leswaku hi tat a va ni nkhuvo wukulu.” Loko vatirhi va endla o nge va hlwela, a a va holovela a ku,  “Heyi, n’wana loyi wa mina a a file kambe sweswi wa hanya, a a lahlekile kambe a kumiwile.”  Kutani hi xinkarhana a nkhuvo wu sungula.
  15. Loko hi balekela Xikwembu, xa rila ku fana ni tatana loyi a rilaka loko a feriwe hi n’wana wa yena, kambe loko hi vuyela wa tsaka swinene, swi fana ni loko n’wana loyi a pfuke ku feni kutani ahuma esirheni. A Hosi ya hina yi twa ku vava loko munhu a hambana na yona, kutani yi tshama ni ku vava lokuya ku kondza mudyohi loyi a vuyela eka yona. Naswona a va a ri ni ntsaku wukulu loko mudyohi a vuyela ekaya. Yi endla khuvo etilweni loko mudyohi hambi a ri un’we a vuyela ekaya ka mutumbuluxi wa yena.
  16. Tiva leswaku a dyaha leri a ri amukeriwi ekaya ku kota mutirhi, kambe ri vuyiseriwa eka xiyimo xa rona xa vun’wana. Wa nga vona tintswalo ni ku tsetselela lokukulu ka Xikwembu! Hleketa ke hi laha vanonon’hwi lava teke ku tat a yingisela Yesu loko a hlamusela xitori lexi va khumbekeke yi hona. Va swi twisisile leswaku na vona va nga amukeriwa hi Xikwembu loko vo tlhelela ka xona, swi nga ri ni mhaka ni leswi va swi endleke ni hi laha a va tinonon’hwisa hi kona ni ku tlanda hi vutomi bya vona. A va swi tiva leswaku Tatana a le ku va rindzeni, a langutela vona etinyangweni ta le tilweni. Xikwembu xa swi tiva leswaku swa vava leswaku munhu a tirhela diyavulosi kutani a tlhela a va ni ku langutela leswaku Xikwembu xi ta tlhela xin’wi amukela.

 LUKA 15:25-32

  1. Loko lavo biha eka vayingiseri, va yime hi le kule, kumbexana va ri karhi va tisula mihloti hi le ndzhaku ka swiandla swa vona, Yesu a tshinelela eka lava ti vitanaka lava nene ngopfu exikarhi ka va yingiseri, vafarisi ni vatsari, kutani a va hetisela xitori.
  2. A ndzilo wa ntsaku a wu pfurha hi ku vuya ka n’wana loyo a a lahlekile, kutania va chayi a va ha ku sungula ku chaya, hi loko makwavo lonkulu a nghena ekaya. Swi nga endleka a a humile a ya endla yin’wana mintirho ya masimu ya laha kaya. Kutani a hloleriwa hi ku kuma swichaya-chaya ni vuyimbeleri, kutani a vitana ndhuna a yi vutisa leswi nga ku humeleleni. Kutanio ndhuna yi n’wi byela hi ta ku vuya kaya ka makwavo ni hi laha tatana wa vona a tsakeke hi kona.
  3. Loko a twa marito lawa, a hlundzuka ngopfu swinene, a ala ni ku  nghena kaya. Kutani a ndhuna yi yisa marito eka tatana, kutani tata wa vona a huma handle hi ku hantlisa a n’wi kombela leswaku a nghena leswaku vat a tiphina swin’we hi ntsaku. A ku kombela loku hinkwaku a ku pfunaka nchumu. A xo sungula a nga khumbekanga hi nchumu ku twa leswaku makwavo loyi a a balekile a ya tlanga hi xuma ni vavasati va le switarateni kutani loko a hete mali hinkwayo se a vuya laha kaya.  Lexi a a tava a xi tsakerile a ku ri ku twa leswaku makwavo a file etikweni leriya a balekeleke ka rona. A a tave a kume hakelo ya yena.
  4. A xa vumbirhi a vone xi ri xihoxo ku endla nkhuvo wu kurisa leswiya, hikuva tata wa yena a nga se tshama a n’wi dlayela hambi hi mbuti leswaku a tsaka ni vanghana va yena. Mayelano ni marito lawa, tata wa yena a n’wi tshuketa hi k uvula leswaku a swilo hinkwaswo swi lumba yena ni leswaku nkehi un’wana ni un’wana lowu a a tave a tsakerile ku endla nkhuvo a a tave a endlile hambi a nga kombelanga mpfumelelo wa yena!
  5. Xana Yesu a a lava k uvula yini hi matikhomele ya makwavo lonkulu xana? A wu ri ndzukano eka vanhu va swiyimo swa le henhla, lava hanyeke vutomi byo phela kambe a va zanga va komba rirhandzu ra Xikwembu eka vadyohi lava lahlekeke. A timbilu ta vona a ti nonon’hwa naswona a ti titimela swinene. Va pfuxerile tempele ni sinagoga, a va ambala swiambalo swa kereke, a va yima emintsendzelelni ni le mahandzeni ya tindlela va khongela leswaku va ta voniwa ni ku dzunisiwa hi vanhu, a va humesa vukhume bya vona, naswona a va famba va kombisa swikandza swa vona leswo leha, ku fana ni makwavo lonkulu, a va tikarhata siku rin’wana ni rin’wana hi mintirho yitsongo ngopfu swinene ;leyi nakona a va nga tiphini yi yona naswona ava zanga va khensa Xikwembu hi yona, Xikwembu lexi a va xi vita Tata wa vona. Na loko a vana va ntiyiso va Xikwembu va hlengeletana ku ta ta yimelela tinsimu ta ku dzunisa Xikwembu ni ku tsakela ku amukeriwa ka vona kuva vana va xona loku a ku nga va faneri, kambe vona va yima ehandle ka yindlo ya Xikwembu va getsela meno, ni ku tiendla lava lulameke. Va nga swi tivi leswaku hi ku endla tano va tlula kule n’wana loyi wa ku lahleka hi ku biha, ku tlula ni va hakerisi va xibalo, ni vavasati vo xavisa muzimba ni vadyohi. Wa nga vona hi laha va nga va va n’wi hlundzukele hi kona Yesu, hikuva a va khomise tingana emahlweni ka vanhu lava a va va tekela ehansi.
  6. Hikwerhu lava yi vuyeleke ekaya ka Tatana ni ku vuyiseriwa exiyin’wini xa hina xa vun’wana, a hi fikeleleni lava ha riki handle ka le kaya ra Tatana hi mbilu ya ntwela vuyisiwana. Hi fikelela lava há yimeke switarateni va ti phina hi swidyoho, lava ha ti funengetaka hi ku ti kurisa. Xikwembu xa va rhandza na vona.

PLEASE GO TO “CONTACT US” TO SEND US YOUR REQUEST, QUERY OR COMMENT