Ntirho wa ripfumelo exikholgelweni

Print pagePDF pageEmail page

Faith

 

 

LUKA 11: 5-13

  1.  Eka dyondzo leyi hundzeke hi dyondze hi xijhongelo lexi Yesu a dyondziseke vadyondzisiwa va yena. Hi dyondze leswaku I ncini xikhongelo, hi fanele hi khongerisa ku yini ni leswaku hhi khongelela kwihi. Hi langutile nakambe a xikhongelo xa ku kanganyisa ni leswaku hi fanele ku tiyimisela ku nyika leswi na hina hi kombelaka swona, loko hi kombela ku rivaleriwa, na hina hi fanele hi tiyimisela ku rivalela van’wana.
  2. A dyondzo leyi yi yelana ni ripfumelo leri hi fanelaka kuva na rona eka Xikwembu leswaku xi hlamula swikhongelo swa hina.
  3. Yesu a tirhisa xifaniso xa vutomi bya siku rin’wana ni rin’wana, a ku komba ntiyiso wa leswi a swi vulaka, a ku:
    • “Hleketa hi laha u nga hlamulaka hi kona loko vanhu vo ta ka wena va ku kombela leswaku u va nyika leswi kumbe leswiya. Entiyisweni unga va nyika leswi va kombelaka swona. Loko ku ri ku leswi hi swona a mi ta endla swona, xana a mi ehleketi leswaku a nit a endla swo fana na mina xana, kumbe mi ehleketa leswaku mi ni ntwela vusiwana ku tlula mina xana? Xana a mi hleketi leswaku na swi rhandza ku nyika lava kombelaka eka mina xana?” “A hi swi tekeni hi xikombiso, I xikarhi ka vusiku tiko hinkwaro ti etlele, na wena ni ndjangu wa wena mi etlele. U khiya xipfalo ni ku tima khandlelo. Ku nga ri kungani ku twala ku gongoza xipfalo, kambirhi kumbe kanharhu. Kutani u pfuka u tshama, kutani u huwelela u ku: “Hi wena mani? U lava yini?” Kutani nhlamulo yi ku; “ Oh, hi mina, Jona muyakelani wa wena, nakombela ni pfuleli xipfalo.” Kutani u pfula xipfalo, kutani u n’wi vutisa u ku: “Tintswalo, Jona, u lava yini vusiku lebyi xana?” “Oh, munghana,” yena a hlamula, “Ni ni xivilelo xikulu. A munghana wa mina wa ha ku fika kaya ra mina a ta hi le kule swinene. A twa ndlala swinene, kambe hina hi dye hi heta hinkwaswo, hi ngo kota ku sweka mundzuku ni mixo. Sweswi a hi na nchumu lexi hi nga n’wi nyikaka xona. Xana a wu nge ni lombi swinkwa swinharhu ke?”
    • “Xana u nga hlamula yini eka mhaka leyi xana? Na ttshemba leswaku a wu nge he ehleketi hi wena ni ndjangu wa wena, kambe u nga pfuka u amabala, u layitha khandlelo uya teka xinkwa u veka exibyeni u ’wi nyika.”
    • “Hikwalaho ka yini u n’wi pfuna? Swi nga endlela a xivangelo xa ku sungula a ri leswaku I munghana wa wena. Ma tivana swinene. Ko tala ma dyelana naswona ma pfuxelana. Mi na vuxaka bya kahle. Wa n’wi rhandza ku tlula van’wana etikweni. Loko a khomiseka tingana na wena u le tinganeni. U lava leswaku a tsaka. U titwela leswaku a munghana wa yena I munghana wa wena. Ku ni ku navela emilwini ya wena leswaku u n’wi pfuna a huma eka nkingha ya yena. 
    • A siku leri u ponisiweke hi rona, wena na mina ( Yesu) mi hundzuke vanghana. U munghana wa mina wa ntiyiso. Hi kusuhi swinene, hi vaakelani na ku rhandza ni ndjangu wa wena. Loko u hlangana ni swiphiqo na mina swa ni khumba. A wu le ku ni karhateni loko u ta exikarhi ka vusiku lebyi ku ta ta kombela xokarhi. Hikokwalaho loko u lek u ni khongeleleni khongela na wu tiye nhlana, na wu swi tiva leswaku ni ta hlamula swikhongelo swa wena na ni tsakile.”
  4. A xivangelo xa ku sungula lexi hi fanelaka ku tshemba Yesu hi xona eka swikhongelo swa hina, hi leswaku Yesu I munghana wa hina.
  5. Yesu a tlhela a nyika xivangelo xin’wana mayelano ni leswi munhu a nga pfulelaka swona xipfalo xa yena a nyika muakelani wa yena xinkwa. A ku:
    • Unga ehleketa embilwini ya wena u ku: ‘A munhu a tlhanga hi vunghana bya hina hi ku ni karhanta hi ndlela leyi exikarhi ka vusiku. E-e, a endli ku fana ni munghana, a nga ha ri munghana wa mina, a  ni nga n’wi nyiki nchumu.’ Kambe loko u muka kaya u fika u nghena ndlwini u koka mubalu u funengeta nhloko ya wena, u twa nakambe wanuna loyi wa gongodza swinene, na a kombela hi rito leri tlakukeke a ku: “Na kombela munghana wa mina, na kombela, ni fanele ni kuma swinkwa swinharhu, na tsandzeka ku muka ekaya ni ri hava. Na kombela swinene, ni pfuleli xipfalo u ni pfuna!” Kutani wena u ku eka nsati wa wena; “ Eyi, a wanuna loyi a nga na tingana mani, o pfumela ntsena leswaku ni nga n’wi pfuna. A nga vileri hi leswi ni hleketaka swona hi yena.” Kutani nsati wa wena a hlamula a ku: “Na pfumela leswi u vulaka swona, kambe vavasati hinkwavo va ta komba mina hi tintiho, va ni lumbeta ku tsonana, loko hi nga n’wi pfuni. N’wi nyiki swinkwa leswi a kombelaka swona lewaku hi ta huluka eka tingana leti hi nga vaka eka tona.” Kutani a muakelani loyi wo kala tingana, a muka ekaya na a ri ni swo nyika muendzi wa yena.” Kutani Yesu a ku: “Loko ku ri ku leswo hi leswi a wu ta swi endla eka munhu loyi a nga veka ku tshemba ka yena eka wena na a nga ri ni tingana, swi nga ya he kwihi eka mina, xana ni nga ka ni nga va nyiki ha yini lava vekaka ku tshemba ka vona eka mina xana-Naswona lava nga riki na tingana ku komba leswaku va ni tshemba xana?”
  6. Yesu a tlhela a komba ra vunharhu a xivangelo xa leswi loko hi khongelela swivilelo swa hina hi fanelaka ku va ni ku langutela:
    • “Xana I mani tatana  loyi loko n’wana wa yena a kombela xinkwa, a nga n’wi nyikaka ribye xana, kumbe loko a kombela tandza a nga n’wi nyika xipame? Leswi n’wina, mi nga lavo biha, mi tivaka ku nyika leswinene eka vana va n’wina – xana Tata wa n’wina wa le tilweni, a nga ka a nga tlurisi mpimo! Xana a nga ka a nga nyiki Moya lowo Kwetsima eka lava n’wi kombelaka.”
  7. Nakambe Yesu a tirhisa marito ya ntamu loko a ku:
    • “ Languta eka va tatana va misava leyi. Va endla swilo swo biha, ku fana ni ku nwa byala, ni ku yivela vanhu, kambe va ringeta ku endlela vana va vona swa risima. Va nyika vana va vona leswi va va kombelaka swona. Na yena Tata wa hina w ale tilweni loyi a lulameke swonghasi, ni wa rirhandzu leri kulu ngopfu eka hina vana va yena, a ta hi nyika Moya lowo Kwetsima loko hi kombela eka yena.”
  8. Hikwalaho ka yini a fanele ku hi nyika Moya lowo Kwetsima? A Moya lowo Kwetsima i munhu wa vunharhu eka vunharhu bya Xikwembu, kutani loko hi nyikiwa yena, Xikwembu xo tinyikela hi xoxe eka hina, kutani loko hi xi amukela, hi amukela ntalo wa swilo hinkwaswo leswinene. ( A vhesi leyi yelanaka ni mhaka leyi i Mat. 7:11, Xikwembu xi nyika swilo leswinene eka vana va xona lava kombelaka eka xona.)
  9. Hikwalaho ka swivangelo leswi nharhu, Yesu a veka xirhambu eka hina: “Kombelani, mi ta nyikiwa, lavani, mi ta swi kuma, gongondzani, mi ta pfuleriwa. Hikuva un’wana ni un’wana la kombelaka wa nyikiwa, loyi a lavaka wa swi kuma, ni loyi a gongondzaka wa pfuleriwa.” Wa nga languta xirhaambu lexo hlamarisa xa leswaku loko hi kombela Xikwembu xa hi hlamula ni ku hi nyika leswi hi swi lavaka.!

PLEASE GO TO “CONTACT US” TO SEND US YOUR REQUEST, QUERY OR COMMENT