Nhkuvo

Print pagePDF pageEmail page

LUKA 14:15-24

  1. Yesu a tlhela a vulavula hi ta ku nghena eMfun’wini wa yena. A fanisa xirhambu xa ku nghena kona ni xirhambu xo ya enkhubyeni, nkuhuvo lowu xifumi xi wu lulamiseke. Xana u tshama u va ekhubyini wa hosi ya tiko xana? Wu nga hlamarisiwa. Loko u vona yindlo leyi kulu laha ku rhambiweke vanhu va swiyimo swa le henhla va tshameke ematafuleni lawa ma hlovisiweke hi tilapi to basa, maparati ya silivere, swiponi ni tiforoko, macikiri ni mapirisi leswi hlovisiweke, tikhapi to hatima, switulu swa swiyimo swa le henhla leswi endliweke hi mapulangi, madzana-dzana ya tivoningo ti hlovisiwile ehenhla, makapeti layo dzika yo famba eka wona, vayimbeleri va chayi tingoma to thontswa, hi swichaya-chaya lewi tivikanaka, magidi-gidi ya vacini lava dzondzekeke va ambale swo basa, ni swo phamelela swa xiyimo xa le henhla leswi u nga se tshamaka u swi vona hambi hi ku twa hi ta swona, nyama yo fana ni ya nyimpfu, bifi, bakayau, huku, pato ni garakunya. Ntalo wa hina hi ngo xurha hi ku vona swilo leswi ntsena, kutani hi nga ti kuma swi hi tikela ku kholwa leswaku hi hina hi rhambiweke endhawini yo taniya!
  2. A matsalwa lawa ma vula leswaku loko mudyohi a rhambiwa eMfun’wini wa Xikwembu, a nga ta nyikiwa piki ni foxolo ni havuroni ra rihlaza ra tilo (nkuxe) kutani a lerisiwa kuya cela xikhele kun’wana ekhwatini. E-e, a amukela timpahla to saseka eka Hosi ya tilo, kutani a heleketiwa hi ntsumi kuya n’wi komba ndhawu yo tshama eka yona etafuleri ra Hosi. I murhambiwa wa xiyimo xa le henhla, kutani hinkwaswo leswi nga tafuleni wa fanela ku tiphina hiswona mahala.
  3. Kambe a hi vonene eka xitori lexi Yesu a xi hlamuseleke. A xo sungula, a malandza ma fambe ma ya vitana va rhambiwa, na tshemba leswaku va byeriwe siku ni nkarhi lowu va faneleke ku ta hi wona. Kutani loko nkhuvo wu lulamisiwile, a malandza ma rhumiwile kuya tivisa varhambiwa leswaku va ta hikuva se a wu lunghisiwile.
  4. Unga hleketa leswaku a vo fanela ku hlamba va ambala hi ku hantlisa vat a nkhubyeni, kambe a swi vanga tano, un’wana ni un’wana a veke xivangelo. A hi nga languteni leswi un’wana ni un’wana a vuleke swona tani hi xithindhekiso:
    1. A wa ku sungula a te: “Ndza ha ku xava nsimu kutani ndzi faneli ndzi rhanga ndzi ya yi vona. Ndzi khomele swinene.” Xan xive xi vangelo xa ku twisieka xana? Ni hleketa leswaku a swi tano. A munhu loyi a xavaka nsimu, a fanele a ya yi vona na a nga se hakela, leswaku a nga vi ni xivangelo xo ya yi vona hi ku tsutsuma leswaku a ta kota k uvona leswaku ya fanela kumbe e-e, kambe loko se a hakerile yi tlhela yi tsariwa ne mabukwini, a nge he swi koti ku cinca loko a nga rhanganga hi kuya yi vona.
    2. A munhu wa vumbirhi, loko malandza ma gongondza enyangweni wa yena, a hlamule leswi: “ Ndza ha ku xava tihomu to rima hi tona, kutani ndzi le ndleleni yo ya tirhingisa. Ndzi khomeli a ndzi nga swi koti.” Na xona xithindhekiso lexi a xi twali. Xana swi ta pfuna yini kuya ringisa ku rimisa tinkavi leti se u ti hakeleke xana?
    3. A xihindhekiso xa vunharhu hi lexi “Ndza ha ku chata hikokwalaho ndza tsandzeka ku ta.” Hikwalaho ka yini a nga tekanga nsati wa yena a ya na yena enkhubyini? A ta tiphina swinene na yena.
  5. A n’winyi wa nkhuvo a fike laha a nga teka xiboho: “A xivangelo a hi leswaku a vo to tsandzeka kuta, kambe va lo ala ku ta, a va swi tsakelanga ku ta.” Wa nga vona hi laha swi n’wi vaveke hi kona? A luze mali yo tala a xava swakudya, kutani swakudya leswo xawula swi to cukumetiwa. Kutani a tshama etafuleni ra phanga.
  6. Xana Yesu a le ku hi byeleni yini mayelano ni xitori lexi? A xa ku sungula, hi leswaku a Vayuda lava a va ri vona varhambiwa vo sungula, a va swi lavanga ku ya enkhubyini. Kambe a ku vanga Vayuda ntsena va ti ariseke; Xikwembu ko tala xi lek u rhambeni ka vanhu lava alaka ku nga ri ni xivangelo xo twala.
  7. Loko hi nga se languta swivangelo, a hi languteni nkhuvo. A nkhuvo lowu Xikwembu xi hi rhambaka eka wona, wu hakeriwile hi N’wana wa xona. A nga hakelanga hi mali, kambe hi vutomi bya yena. A hakele hi ku xaniseka, a twa ku vava ni ku khomisiwa tingana exihambanwini kutani sweswi wa hi rhamba endlwini leyikulu ya Mfumo wa yena leswaku yi ya tshama na yena etafuleni hi ti phina, mahala hi mihandzu yak u ponisiwa ni hi vutomi lebyi nga heriki! Kambe loko Evhangeli (Mahungu lamanene) yi huweleriwa hi malandza ya xona, ni xirhambu lexi nyikiwake xa ndzivalelo wa swidyoho, mbilu leyintshwa ni vutomi lebyi nga heriki, kambe a varhambiwa va yeyisile a xirhambu xa Xikwembu, hikuva va bisi hi mintirho ya vona.
  8. Xana he swihi leswi Xikwembu xi endleke swona? Xikwembu xi rhumele malandza ya xona ma huma etikerekeni ma ya eswitarateni ni le ma bazaar, laha swidakwa swi nga kona ni lava nga kule emakhwatini laha ku nga ni vanhu vo tala lava nga se tshamaka va twa hi ta xirhambu lexi, kutani sweswi va rhambiwa leswaku vat a enkhubeni ku tat a dya swin’we ni Hosi ya tilo ni misava.
  9. Nakambe Yesu hi xitori lexi, a le ku hi lemukiseni ka leswaku byi tava vuphunta loko hi ti hlawulela vutomi bya nkarhinyana ku tlula ku tihlawulela vutomi lebyi nga heriki lebyi hi nyikiwaka byana mahala.

PLEASE GO TO “CONTACT US” TO SEND US YOUR REQUEST, QUERY OR COMMENT