Nchavo

Print pagePDF pageEmail page

Jes teach worry

 

 

 

LUKA 12: 4-12

  1. Eka dyondzo leyi hi ta vualvula hi minxaka mimbirhi ya nchavo: ku chava vanhu ni ku chava Xikwembu. Lowu n’wana i wunene eka hina, kasi lowu n’wana wu bihile. A ku chava Xikwembu i swinene eka hina, swi vula leswaku hi xixima Xikwembu, hi xigandzela ni ku xi yngisa tani hi Xikwembu xin’we xa ntiyiso emisaveni hinkwayo. A ku chava vanhu, i ku chava leswi va nga ku endlaka swona swo ku twisa ku vava, ku ku vavisa, ku ku dlaya ku ku hleka ni ku ku poyila. A nchavo lowu biha wu kula ngopfu eka vanhu swinene wu yelana ni ku chava mimoya ya vafi, ku chava mimoya leyo biha ni valoyi. Naswona ku yelana hambi hi ku chava ku hatima ka tilo, swidzedze, tinghozi ni swin’wana. A ni vuli leswaku hi nga fambisi hi vukheta a mimovha eswitarateni, kumbe hi nga pfali tinyangwa loko ku ri ni swidzedze, ni leswaku a hi faneri ku belela mathayela ya tiyindlo ta hina leswaku ma nga hahluki hi swidzedze. Hi fanele ku ti vonela kambe ku nga ri ku chava.
  2. A ku chava vanhu ni swilo ematlhelweni ya hina swi teke ndhawu yikulu swinene, hi swi vona siku rin’wana ni rin’wana. Xana a nchavo lowu biha wu ta he kwihi xana? A nchavo i mihandzu ya xidyoho. Adamu na Eva a va xixima Xikwembu muvumbi wa vona a va nga xi chavi. A va nga xi voni tani hi xilo lexi nga va endlelaka nghozi kumbe xin’wana xo biha. Naswona a va nga chavi swiharhi ni hinkwaswo leswi Xikwembu xi swi tumbuluxeke. A tinghonyama a ti dya byanyhi ni vulombe bya tinyoxi a ti nga na pozeni. Kambe loko munhu a teke xiboho xa ku ala ku xixima Xikwembu, va nga xi xiximi tani hi Xikwembu ni mutumbuluxi wa vona. Xikwembu xi hundzuke muavanyisi wa vona, loyi a a ta va khatisa. Lowu wu ve muchava wuntshwa wa nchavo, leswi swa ku chava, leswi endlaka leswaku munhu a baleka ni ku tumbela, swi sungule ku va funengeta, kutani hikwalaho ka leswo, va ye va ya tumbela Xikwembu. Leswi hi swona swi endlaka leswaku munhu a tshamela ku rila ni ku twa ku vava, a ringeta ni ku baleka, a tshamela ku ti luma tin’wala hi tingana, leswi a swi humi ka Xikwembu kambe swi huma eka sathana hi yexe, kutani swi vangela munhu swilondza swo kala swi nga holi.
  3. Xikwembu a xi tsakeri leswaku vana va xona va xi baleka, kumbe va tshamela ku xi baleka vutomi bya vona hinkwabyo hikwalaho ka nchavo, hikokwalaho xi fambe xi va lava, xi va kuma kutani xi dlaya xifuyo leswaku hi ngati ya xona leyi a yi kombisa ngati ya Yesu, a yi ta hlampsa swidyoho swa vona. Naswona xi teke swikhumba swa kona xi va endlela swiambalo leswaku va nga ha voni vuhava bya vona. Kutani a va nga ha chavisiwi hi Xikwembu. Va vonile hi laha xi va kombeke hi kona tintswalo, kutani va xi xixima ni ku xi yingisa.
  4. Loko wena na mina hi ri vana va Xikwembu, lava ponisiweke hi ngati ya Yesu, Xikwembu a xi swi tsakeri leswaku hi xanisiwa hi muxaka lowu wa nchavo wo biha, leswi hi swona leswi hi dyondzaka swona eka xiahluko lexi. A nyika swivangelo swa kahle ngopfu swinene. A vula leswi, hi xikombiso: A mi tlharihanga loko mi chava vanhu ku tlula Xikwembu. Xana munhu a nga ku endla yini? Ina a nga dlaya miri wa wena kambe a nge swi koti ku khumba moya wa wena; hikokwalaho nkarhi lowu u faka, a wu khumbiwi hi nala wa wena. A nga ha swi koti ku ku vona ku sukela nkarhi wolowo, hambi hi ku vulavula swo biha hi wena a nga ha swi koti. Kambe mina ni Xikwembu, ni ni matimba ehenhla ka moya wa wena ku wu hoxa exihogweni xa ndzilo etiheleni, xana a hi mina la faneriwaka hi ku xiximiwa ni ku chaviwa ku tlula vanhu lava matimbanyana yo pimiwa xana?”
  5. Hikwalaho ka yini Hosi yi vula leswi xana? Hi leswaku a va dyondzisiwa va yena a va chava ku tiviwa leswaku i vadyondzisiwa va Yesu. A va chava ku khomiwa hi ku dlayiwa hi vanhu ku fana ni vafarisi lava a va venga Ye ni vadyondzisiwa va yena. A a swi tiva leswaku ku ni vanhu vo tala lava swi lavaka ku hundzuka vana va Xikwembu, kambe a va chava ku hlongosiwa ekerekeni va biwa hambi ku dlayiwa.
  6. Yesu a hlamusele mhaka yin’wana ya ku va khutaza. A ku: “Languta mawukuwuku, ma tele ngopfu. Vana va nga khoma 5 wa wona va xanisa hi 2 centavos. Ma xaviwa hi nxavo wa le hansi, kambe ni nyiko loko rin’wanan ri dlayiwa ri oxiwa ri dyiwa hi wena. N’wina vana va mina mi ni risima ku tlula mawuku-wuku. Xana a mi swi tivi leswaku ni le ku mi hlayiseni xana? Ni mi tiva ku antswa ni tiva ni nhlayo ya misisi ya tinhloko ta n’wina xana? Ni tiva hinkwaswo hi n’wina. Hikwalaho ka yini? Hikuva mi va risima eka mina. Hikokwalaho, mi na risima ku tlula mawuku-wuku yo tala, kutani loko mi xanisiwa, ni tava kusuhi na n’wina.
  7. Kutani a ya emahlweni a dyondzisa hi ta mintlho-ntlho ya ku xanisiwa ka vona hikwalaho ka vito ra mina. A xilo xa risima xo sungula hi leswaku loko mukriste a tivula erivaleni leswaku a tibohe ka Yesu eka ripfumelo ni rirhandzu, Yesu na yena a ta n’wi vula erivaleni emahlweni ka tintsumi ta Xikwembu leswaku wa n’wi tiva munhu loyi, a n’wi amukerile naswona i un’we na yena. Kambe loko munhu a ala leswaku Yesu i N’wana wa Xikwembu, Muponisi wa vanhu kumbe leswaku wa n’wi tiva Hosi Yesu naswona wa n’wi dzunisa, Yesu a ta n’wi landzula emahlweni ka tunsumi.
  8. Yesu a ya emahlweni a hi khutaza leswaku hi nga vileri hi leswi hi nga ta vula swona loko hi khomiwa hi yisiwa etihubyeni hikuva hi ri vatirheli va Xikwembu. A hi faneri ku lulamisa marito: “Oh, a ni dyondzekanga, xana ni ta ma kuma kwihi marito yo vula ehubyeni leswaku ni ta kota ku humesiwa xana?” A Hosi yi tiyisa ripfumelo ra hina hi ku yi tsundzuxa leswaku Moya lowo Kwetsima loyi a hanyaka eka hina, a ta veka marito lama fanelaka loko hi ri emahlweni ka va avanyisa, marito lama nga ta tisa ku dzunisa Hosi ya hina.
  9. Kambe eka vhesi ya 10 ku na marito ya ku hi laya. A ku N’wi landzula swi tamele swi ta ndzhaku swo tala. Loko hi dyohela Hosi hikwalaho ka ku tsana, hambi hi ku n’wi landzula kutani hi tisola, a ta hi rivalela, kambe loko hi dyoho, hi khunguvanyisa Moya lowo Kwetsima lowu hanyaka eka hina kutani loko hi ya mahlweni hi endla tano, a ta suka eka hina, a hi siya hi laha ku nga heriki kutani hi ta va lava lahlekeke.
  10. A xa xo hetelela, tiva leswaku Xikwembu a xi vulanga leswaku a wuku-wuku a ri nga fi, a ri nga vi ni xivundza, kambe hi leswaku Hosi yi tava kusuhi na rona. Swi tano A yi tshembisanga leswaku Mukriste a nga ta fa hikwalaho ka ripfumelo ra yena, kambe hi leswaku a Hosi ya yena ni Muponisi yi tava na yena, yi ta n’wi tiyisa ni ku n’wi komba ndlela yo nghena hi yona eka rifo a hundzela vutonwini endlwini ya Tata wa yena.

PLEASE GO TO “CONTACT US” TO SEND US YOUR REQUEST, QUERY OR COMMENT