Mariya a tota Yesu; John 12:1-8

Print pagePDF pageEmail page

jes-mary-anoint

THIS DOCUMENT MAY BE DOWNLOADED FREE OF CHARGE FOR PERSONAL USE.

John  12:1-8;  Matt  26:6-13;  Mark  14:3-9

(Hi nga si ya emahlweni, vonisisani leswaku ku na mhaka yo fana leyi  hlamuseriwaka eka  Luke  7:36-40,  kambe swa koteka leswaku yi nga kombisiwa na le ka wa nsati u n’wana)

  1. Na kambe hina mhaka yi n’wana hi vutomi bya vavasati lava mbirhi. Laha Hosi yi nga vona swi ri swa nkoka lero mhaka leyi yi tsariweke ka nharhu eka ti evhangeli hi ti nharhu ka tona. Eka Matthew mhaka leyi Yesu u heta hiku vula leswaku: “ndza tiyisisa leswaku hinkwako laha evhangeli leyi yi nga ta chumayeriwa kona, emisaveni hinkwayo, leswi a nga swi endla swi ta vuriwa eku n’wi tsundzuka.”  (Matt  26:13).
  2.  Na kambe hi kuma lava nharhu va ndyangu va ri swin’we, Martha, Lazaro, Mariya. Na kambe va le ka nkhuvo wa swa ku dya wo tlangela Hosi Yesu e Bethany. Eka nkarhi lowu va le endlwini ya Simon loyi a nga hlaseriwa hi mavabyi ya nhlokonho, kambe a ntshuxiwa hi Yesu. A ku ri nkhuvo wo hlawuleka, hikuva a ka ha sale ntsevu wa ma siku Yesu a nga si vambiwa e Golgotha. A ku ri nkarhi wo hetelela wa vona leswaku va nga n’wi endlela swa nkoka, leswi a swi rhandzaka, hikuva ku nga si hela vhiki u ta fa rifu ro khomisa tingana swinene.
  3. Eka nkarhi wolowo lava a va ri eswakudyeni na yena a va nga tivi nchumu, handle ka wun’we, wa nsati loyi a nga tshama emilengeni ya Yesu a nwa marito hinkwawo lama humaka enon’wini wa Yena.; Mariya. A nga twangi leswi a swi vulavula siku na siku, kambe a tlhele a twisisa ku hundza na vadyondzisiwa va Yena lava a tshama na vona siku na siku. A swi tiva ku suka embilwini ya yena leswaku Hosi ya yena yi ta tekiwa eka yena ku nga ri khale, hikuva a n’wi vone eximoyeni a ri karhi a halaka ngati, a Biwa, a xaniseka swinene, kutani a ehleketa leswaku I yini xa nkoka a nga n’wi nyikaka xona, kutani teka eka yena leswi nga swa nkoka eka yena ku nga bodlhelo ra alabaster leri cheriwaka mafura yo nuwhela swinene, nxavo wa kona a wu ta ringana na muholo wa lembe.
  4. Va endzi a va rhendzele tafuleni ra swa ku dya leri ri lulamisiweke tani hi ntolovelo wa nkarhi wo lowo, kasi va n’wana vanhu a ri karhi ku susumetana e tlhelo ka tafula, Lazaro loyi a nga pfuxiwa eku feni na yena a ri kona eka ntlawa wa lava tshameke tafuleni, vo tala a va ri kona ku ta vona yena Lazaro, o nge ku nga va na swo hambana hi xikandza xa yena, na tshemba va n’wana a va ringeta no n’wi vulavurisa. Martha tani hi ntolovelo a ri karhi a phamela va endzi.
  5. Mariya na yena a ri karhi ku pfuneta sesi wa yena ku phamela swa ku dya swa nkarhi nyana, kambe endzhaku nyana a tshika swibye ehansi a ya e milengeni ya Yesu a fika a nkhinsama hi matsolo na nhloko yi ya hansi. A humesa ehandle ka xinkwamana xa yena e ximbitana xa mafurha ya risima, a xi faya a tota milenge ya Yesu a sula hi misisi ya yena, a vavisekile embilwini ya yena, hikuva emoyeni wa yena a twa minkhavi leyi masocha ya varhoma a va ri karhi va n’wi ba hi yona, ngati yi ri karhi yi halaka e hansi, swipikiri swa tihanyi swi beleriwa emilengeni na le mavokweni ya yena, nhloko ya yena yi havaxeriwe harhi ya mitwa, xihambano xi yimiseriwa ehenhla ku yimberiwa e hansi, kutani a twa na rito ra yena loko a huwelela aku “ndzi twa torha.”
  6. Hi ndlela ya leyo loko a ri karhi a vaviseka emoyeni wa yena mihloti ya yena yi ri karhi yi halakela emilengeni ya Yesu, a ri karhi a vonisisa maxangu hinkwawo lama nga ta n’wi humelela exihamban’weni, ku nga ri na ndlela leyi a nga ta n’wi pfuna ha yona eka ku xaniseka loku a nga ta hlangani na yona. Hikwalaho a fanela ku endla sweswo hi nkarhi lowu. A korhamela nhloko a sula hi misisi ya yena mihloti leyi halakeke emilengeni ya Yesu. Loko mahlo hinkwawo ya ha langute eka wansati loyi a heleke matimba no va na gome, yena a ya emahlweni a sula mafurha lawa halekeleke milengeni leyi ku nga ri khale yi nga tava eka masocha ya varhoma eku yi vamba.
  7. Eku heteleleni a yima hi milenge, ku nunwhela ka ximbitana xa mafurha se a ku tata yindlu hinkwayo, ximbitana lexi fayiweke xi hangalakile ku suhi na milenge ya Yesu, hi xinkarhana nyana ku kwetsima ka yindlu ku hangalasiwa hi ku rila ka Judas, “ hikwalaho ka yini ku tlangisiwe mafurha yo durha hi mukhuva lowu, mafurha lawa a ya ta xavisiwa ku ringana nxavo wa 300 pence, kutani mali ya leyo yi averiwa swisiwana” nhlayo yi n’wana ya vadyondzisiwa hi ti mbilu leti khunguvanyekeke va seketela vonelo rero.
  8. Kambe loko a ta va a ha yimile ku fana na nkarhi lowu a nga holoveriwa hi sesi wa yena Martha loko a tshamile e milengeni ya Yesu, Yesu hi xiviri a n’wi sirhelela hi vula leswi; “xana mi n’wi karhatela yini wansati loyi? U ndzi endlele swa kahle. Swisiwana mi ta tshama miri na swona, kambe mina mi nge vi na mina hi masiku, loko a ndzi tota hi mafurha lawa yo nunwhela u swi endlele ku lahliwa ka mina, ndza tiyisisa ndzi ri ka n’wina, hinkwako laha evhangeli yi nga ta chumayeriwa kona emisaveni hinkwayo, leswi a swi endleke swi ta vuriwa, eku n’wi tsundzuka.”
  9.  Hungu ro saseka swinene, hungu ro pfumala marito na rirhandzu ro ka ri nga ti laveli swa rona ntsena.
  10. Xana ha ti yimisela ku nyika swa nkoka eka hosi Yesu, hambi muholo wa lembe hinkwaro, vu hina hinkwabyo, ha ti yimisela ku n’wi endlela leswi nga tisaka ntsako eka yena, swilo leswi va n’wana va vadyondzisiwa va nga swi koteki ku swi tiyisisa. Swilo leswi yena a nga swi twisisaka. Xivutiso hi leswaku: “xana ndza n’wi rhandza hi ntiyiso ke?”
  11. Eka siku leri lexi a xi ta tsundzukiwa, a ku ri swa ku dya swo nandziha, vudyelwana byo saseka bya vadyondzisiwa va yena, nyiko ya Mariya yi ve xihlamariso na swa nkoka eka Yena leswi a nga ta va na swona nkarhi hinkwawo.
  12. Nkarhi lowu wo saseka, kumbe vu ta vuya emiehleketweni ya yena loko a ri karhi a hakela nxavo exihambanweni? Kumbe a ta vula aku: “Mariya u fayile ximbitana xa mafurha eku ndzi katekisa swa nkarhi nyana, kambe mina ndzi nyikile Mmiri wa mina leswaku wu fayeriwa wena eku ringana vutomi hinkwabyo”
  13. Loko ku ri ku nunwhela ka mafurha ya nyiko ya Mariya, yi ve yi koka rinoko ra vanhu hinkwavo lava a va ri eka yindlu ya leyo, loko kuri ku nunwhela ka risima ka Yesu a ku hangalaka emisaveni hinkwayo.

PLEASE GO TO “CONTACT US” TO SEND US YOUR REQUEST, QUERY OR COMMENT

Leave a Reply