Mankolo

Print pagePDF pageEmail page

Jes teach greed

 

 

 

LUKA 12: 13-21

  1. Ko tala loko xifumi xi fa, ku na ku kwetlembetana exikarhi ka vana hikwalaho ka ku avelana ndhzaka. A munhu wa mhaka yo yimisa xileswo, ko tala a ya evuhosini kuya lulamiseriwa mhaka ya yena kona. A vanhu lava nga ta ka Yesu ku ta ta pfuniwa, nkarhi wun’wana a va endlanga tano, ehubyeni a amukele leswi a a langutela swona, kutani a ehleketa leswaku Hosi yi ta yima na yena. Ematshan’wini yo amukela a ntirho wa muavanyisi, a Hosi yi hlekete leswaku swi nga antswa ku n’wi dyondzisa (yena ni lava a va ri kona) a dyondzo ya risima mayelano ni rifuyo ra misava leyi, kutani a swi veka ka vona ku lulamisa ku hambana ka vona mayelano ni ndzhaka. Hi ndlela leyi, a va hlayele xitori lexi lexi dyondzisaka ta makhomele ya swilo swa laha misaveni.
  2. I xitori lexi kongomaka, kambe a hi languteni eka masungulo man’we kumbe mambirhi.
  3. Yesu a nga n’wi avanyisanga munhu loyi wa ntshovelo wo tala, kumbe loyi a a ri ni nsimu yi kulu. Swi komba leswaku a tirho ngopfu ni ku lulamisa kahle, kutani a a fanela ku tiphina hi mihandzu ya ntirho wa yena leyi na swona a yi ri nkateko wo huma ka Xikwembu. Xikwembu xa katekisa vanhu lava tirhaka swinene, lava planaka kahle.
  4. A xidyoho xa yena hi leswaku a a ri ni mankolo yo lava swo tlula leswi a swi tirheleke. Loko a vone a ntshovelo lowu kulu, a khomowe hi ku navela ku kulu swinene, a lava swo tlula leswi a a ri na swona. A a lava swo tlula van’wana, swo tlula leswi Xikwembu xi swi lulamiseke ku fikelela swilaveko swa yena. A a endla ku fana ni jara leri nga tala ku fika emakumo, kutani ri khapa, se a a lava ni ku kangatela leswi khapapa a tihlayisela swona.
  5. Xin’wana xa swivangelo swa mankolo ya lawa hi leswaku a a lava ku va ni swilo leswi swa nkarhinyana leswaku swiva xiseketelo xa vumundzuku bya yena. A a nga lavi ku tshemba Xikwembu kambe a a tshemba mihandzu ya mavoko ya yena leswaku yi n’wi nyika vutomi hi ntalo. Kambe a rito ra Xikwembu ri hi dyondzisa leswaku a ku rhula ni ntsaku swi ta eka munhu loyi a fambaka ni Xikwembu ni ku xi tshemba. A ku rhula ni ku tsakeriwa I mihandzu ya ku famba ni Xikwembu, a hi mihandzu ya leswi hi nga na swona emavokweni.
  6. A ku fikelela ku tata yindlo yo hlayisela a nga lavanga ku pfuniwa hi Xikwembu, kambe a yo ti hleketela yena hi byakwe kutania landza makungu ya yena ntsena. Loko a a yo khongela, a Hosi a yi tave yi n’wi engeterile hikuva a a ri ni vuswikoti byo fikelela. Tani hi kuva a Hosi a yi n’wi katekisile swinene, a a fanele ku tshemba Xikwembu leswaku xi n’wi nyika minkateko yo fabna eka malembe lama landzelaka, kambe a miehleketo ya yena yi te ka yena, tihlayiseli leswi unga ti tirhela wena ntsena, hikuva a a nga tshembi leswaku Xikwembu xi nga n’wi nyika mavele yo tala.
  7. Kutani Yesu a n’wi komba masungulu yo biha lawa a akaka ehenhla ka wona, a ma ta hantlisa ma davuka kutani yindlo yi wa. A a nga se sungula hambi hi ku aka matsala makulu, ku nga ri ku ngani a fa, swi nga endleka a fe hi mavabyi ya mbilu, kutani lawa a ma ri makumu ya noro wa yena wo lava ku hanya vutomi byo antswa ku tlula van’wana, a nga vekanga ku tshemba ka yena eka Xikwembu, hikokwalaho a nga yanga eku kwetsimeni ka tilo, kambe a ye ehansi etiheleni.
  8. Tiva leswaku wanuna loyi Xikwembu xi n’wi vitana xiphunta. A xiphunta i munhu loyi a nga riki ni vutlharhi byo teka xiboho. I munhu loyi a nga xiximiwiki hi munhu. I munhu wa xiphukuphuku.
  9. Leyi yi ve dyondzo ya kahle naswona eka loyi a nga ta ka Yesu ku ta ta kombela ku avanyiseriwa ndzhaka ya tata wa yena. Swi nga endlekaa xi ri xitori xa wanuna loyi wa xifumi?
  10. A rifuyo i nkateko wo huma eka Xikwembu leswaku ri phemeriwa lava nga riki ni vuswikoti byo tipfuna hi voxe, ngopfu-ngopfu ku endla vadyondzisiwa va ku tirhela mfumo wa Xikwembu.
  11. A mankolo ma endla munhu a wa eka xidyoho xa ku ti kurisa, a xidyoho lexi hambi eka vanhu lava nga swisiwana xa tumbela, hambi va nga ri ni swilo swa le mavokweni, va ti tlakusa swinene hi leswi va nga na swona. Ko tala hi vona vanhu va tshamile ematlhelo ka switarata va tlhanga hi leswi tsongo va nga na swona, na va ri ni ku langutela ka leswaku va ta swi kuma na va nga tirhanga.

LUKA 12: 22-34

  1. A dyondzo leyi landzelaka yi vulavula hi leswi hi faneleke ku ti twerisa xiswona mayelano ni swlo swa le mavokweni ( rifuyo).
  2. Ntalo wa hina a hi swipfundzi, kambe hi swisiwana. Hambi leswi van’wana a va naveri ku kuma swo tlula mpimo, vo lava swo fikelela swilaveko swa vona swa siku, swakudya ni swiambalo. Navona vanhu va muxaka lowu va nga tikuma va nga tsakisanga Xikwembu, hi ku tilondla londla, va ti vangela vusiwana hi ku kala va nga tshembi Xikwembu leswaku xi va nyika swakudya swo ringana ni swo ambala hambi hi tiyindlo.
  3. Yesu nakambe a endla xikombiso hi ntumbuluko leswaku a susa nchavo wa vayingiseri va yena.
  4. A xa ku sungula a komba hi ta ku vilela hi vutomi. Xikwembu xi nyika vutomi eka n’wana loyi wa ha ku velekiwaka eka mana wa yena na a nga se velekiwa, kutani xi byi hlayisa vutomi lebyiya ku ko byi ya fika eka ntanga yikulu; lava i vanhu lava hanyaka malembe yo fika dzana ra wona. A vutomi i mahlori lawa munhu a nge swi koti ku byi nyika hambi ku byi hlayisa. A vutomi i xilo lexi a tisayitisti a ti nge swi koti ku byi kopa hambi ku byi hlamusela. A swakudya ni swiambalo a swi nge ringanisiwi ni vutomi. Loko Xikwembu xi kota ku fikelela mahlori lama kulu hi nyika xihlangi vutomi, xi endla leswaku xi hlangi xi rila, xi hleka, xi ninginingisa mavoko, xi kota ku languta ematlhelweni, xi kota ku kasa, xi famba ni ku kota ku vulavula, swi olovile swinene ku nyika munhu loyi xi nga n’wi nyika vutomi, swo ambala. Xana a rifuyo ni swiambalo sw na risima ku tlula vutomi xana?
  5. Loko hi ya emahlweni, Yesu a vula leswi, a hi nga ti ringaniseni ni makhonwa, a khonw a ri na risima ngopfu, a ri dyiwi. Naswona a ri tirhisiwi nchumu xa risima. Kambe a ri na tsala laha ri tshovelaka kona ri tivekela swaku swa siku leri landzelaka. Ri hanya vutomi bya siku ntsena. Siku rin’wana ni rin’wana ri tshama erhavini kumbe eka ntambhu ya riqingo ku ko ri twa ndlala. Kutani ri sungula ku haha ri famba ri valanga laha ri nga byalangiki nchumu kona, kambe ri kuma swo dya leswi Hosi yi swi lulamiseleke rona, kutani loko ri pela ri va ri xurhile kutano ri ya ku etleleni ri tsakile, ri nga vileri hi siku ra mundzuku.

Kambe n’wina, ku vula Hosi, mi na risima ngopfu swinene ku tlula swinyanyana, hikuva mi endliwile leswaku mi fana ni Xikwembu, kutani loko mi nyiketile vutomi bya n’wina eka Xikwembu, u n’wana wa xona, a wu fani ni xin’wana xa swi nyanyana leswi hahaka empfukeni. Swa koteka eka wena kuva ni nsimu yo bala ka yona mavele, u ma hlakulela ma kula u tlhela u tshovela. U tirha hi ku tikarhata u endla hi matimba leswaku u kuma swilaveko swa wena. Loko Xikwembu xi tshembekile ku phamela swinyanyana leswi nga tirhiki, xana xi nga tsandzeka ha yini ku mi nyika leswi mi fanelaka xana?

  1. Minkarhi hinkwayo mi vilela hi swakudya ni swiambalo. Hleketa hi vukheta mayelano ni m]leswi: Xana munhu a engetela xo karhi evuton’wini bya yena hi ku vilela xana? A hi swi tekeni ku Dokodela a ku endle xikambelo kutani a kuma leswaku mbilu ya wena yi karhele ni leswaku u nge heti vhiki wa ha hanya. loko ke u fika ekaya u nghena ekamareni ra wena, u pfla nyangwa u fika u etlela u ti funengeta nkumba, se u sungula ku vilela, u nwaya nhloko ya wena xana u nga swi kota ku engetela vutomi bya wena hi ku vilela loko xana? E-e, a wu nge swi koti. Xana ku vilela ka wena kuva ku ku pfune yini? A hi nchumu. Kambe loko a wu yo ti amukela a wu tave u hanye nyana swisikwana switsongo.
  2. Mayelano ni ku vilela hi swi ambalo, Yesu a komba vadyondzisiwa va yena ndlela ya kahle. A swi tirheli Xikwembu kambe xa swi sasekisa xi swi ambexa ku tlula ni swifumi hambi hi Solomoni hosi ya vutlharhi a nga ambalanga ku tlula wona. Xikwembu xa tiphina hi ku ma endla ma saseka. Xana a mi swi tivi leswaku Xikwembu xa tiphina hi ku mi ambexa mi saseka xana? “Oh n’wina vanhu va ku pfumela ku tsongo!” ku vula Yesu (A hlakahla nhloko).
  3. Loko hina tani hi va-Kriste hi nghena eku vileleni ka leswaku hi ta dya yini kumbe hi ta nwa yini, yi veka chela Hosi ya hina tingana, hikuva hi va hi le ku endleni ka swo fana ni vamatiko, hi ti fanisa ni vanhu va laha misaveni lava nga n’wi tiviki tani hi Tatana wa vona. Xikwembu i Tatana wa hina, kutani xa swi tiva leswaku ha swi vilela swilo leswi hinkwaswo. Hikokwalaho ka yini hi vilela xana?
  4. Leswi xi lavaka leswaku hi swi endla, i ku veka miehleketo ya hina eku akeni ka Mfumo wa xona, evutonwini bya hina ni vuton’wini bya lava hundzaka hi le mahlweni ka hina. Loko hi ti karhatela leswi, Xikwembu xi ta hi nyika hi ntalo leswi hi fanelaka.
  5. Yesu a ya emahlweni a ku a hi faneri ku chava. Hina hi ntlhambinyana wa tinyimpfu ta yena ta risima, kutani wa tiphina hi ku hi nyika leswi hi fanelaka, ku fana ni murisi wa tinyimpfu loyi a tsakaka loko a vona tinyimpfu ta yena ti dya erihlazeni, a ri karhi a ti yisa eka byanyi lebya rihlaza ni le matini yo tenga. A ku endla leswi, a hi ndzwalo eka Xikwembu, xa tiphina hi swona. A byanyi, mati lawa xi hi nyikaka wona leswaku hi tiphina hi swona, swi lumba mfumo wa xona.
  6. A ya mahlweni a vula leswaku hi fanele hi xavisa leswi hi nga naswona hi nyika swisiwana leswi nga hava. A swi vuli leswaku hi ta lahlekeriwa hi ndzhaka ya hina, e-e, hi tava hiyo swi rhurhisa swiya tilweni. Loko ndzhaka leyi ya laha misaveni yi fika etilweni, kutani Hosi yi veka ndzhaka leyi eka masaka makulu:

 “A mihlengo ya John Smith ( na wena unga tsala vito ra wena kola) yi fanele yi hlayisiwa ku ko a fika.” (Xifaniso xa mina xa ndzhaka ya hina ya le tilweni) A saka leriya a ri nga pfuki ri gugile kumbe ku boxeka kutani mali ya wena yi huma hi yona yi wela ehansi yi lahleka. A ku na khamba leri nga tshovaka ri yiva ndzhaka ya wena. A ku na tinsumbha ti nga nghenaka ti dya.

  1. A Hosi yi veke man’wana marito loko yi te: Tsundzuka laha ndzhaka ya wena yi hlayisiweke kona, hi laha mbilu ya wena yi nga ta va kona na yona. Loko u yo filha mali ya wena ehansi ka mubedo, ambilu ya wena yi tava ehansi ka mubedo. Loko u ri ni tihomu to tala exivaleni xa wena, a mbilu ya wena yi tava ni tihomu ta wena exivaleni. Kambe loko ndzi ri ku tsaka ka mbilu ya wena kutani u ri karhi u tisa ndzhaka ya wena hi ku endla swilo leswi ndzi tsakisaka ni ku aka Mfumo wa mina, a mbilu ya wena yi tava na mina minkarhi hinkwayo etilweni.
  2. Leswi u lavaka ku tihlengeletela swona emisaveni, u ta lahlekeriwa hi swona, kambe leswi u lahlekeriwaka hi swona emisaveni hi ku chivirikela Mfumo wa Xikwembu, u ta swi kuma hi ntalo hi laha ku nga heriki!

PLEASE GO TO “CONTACT US” TO SEND US YOUR REQUEST, QUERY OR COMMENT