Ku velekiwa ka Yesu

Print pagePDF pageEmail page

Jesus birth

A. XIKWEMBU XI LULAMISA MBILU YA YOSEFA NI KU YI NYIKA KU RHULA MAYELANO NI KU TIKA KA MARIYA (Luka 1:18-22:)

  1. Leswi Mariya a nga swi tsumbula, swi humelerile hikunene. A xitshembiso xa yena Yosefa, a nga kholwanga leswaku a n’wana loyi a a nwi langutela a a huma eka Xikwembu. Eka yena a khuri leriya a xi ri xikhunguvanyisi xikulu, kambe hikuva a a nwi rhandza ni leswaku a a ri wanuna wo chava Xikwembu, a teke xiboho xo hlayisa mhaka leyi embilwini ya yena, hikuva a yi tava mhaka ya tingana naswona a swi ta fika laha Mariya a khandliwaka hi maribye. A teke xiboho xo nwi tshika exihundleni.
  2. Mariya a tava a rile ngopfu hikuva a a nwi rhandza Yosefa kambe sweswi a a hlundzukile hikwalaho ka yena. Yosefa a a nga pfumeri leswaku a n’wana loyi a a tikiwile hikwalaho a mbewu leyi Moya lowo Kwetsima wu wu cheleke eka yena. A xivutiso a xi ri xa leswaku i mani la nga ta hlayisa? Hinkwavo vanghana va yena a va ta n’wi hlekula hikuva a a ta languteka na a ri wansati wa ntunga.
  3. A maendlele ya Xikwembu ko tala a ma olovanga. Loko hi landza Hosi hi ntiyiso swa endleka leswaku vanhu va nga hi twisisi. Loko hi hanya vutomi byo hlawuleka, hi nga hlengeli eka vutomi bya vudyoho bya misava leyi, vanhu va ta hi lumbeta ni ku hi hlekula. Loko muntshwa a ala ku phuza ni ku hanya vutomi bya manyala, a endliwa xihlekiso hi van’wana vafana. Ko tala hi lahlekeriwa hi vanghana loko hi ti boha ku hanya vutomi bya vun’wana va Xikwembu. Eka matiko lawa ku gandzeriwaka vafi, a vatswari va khunguvanyeka swinene loko vana va ala ku nghena eka timhamba ta ndjangu.
  4. Swi nga endleka Mariya a hlangane ni ku hlaseriwa ko tala enkarhini wa ku tika ka yena, kambe Xikwembu xi nwi lamulerile. Xi humelele eka Yosefa ni norho, tani hi ntsumi xi nwi byela ku tika Mariya a vansati wa yena, hikuva a n’wana la nwi langutelaka a huma eka Moya lowo Kwetsima. Loko hi endla ku rhandza ka Xikwembu, kuna hakelo leyi hi yi hakelaka, kambe xona xa hi biyelela ni ku hi endla lava lulameke. Swa olova eka Xikwembu ku hi hlamulela tinkinga ta hina.
  5. A ntsumi yi byele Yosefa ku cha n’wana vito ra Yesu. A swa ku Yesu swi vula leswaku “Muponisi” loyi a a ta ponisa vanhu eswidyowheni swa vona.
  6. Loko Yosefa a pfukile evurhongweni bya yena, na tshemba leswaku a hantlise a ya vona Mariya ekaya ka yena a ya nwi rungulela norho lowu a veke na wona ni ku nwi byela leswi Xikwembu xi n’wi leriseke swona. Hi ntiyiso ave ku ntsunxeka ku kulu ngopfu swinene loko Mariya a veke na kona ka nchavo. Hi ku tsopeta ka tihlo a ku tikeriwa ka vona ka ku kanakana ni ku chava a ku rivariwile.A marito yo tika ni mihloti swi pfule ndlela ya mahleko ni ntsaku wa xihlamariso, kutani va sungula ku endla makungu yaku tekana Loko swi languteka onge hinkwaswo swi famba ximatsi, kumbe a vutomi bya tshoveka hinkwabyo, hi fanele kuya emahlweni hi tshemba Xikwembu swinene. Xi nge hi cukumeteri etaleni. “Ndzi nga ka ndzi nga ku tshiki, kumbe ku ku cukumeta ni siku ni rin’we.” (Heb 13:5)

B. KU VELEKIWA KA YESU (LUKA 2: 1-7)

 Ku tata fika la, hi ve ku languteni ka matimu yaku velekiwa ka Yesu ni hi laha Yosefa na Mariya va swi voneke hi kona. Kambe sweswi a hi languteni mhaka leyi hi tlhelo ra n’wana. Xana a ku ri mani xihlangi lexi? A a ri N’wana wa Xikwembu. Unwana a nga ku; loko a a ri N’wana wa Xikwembu a swi fanele a amukele ku hleketeriwa swa kahle ngopfu hi Yosefa na Mariya. Loko wansati wa xiyimo xa le henhla a lava ku veleka, a yisiwa eka swibedlele leswi nga ni vadokodela va swiyimo swa le henhla, lava nga ta nwi hlayisa ni ku nwi velekisa. Loko hosi yi veleka n’wana, a xitiviso xa kona xi vekiwa eka pheji ro sungula eka maphepha ni ma TV ya mahungu ya tiko.

  1. A swi vanga tanu eka Yesu, a N’wana wa Xikwembu. A mana wa yena loyi a a tikile a boheke ku khandziya mbongolo a teka riendzo ro leha, ku nga ri movha wo leha wo khandziyiwa hi tihosi.
  2. Loko va fikile Betlehema, a munti a wu tele hi vanhu lava a va tela ku ta ta endla balisa.A ndjangu lowu, a wu kumanga ndhawu ya byietlelo, ehandle ka xibala lexi a ku pfaleriwa tihomu, tinyimpfu ni timbuti.
  3. Loko n’wana a velekiwile, va nwi late exigovolweni lexi a xi tirhisiwa ku chela swakudya swa swifuyo.
  4. Hikwalaho ka yini Xikwembu xi swi pfumelerile kuva tanu?nXi na matimba a xi fanele xi endle leswaku N’wana wa xona a velekeriwa eka ndhawu ya risima, kambe a swi vanga tanu, a xi lava ku komba vanhu leswaku xona I Xikwembu xa vanhu hinkwavo, a xi lava ku khorwisa swisiwana, vo vabya, lava tshikiweke ni lava nge xivundzeni leswaku I Xikwembu xa vona ni leswaku a N’wana wa xona wava rhandza swinene, laha a kombiseke hi ku titsongahata ku fana ni un’wana wa vona, a va munghana ni muponisi wa vona

C. XIKWEMBU XI PALUXA MAHUNGU EKA VARISI (LUKA 2:8-20)

 Xikwembu xi tirhise phepha hungu ra xona leswaku xi tivisa ku velekiwa ka N’wana wa xona, van’wamahungu vo huma tilweni.

  1. A mhaka yin’wana ya risima hi leswaku a tintsumi a ti humelelanga eka vanwankume kumbe vanhu va swi yimo swa le henhla, kambe eka varisi. A varisi lava a va ri swisiwana swinene lero a va pfumala ni ndhawu yo risela eka yona swifuyu swa vona ni vusiku leswi a swi va boha ku etlela ni swifuyu swa vona erivaleni ni vusiku.
  2. Hikwalaho ka yini va kume nkateko wo endzeriwa hi ntsumi? Xana a vavanuna lava a va xitiva Xikwembu, kumbe a va ri maphanga, Xikwembu xi yova komba tntswalo na va nga fanelanga? Hi ndlela leyi, va ve vo sungula ku twa mahungu lamanene yaku velekiwa ka N’wana wa Xikwembu, wa nga vona hi laha va nga va ni nkateko hi kona. Exikarhi ka vanhu vo tala vona v ave vo sungula ku twa mahungu ya Evhangeli; mahungu lama vulaka leswaku muponisi la nga ta susa swidyoho swa misava hinkwayo a velekiwile.
  3. Xana va endle yini? Va khorwile marito ya tintsumi, va siya swifuyu swa vona va kongoma Betlehema. Loko va fika xibaleni, va kuma “nwana a latiwile exidyelweni na a phutseriwile tani hi laha tintsumi ti vuleke hi kona.
  4. Wa nga hleketa hi laha Mariya a a tsake hi kona loko a twa vumbhoni bya varisi, hikuva swi nga endleka Mariya a fike laha a nga hleketa leswaku Xikwembu a xi nga nwi khataleri hikuva a veleke N’wana exibaleni.. Kambe hi lava vanhu lava tisaka mahungu yo fana ni lawa a ma kumeke endzhaku ka 9 wa ti wheti ndzhuku.
  5. Loko va vone Yesu N’wana, a timbilu ta vona a ti tale hi ntsaku, va ko va siya swifuyu swa vona emavokweni ya Hosi entshaveni kutani va famba va hangalasa mahungu eka vanhu hinkwavo lava va kumaka ya leswi humeleleke ni leswaku va tsumbule Kriste.
  6. Loko munhu a hlangane na Yesu hi ntiyiso, wava byela vanhu hinkwavo. Hinkwaswo leswi tataka mbilu  ni miehleketo ya wena swi halakela hi marito. A mahlanganele yo taniya ma endla leswaku u hanya vutomi byo khapa-khapa hi swa Xikwembu.

 D. XIKWEMBU XI TIVISA TINTLHARHI TA LE VUXENI LESWI HUMELELEKE (MAT 2:1-12)

     Lana hi vona mintlawa yo hambana-hambana ya vaendzi. A va nga dyondzanga kambe a va tlharihile swinene.  Va fanela va ri swipfundzi hikuva va tise tinyiko to dura ngopfu swinene.

  1. A va ri vanhu lava a va ri ni xinakulobye ni Xikwembu. A xi vulavula na vona hi tindlela ta vutlharhi lebyi a va ri na byona, a va ri ni vutivi bya tinyeleti ta tilo. Xikwembu a xi veke nyeleti yo karhi etilweni, kutani leswi vona ava ri ni vutivi bya tona, hi ku hantlisa va kote ku twisisa leswi nyeleti a yi vula swona. Yi lo tshuka yi humelela yi va eka ndhawu leyi a yi nga tolovelekanga na yi nga tiviwi lomu yi humaka kona. Hikokwalaho va swi twisisile leswaku a xi ri xikombiso xo huma ka Xikwembu lexi a xi kombisa leswaku ku velekiwe N’wana wa risima. A tinyeleti leti nwana a ti famba-famba, kambe leyi a yo yima endhawini yin’we, yi sungule ku famba loko tintlharhi ta le vuxeni ti suke ti famba, yi va fambisa va ko va ya afika laha a va ya kona. Loko va yima va humula, a nyeleti na yona a yo yima vakova suka va teka riendzo ra vona.
  2. Hi ndlela leyi, va kote kuya fika etikweni ra Israel, kutani va ye va ya vutisa eka hosi Heroda. Va hlekete leswaku tani hi murhangeri wa tiko, a fanele ku tiva laha Hosi leyintshwa ya Vayuda yi nga velekeriwa kona. Hambiswiritanu, hosi Heroda a a nga ku tivi, loko a swi tivile a sungule ku khunguvanyeka hikuva a a swi tiva leswaku a vuhosi bya yena a byi ta hela.
  3. Ntalo ka tihosi ta masiku lawa ti le ka xiyimo xo fana nixa Heroda. Va ngava va fuwile eka vutivi bya ku rhangela, kambe a va tivi nchumu mayelano ni Xikwembu ni hi laha va nga kumaka ku rhula hi kona eka xona. A vutivi bya vona hi ta Xikwembu bya fana ni bya vakhongeri va misava, vanhu lava va nghena tikereke hi hi tisonto, va nyikela timali ta vona, va hanya vutomi bya kahle ni ku nyikela mali eka mihlangano. A ku langutela ka vona hi leswaku va ta tsakeriwa kumbe xiyimo xa le henhla, kambe va tsandzeka ku nyikela vumbhoni bya leswaku va kume muponisi.
  1. Hosi Heroda a sungula ku vutisa vaprista, vanhu va vukhongeri enkarhini wa yena. Kutani va pfula matsalwa eka wona va kuma leswaku Mesiya a fanele ku velekiwa eBetlehema, kutani va ya tivisa Hosi Heroda. Leswi hlamarisaka hi leswaku hambi loko va swi tsumburile a va tikarhatanga va famba va lava Hosi leyi velekiweke leswaku vata yi gandzela. A va swi vona swi ringanile ku tiyela emahlweni ni ndlela ya vona ya makhongelele. A va vona swi antswa ku tiva ta yena hi ndlela yo tumbela, hikuva ava ri tihosi ta xiyimo xale henhla ta vukhongeri bya Xiyuda, kutani a vachava leswaku a tiko ri ta va tshika kutani ri namarhela Hosi yintshwa. A va ri ni makolo ni vukwele. Ematshanwini yo komba vanhu eka Xikwembu, va yime endleleni ya vona va va sivela ku tiva Hosi leyi a yi velekiwile hi ku nyikela mahungu ya mavun’wha. Hikwalaho a va yanga kuya vona Hosi, kambe va lave ntsena mahungu eka tintlharhi ta le vuxeni loko ti hundza hi le Yerusalema na ti tlhelela ekaya.
  1. Hambiswiritanu, a tintlharhi ta le vuxeni loko ti vuya hi le riendzweni, endleleni tive ni ku navela etimbilwini ta tona ku vona Hosi. Kambe va hlangane ni xikhunguvanyiso hi Heroda ni varhangeri va ta vukhongeri. Kambe Xikwembu xi va pfunile. Loko va humile ndlwini ya vuhosi, va sungula ku languta ehenhla, va vona nyeleti. Loko va famba na yona a yi famba yi va rhangela va kova fika eBetlehema va ya kuma N’wana, Yesu. A ntsaku wu tate timbilu ta vona. Kutani va khinsama va n’wi gandzela.
  2. Lana hi vona, swidyondzeki, vanhu vo pfundza va khinsama hi matsolo va gandzela n’wana ntsongo. Hikwalaho ka yini? Xana a swi nga ri swilo swo hlamarisa ku swi endla? Vona, loko a vayo swi tiva leswaku a hi n’wana ntsena. Kambe i N’wana wa Xikwembu xa matimba hinkwawu. A va nga dyondzanga ta ripfumelo ra dyondzo ya Va-Israele, kambe Xikwembu xi va dyondzisile kole tikweni ra vona ra le kule, xi va hlavutele ntiyiso leyi, hikwalaho ka swona va tile ku ta gandzela N’wana wa xona wa un’we tani hi Xikwembu.
  3. Va humese tinyiko ta vona to dura va nyikela hi tona N’wana: Golidi, mirhi ya risuna ni narda tinyiko leti nyikeriwaka hosi. A vavanuna lava a va tiyimiserile ku nyikela leswi a va ri na swona swa risima eka N’wana wa Xikwembu. A xa ku sungula va nyikele nkarhi wa vona, swi tava swi va tekele kolumu ka nhweti vari riendzweni leriya roya eBetlehema ni ku vuya. Va tise tinyiko leto dura hi tikamela ta vona. Va veka vutomi bya vona enghozini tani hi laha a yi ri nghozi hi kona ndlela leyi va nga famba hi yona. A swigevenga a swi tave swi va dlayile.
  4. Loko wo tsumbula leswaku Yesu i N’wana wa Xikwembu xa matimba loyi a nga velekeriwa ku ku ponisa eka swidyoho swa wena, wa fanela ku n’wi nyika tinyiko hi mbilu ya wena hinkwayu hambi hi vutomi bya wena.
  5. Endzhaku ka swona Xikwembu xi tikombisile eka vona hi norho, xi va lerisa leswaku va tlhela hi ndlela yin’wana, leswaku makungu yo biha ya Heroda yo lava ku dlaya Kriste N’wana ma onhaka. Hi ndlela leyi, va tlhelele ekaya va hlayisekile swinene eriendzweni ra vona.
  6. Munhu loyi Hosi Xikwembu xi tsakelaka mahanyelo ya yena, u nyikiwa hi xona ku famba a nga chavi nchumu. (Tips 37:23)

PLEASE GO TO “CONTACT US” TO SEND US YOUR REQUEST, QUERY OR COMMENT