Ku pfuxiwa ka Lazaru eku feni

Print pagePDF pageEmail page

Jes raise lazarus

 

 

 

YOH. 11:1-16

  1. Ni la ka dyondzo leyi hi ta vona man’wani ya mahlori ya Yesu.
  2. A rifo i nchumu wukulu lowu chaviwaka hi vanhu hinkwavo hikuva hi wona makumu. Loko munhu a vabya a xa ku sngula lexi taka miehleketweni ya yena i rifo, ko tala munhu wo tanu wa nyikela hambi hi leswi a nga na swona leswaku a engeteriwa masiku ya ku hanya.  A rifo ri ni matimba ya rito ro hetelela evuton’wini, kutani hi ku hetelela hinkwerhu hi ta fa ivi ku nga ha twiwi rito ra hina. Leswi i swilo leswi fanelaka ku humelela evuton’wini. Kasi a dyondzo leyi, yi ni makumu yo hambana ni leswi ku hleketiwaka swona hi rifo.
  3. A xo sungula lexi hi hlamarisaka, hi leswi Yesu a endleke swona loko a hlamuseriwe ro sungula leswaku Lazaru wa vabya. Ntalo ka vanhu va karhateka ku tlula mpimo loko va twa leswaku murhandziwa wa vona wa fa. Va tshika hinkwaswo leswi va swi endlaka va tsutsumela eka muvabyi, onge a vukona bya vona byi nga tisa ku hanyisa muvabyi. Ntalo ka hina loko hi hlangana ni xiyimo xo taniya, a hi lavi hambi nkarhi wo twa leswi Xikwembu xi lavaka leswaku hi endla swona. Yesu a a ri ni xinakulobye ni Tata wa yena, kutani a nga endlanga nchumu ni un’we na a nga vutusanga Tata wa yena. A rito ri swi veka hi ndlela leyi, hi leswaku leswi Yesu a swi vonaka emoyeni, ni Tata wa yena wa le tilweni a swi vonisa xiswona. Loko a amukele mahungu yo biha ya leswaku Lazaru a vabya ngopfu, Yesu a a swi tiva leswaku mavabyi lawaya ma ni xikongomelo xa ku dzunisa Xikwembu. Yesu a a swi tiva leswaku Tata wa i Tata wa yena la ma pfumeleleke, xi endlela leswaku misava hinkwayo yi ta kuma nkateko wa ku twa rito ra Xikwembu ni ku pfumela leswaku Yesu I N’wana wa Xikwembu muponisi wa misava.  Tatana wa yena a n’wi nyike ku twisisa hi mahungu lama tisiweke hi varhumiwa. Mahungu lawa a ma vula leswaku Lazaru wa ha ku fa.  Kutani Yesu a va byela erivaleni, a ku: “Lazaru u file, kutani hikwalaho ka nina ndzi tsakile hileswi a ndzi nga ri kona kwale, leswaku mi ta pfumela.”  (v14,15)
  4. A va dyondzisiwa a va chava ngopfu kuya eYudiya, kutani va ku eka Yesu: “Mufundhisi, ku nga ri khale,Vayuda a va lava ku ku khandla hi maribye. Xana wa lava ku tlhelela kona ke?” (v8). Loko Yesu a nga se vula leswaku Tata wa yena a n’wi rhuma kuya kona, kambe vadyondzisiwa a va nga hleketi hi matimba ya Xikwembu ni hikwlaho ka ntirho lowu a xi lava ku wu endla. Xana a va hlamule yini? A va nyika hlamulo ya kahle hi ku vula leswi humaka eku rhandzeni ka Xikwembu. Vona a vo vilela hi ku hlayiseka ka vona ntsena: Nhlamulo ya risima: “Xana siku rin’we a ri na tiawara ta 12 xana?Loko munhu a famba ninhlikanhi, a nga khuguriwi, hikuva u vona ku vonakala ka misava leyi.” (vs 9,10) hi marito lawa Yesu a a vula leswi: “Loko mi tikarhatela ku landza leswi miehleketo ya n’wina yi vulaka swona hi vumundzuku bya n’wina, mi ta wela ekheleni mi ti vavisa. Kambe loko mi rindzela ni ku amukela vurhangeri bya Xikwembu, mi ta hlayiseka, hambi loko mi hlangana ni swiphiqo endleleni, hikuva mi ta rhanga mi swi vona kutani mi swi hambukela.”
  5. Yesu a hete masiku mambirhi endzhaku ka leswo. Kutani a ku nkarhi se wu lungile, a hi fambeni ekaya ka Lazaru. Un’wana wa vona, wanuna loyi a a tiviwa hi vito ra Tomasi, hi ntumbuluko wa yena a a ri munhu wo biha. Loko hi nga languta leswi matsalwa ma vulaka swona, Tomasi i xikombiso xa ku kanakana. Hi yena loyi a vuleke leswaku va ta humeleriwa hi swo biha ku tlula mpimo, ni kola hi vona loko a byela vanakulobye va yena a ku: “A hi yeni leswaku na hina hi ta ya fa na yena.” Tomasi a a rivarile leswi Yesu a swi vuleke endzhaku ka masiku mambirhi leswaku a va faneli ku chava vanhu, hikuva Tata wa vona wa le tilweni a a ta va rhangela ni ku va biyelela, kambe Tomasi mukanakani a nga hleketanga hi marito lawa ya ku khutaza ya Yesu, kambe a kombise ku kanakana ka yena hi ku vula leswaku, “A hi yeni yi ya lahliwa swin’we na yena; leswi a a vula leswaku; hi ya fa na yena.”

YOH. 11:17-27.

  1. A hi voneni vanhu lava a va ri kona enkosini wa Lazaru. Loko Yesu a fika, Lazaru se a a ri ni mune wa masiku na a ri sirheni. A maxaka ya yena ni vanghana a va ha ri kona, ni van’wana lava a va ha ku fika hi le Yerusalema ku ta ta chavelela. Hinkwavo a va le rindzeleni ka Yesu leswaku a tava swin’we na vona.
  2. Marta a ve wo sungula a pfuka a ya hlanganisa Yesu. A marito ya Marta ma komba leswaku a ripfumelo ra yena a ri ri ri kulu ku tlula ra Tomasi.
  3. Marta a a pfumela leswaku loko Yesu a a fike hi nkarhi, makwavo Lazaru a tave a nga fanga, kambe Marta a a pfumela leswaku hambi sweswi a fikeke, Yesu a nga swi kota ku kombela tata wa yena leswaku a endla mahlori, hikuva Tata wa yena a n’wi nyika xin’wana ni xin’wana lexi a xi kombelaka. Naswona a a pfumela leswaku, makwavo a a ta pfuxiwa swin’we ni vapfumeri van’wana esikwini ra makumo, ni leswaku Yesu hi yena Mesiya( Mutotiwa) wa Xikwembu.
  4. I ntiyiso leswaku wansati loyi a a ri n’wana wa Xikwembu. A a ri ni ripfumelo rikulu swinene.

YOH. 11:28-37

  1. A hi tweni man’wani marito ya Mariya, na wona ma fana ni ya Marta:“We Hosi, loko onge a wu vile kona, ingi makwerhu a nga fanga” Hi vambirhi, swi nga endleka a vale ku burisaneni hi swona minkarhi hinkwayo loko Yesu a nga se fika.
  2. A marito ya maxaka laman’wana a mari ya ku n’wi ntlhntlha: “Yena loyi a nga pfula mahlo ya lavo fe mahlo,hikwalaho ka yini a nga kotanga ku endla leswaku munhu loyi a nga fi xana?” Va sole Yesu erivaleni, hikuva a va nga swi tivi leswaku a a ri ni xikongomelo hi swona. Loko hi yingisa Xikwembu ni ku twa leswi xi vulaka swona, a vanhu va ta hi sola. A vanhu va sola hi kuya hi mavonele ya vona ya nyama, hikuva a va fambi eku vonakaleni ka Xikwembu.
  3. Yesu a kombisile ku karhateka ka vanhu. Hambi leswi a a swi tiva leswaku ku nga ri khale a a ta n’wi pfuxa eku feni, kambe a ti patse ni lava a va le ku rileni hi ku kombisa mbilu yo tshoveka ni ku twa ku vava, kutani loko a vona Mariya loyi a a rhandza makwavo ngopfu, kambe a ku nga ha ri ni yin’wana ndlela hikuva se a a ri ni mune wa masiku na lahliwile.
  4. Xana Xikwembu xi rila ka ngani hi maxangu ni mahlomulo lawa munhu a tilaveleke wona hi ku wa eswidyohweni.

YOH. 11:38-40

  1. Kutani va ya esirheni. A sira a ri endliwe ebakweni ehansi ka ntshava. Kutani a ri pfariwile hi ribye rikulu. Kutani a ntsumbi a wu latiwe etlelweni laha ku kovotliweke kona.
  2. A hi tlheleni hi languteni marito ya Marta. A hi swi tekeni leswaku, loko mahlori lama kulu ma nga si endleka. Loko Yesu a a yo vula marito lawa a ma vuleke eka ndhuna ya ndzana, lawa a ma vula leswaku: A ku endliwe hi laha u pfumeleke hi kona, a swi tava swi nga endlekanga hikuva Marta a kanakanile eka marito ya yena yo hetelela.
  3. Swi nga endleka ntlawa lowu a wu ri kona, a wu twa ku nun’hwa ka ku vhundha ka miri. Loko Marta a ha ri kule ni sirha a a pfumela leswaku makwavo a nga pfuka, kambe loko ave ku suhi ni sirha, a lahlekeriwe hi ripfumelo ra leswaku Yesu wa swi kota hinkwaswo.
  4. Swi nga endleka sathana a n’wi hleveterile etindleveni ta yena a ku: “ wa swi twa? u nga kanganyisiwi hi munhu. A rifo I makumu ya timhaka. Hi mina ni tameleke makhiya ya rifu. Wo langutela mahlori mahala. A ku nga humeleri nchumu. Mi xaniseke ku ringana. Mi nga yi emahlweni mi lava ku xanisa van’wana hi ku pfula sirha. Hloniphani vumunhu bya mufi.”
  5. Xana Yesu a endle yini hi ku nun’hwa ka mufi ni hi ku kanakana ka Marta? Arhange hi marito ya ku n’wi khutaza ni ku tiyisa ripfumelo ra yena, leswaku kota ku tatiseka eripfumelo swin’we ni ra Yena, leswaku va kota ku endla mahlori. Hikwalaho Yesu a te: “Xana a ndzi ku byelanga, leswaku loko u pfumela, u ta vona ku kwetsima ka Xikwembu xana? “            (v40).

YOH. 11:41-43

  1. Yesu a vule marito mambirhi hi matimba ya vukwembu bya yena a ku: Lazaru, humela handle.” Kan’we-kan’we mufi a pfuka a huma, na a ri kahle. I mahlori! I Xikwembu xa matimba lexi swi endleke! Hina lava xi tivaka ni ku kholwa eka xona, hi ni nkateko wukulu!

Marito yo hetelela.

  1. Nkarhi wun’wana Xikwembu xa pfumelela swilo swo vava swi hi humelela. Ni leswaku hi lahlekeriwa hi leswi hi lumbaka. A hi dyondzeni hi mhaka leyi humeleleke leswaku hi nga rili ku tlula mpimo, kambe hi yisa timbilu ta hina to vava eka Yesu.
  2. Ku na swikarhato swo tala leswi hi hlanganaka na swona evuton’wini bya hina, leswi a go va Xikwembu ntsena lexi nga hi nyikaka nhlulelo. A rifo ra Lazaru, a ri lava nhlulelo yo huma eka Xikwembu, a ku vileleka masingita ya Xikwembu. Minkarhi yo tala Xikwembu xa nghenelela eka swiyimo swa hina xi hi nyika nhlulelo loko hi xirhamba. Kutani ku hlula ni ku rhula swa hi landzela evuton’wini.
  3. A ntlhontlho wukulu eka vana va Xikwembu, I ku rindzela Xikwembu. Ko tala wa hela nkarhi wo leha na xi nga se tikombisa, a nkarhi wa ku rindzela, I nkarhi wa ku kula ka ripfumelo ra hina.

PLEASE GO TO “CONTACT US” TO SEND US YOUR REQUEST, QUERY OR COMMENT