Hosanyana ya jaha ra mufuwi; Luka 18:18-30

Print pagePDF pageEmail page

jes-rich-young-ruler

THIS DOCUMENT MAY BE DOWNLOADED FREE OF CHARGE FOR PERSONAL USE

Luke 18:18-30

Laha hi kuma u nwana wa nuna wa ku fuma, loyi a ha riki Jaha, loyi a ri ku laveni ka Xikwembu. A nga yimelanga ku chumayeriwi hi munhu ku hundzuka, kambe yena hi yexe u vutise ta Yesu leswaku u le kwihi leswaku hi xiviri xa yena a ya ka yena. Eka evangeli ya Marka ku avanyisa ka 10:17 hi hlaya leswaku loko Yesu a huma e dorobeni, wa Jaha loyi u tile hi ku tsutsuma eka Yesu, kutani a fika a tiwisela e milengeni ya Yena, emahlweni ka Yena, kutani a huwelela: “hi swihi leswi nene ndzi nga swi endlaka ku nghena evutonwini lebyi nga heriki?” u vutisile xivutiso xa kahle kambe eku heteleleni u tlhelele endzhaku a nga amukelanga leswi a swi terile eka Yesu.

Hi nga si languta leswi nwi tsandzeke, kumbe leswi a swi pfumala, a hi languteni swilo swa kahle leswi a ri na swona evutonwini bya yena.

  • Xosungula, hi vona wa Jaha a hlota Xikwembu loko majaha kuloni eka xiyimo xa yena ma nga lavalavaku mintsakiso ya misava.
  • Xa vumbirhi, hi vona wa nuna wa kahle loyi a lavaka ku va na vunene evutonwini bya yena. Ku suka evutsongwaneni bya yena a lwa hi matimba ku lava ku famba na Xikwembu, na swona a twisisa nawu lowu Xikwembu xi nyikeke Muxe. Loko Yesu a ringeta ku nwi kambela hi ku xiyisisa leswi tsariweke enawini wa Muxe, ku nga, ku oswa, vugangu, kuyiva, kudlaya, kuxixima vatswari, a languta Yesu emahlweni aku, “Hosi milawu hinkwayo leyi ndzi yi hlayisile hi matimba ya mina hinkwawo ku suka evutsongwaneni bya mina.’’
  • Xa vunharhu, hi vona wa Jaha loyi a titsongohataka. Hambi leswi a ri na xiyimo xa vurhangeri eka va nwana u vona Yesu a ri murhangeri lonkulu ku hundza yena fikela laha a tiwisela ka emilengeni ya yena emahlweni ka lavo tala eku amukela swo karhi eka Yesu leswi a swi pfumalaka.
  • Xa vumune hi vona wa nuna wa mufuwi loyi a nga na mavonelo ya le evutonwini lebyi nga heriki. Vanhu vo tala lava fuweke, ku fana na mufuwi loyi hi nga dyondza ha yena eku sunguleni a va na nkarhi wo ehleketa hi vutomi endzhaku ka rifu. Kambe wa Jaha loyi a vutise “Hosi ndzi rhandza ku endla leswi nene, ndzi nga endla yini kambe leswaku ndzi nghena eku fumeni loku nga heriki?’’ a ri na ku navela ku endla kutlurisa, hikuva a lava ku ti lulamisela vutomi lebyi nga heriki, a nga lavi ku endla xihoxo. Eka Marka 10:21 ku tsariweke leswaku, Yesu a nwi languta a nwi rhandza, a swi nga tolovelekanga leswaku munhu wa xi yimo xa yena a ta ka Yesu eku lava swi tsundzuxo.

Yesu hi ntiyiso u swi naverile ngopfu leswaku wa Jaha loyi a nghena evutonwini lebyi nga heriki, hikwalaho u nwi hlamuserile hi ku tsaka leswi a fanele ku swi endla aku: “ka ha sale nchumu wunwana lowu u fanekele ku wu endla lowu u wu pfumala ka, xavisa hinkwaswo leswi u nga na swona, u swi avela eka swisiwana, kutani u tava na Rifuwo eku fumeni ka matilo, kutani u ta u ndzi landza. ’wa Jaha u vutisile xivutiso, u kuma Nhlamulo ya yena ku suka eka nomu wa nwana wa Xikwembu; “xavisa leswi u nga na swona, kutani u ta u ndzi landza’’. U nwana a nga ku a fanele a tlula hi ku tsaka ku amukela xileriso lexi hikuva hi ku endla sweswo u tava a ti lulamisele vutomi lebyi nga heriki, E-e a swi vanga tano, u ve a hlamula swinene hi Nhlamulo leyi, mahlo ya yena ya pfuleka swinene, nomu na wona wu sala wu ahlamile, a nga tshemba leswi a swi twaka hi tindleve ta yena, “ku xavisa mapurasi ya mina, Tihomu ta mina,Tikamela ta mina, Tinyimpfu ta mina, Ti nguvu ta mina ndzi avela swisiwana?! A avela mahala swi dyumba swa timali leti a ti hlayiseke, ku suka a ya emakete a huwelela; swi siwana tanani mi ta phaka Mali ya magidigidi ya mina mahala; a nga ha hlamulanga Yesu na rito na rinwe, kambe a korhamela hansi a famba a khomiwe hi ti ngana leti kulu swinene, a nga ha languti ni le ndzhaku.

Wa vona, wa Jaha loyi a rhandza Rifuwo ra yena swinene. A nga ri khomanga hi mavoko ya yena ntsena kambe a ri rimbilwini ya yena. A nga khomanga Rifuwo ra yena ntsena na rona Rifuwo a ri nwi khomile, aku ri mhaka leyi nga twakaleki eka yena ku hangalasa Rifuwo ra yena hinkwaro eka swisiwana i vi a suka a landza Yesu hinkwako laha a ya kona. A nga rhandza leswaku Rifuwo ra yena ri rhumeriwa etilweni, a ti lavela rona yena ri va eka yena hinkarhi wolowo.

A nga swi naveli ku va na vuxaka na Yesu a tlhela a famba na yena hi milenge hinkwako lomu Yesu a ta ya kona, sweswo a nga swi vuli vutomi byo tsakisa, E-e yena a lava ku tiphina hi vutomi swinwe na Rifuwo ra yena, na kona a nga nwi tshemba Yesu ku fikela laha a ta fanekele ku nyikela xuma xa yena hinkwaxo a landza Yesu, hikuva Rifuwo ra yena a ku ri xisirhelelo eka yena.

Lexi karhata hi le tiheleni hi leswaku aku talangi vanhu lavo homboloka ntsena, kambe ku kumeka na vanhu lavo lulama lava hinkarhi wa ku hanya ka vona a va khomekile swinene hi swilo swa misava ku fikela laha na nkarhi wa ku amukela Xikwembu va ta kuma vutomi lebyi nga heriki va wu pfumaleke.

Hosi Yesu a khomiwe hi tingana ku vona wa Jaha wa ku humelela no va na xiyimo xa kahle emisaveni a hlawula rifu matshanwini ya vutomi.

Kute loko Yesu a vona leswaku mhaka leyi yi kumbe swinene va yingiseri va yena, va sungula ku tivutisa leswaku xana u kona loyi a nga ta ponisiwa ke? Leswi swi endleke nthlonthlo lowu kulu eka ripfumelo ra vona. Ku tani a sungula ku va hlohlotela leswaku leswi tsandzaka vanhu a hi leswi tsandzaka Xikwembu. Hikuva hinkwaswo swa koteka eka Xikwembu. Hambi swi ri tano mbewu ya ntiyiso yi ve yi byariwa eka wa Jaha wa mufuwi kutani moya lowo kwetsima wu ta ya emahlweni ku nwi pfuna a endla xiboho lexi nene.

Kutani Hosi yi ya emahlweni ku tiyisa vadyondzisiwa va yona yi ku: “ndzi tiyisile ndzi ri: ku hava loyi a sukeleke yindlu ya yena kumbe nsati kumbe makwavo kumbe vatswari kumbe vana va yena hikwalaho ka mfumo wa Xikwembu, lava nga kotangiki ku hlayisa swa vutomi lebyi, kambe endzhaku ku tava vutomi lebyi nga heriki.

Hikwalaho a hi tiyeni eku landzela Hosi hi timbilu leti tsakeke, hi ta va lava katekeke eka vutomi lebyi ni le ka vutomi lebya ha taka. Hi ta ya tshama na Lazaro, Abrahama na Xikwembu hi xiviri.

PLEASE GO TO “CONTACT US” TO SEND US YOUR REQUEST, QUERY OR COMMENT

Leave a Reply