Cheleni leri lahlekeke

Print pagePDF pageEmail page

Jes tels lost coin

 

 

 

A Hosi yi tlhele yi hlamusela xitori lexi landzelaka, lexi nga vaka xi vulavule hi ku enta eka wansati loyi a pfukeke a yingisela.

LUKA 15:8-10

  1. A wansati loyi a a nga pfumali mali tani hi laha ntalo wa hina hi pfumalaka hi kona. A wansati loyi a a ri ni 10 wa macheleni ya siliverhe. A vanhu lava a va dyondze ngopfu ta ndlela ya vutomi enkarhi ni wa Yesu, va vula leswaku a cheleni rin’wana ni rin’wana a ri enela muholo wa siku. A muholo wa siku a wu faneri ku yeyisiwa. Loko munhu a tirhe ngopfu emunwini, kumbe a tirhe endlwini ya munhu wo karhi a lulamisela mubedo, a hlampswa swibya, a hlampswa a tlhela a ayina naswona a tlhela a basisa mafasitere, a mali yeli a nyikiwaka hi nkarhi wa ku chayisa I ya risima swinene eka wena. Kutani loko yi ku lahlekela endleleni yak u ya ekaya, u nga rila ngopfu hambi loko u swi tiva leswaku u ni yinwana ya 9 wa masiku leyi u yi vekeke ehansi ka mubedo. Hikuva un’wana ni un’wana wa hina, a muholo wa siku rin’wana ni rin’wana wu ni tirho wa wona.
  2. A ku ri ni xivangelo xin’wana lexi a cheleni ri ngava ni risima eka loyi wansati. A vavasati va mayuda a va amukela 10 wa macheleni ya siliverhe ya xihima xa muchato wa vona. Loko cheleni ra kona ri ni mbhovo exikarhi, a va ri hulela ngoti va ri boha leswaku ri ta hlayiseka swinene, va ri veka endhawini yo hlayiseka. A ri fana ni ringi ya muchato, a swi vava ngopfu loko ngoti leyi va huleleke hi yona cheleni yi tshuka yi tsemeka kutani cheleni rin’we ri lahleka, a swi languteka onge a muchato wa kona wu nyamisiwile.
  3. A wansati loyi a muchato a wu ri wa risima, a a nga ta pfumela leswaku ribye ni rin’we ri nga susiwi leswaku a kota ku kuma cheleni ra yena. A cheleni ro taniya, a ri nga fani ni man’wani naswona a ri nga cinciwi hi rin’wana.
  4. Hikwalaho ka swivangelo leswi, a wansati wa xitori xa Yesu a a khunguvanyeka swinene loko a tsumbula leswaku eka 10 wa macheleni ku chota rin’we. A tshika hinkwaswo leswi a a endla swona a layitha rivoni leswaku a ta kota k uvona kahle, a teka nkukulu a kukula yindlo hinkwayo. Kutani a vona nchumu lowu layithaka, a tshika nkukulu, a khinsama hi matsolo ya yena, a kuma leswaku hi rona, a ri teka a hantlisa a humela ehandle na a ri khomile hi mavoko a ri tlakusela ehenhla na a huwelela eka vaakelani, na vona va ri karhi va ta ka yena hi ku twa huwa ra ntsaku wa yena; “Ndzi ri kumile, ndzi ri kumile,” a Ava byela hi ta cheleni ra yena leri a ri lahlekile leri kutani a ri kumeke. Entiyisweni lano k uva ku ri ni ku tsaka ngopfu swinene, minkolo ni milomo ya ahlamisiwa swinene hi ku phemelana ntsaku swin’we ni n’wini wa cheleni.
  5. Tani hi cheleni ra siliverhe leri ku namekiwaka xifaniso xa hosi ya tiko rolero, a vutomi bya munhu un’wana ni un’wana byi endliwile hi silivere leri eka yona a xifaniso xa Xikwembu xi lemiweke kona. Un’wana ni un’wana a ni risima ngopfu eka Tatana. Un’wana a nge pfariwi hi un’wana. Ni sweswi xi le ku rholeleni ka macheleni lama lahlekeke leswaku ma ta nyikeriwa enkhuvini wa muchato wa N’wana wa xona. Hambi loko a va kumile lava 9 wa ri karhi a layitha rivoni ra rito ra yena a tirhisa malandza ya yena layo tala leswaku ma lava cheleni lera ha saleke. Kutani loko a n’wi kuma kutani mudyohi loyi wo lahleka a nghenisiwa hi nyangwa lowo khuma, kutani atintsumi ni vakwetsimi lava hi rhangeleke va huwelela va ku: “Hi leri cheleni ra silivere ra Hosi leyi a ri a lahlekile hi malembe ri li echakeni; haleluya, a ku dzunisiwe Hosi!”
  6. Xana a n’wana wa wena kumbe ntombhi ya wena swi nga endleka va ri cheleni ra Xikwembu leri lahlekeke? Khutazeka hi ku tiva leswaku a xi se gama ku famba xi va lava. Ku fana ni n’winyi wa macheleni loyi a hlayelaka macheleni ya yena exikhwameni, hikuva wa swi tiva leswaku I mani loyi a nga nhenaka a langutisisa matlhelo hinkwawo ta misava leyi, ni Evhangeli ya yena ku ko a va loyi a hlayisekeke eka ngoti leyi a boheke cheleni ra yena hi yona.

PLEASE GO TO “CONTACT US” TO SEND US YOUR REQUEST, QUERY OR COMMENT