2 Vakorinto, 8 – 13

Print pagePDF pageEmail page

MATERIAL MAY BE DOWNLOADED FREE OF CHARGE FOR PERSONAL USE

BACK TO INDEX 

 N. MINHLENGO YA VAPFUMERI VA YERUSALEMA

 8:1-9:15

  1. Hi minkarhi min’wana Pawulo a a ri na swona embilwini ya yena ku heleketa minhlengo kuya antswisa vusiwana bya vapfumeri eYerusalema – a swiahluko leswi mbirhi swi vulavula hi mhaka leyi.
  2. Exikarhi ka riendzo ra yena lero sungula eKorinto, Tito a khutaziwe hi Pawulo naswona hi ku swi tsakela  leswaku a va khutaza ku humesa nhlengo kutani va hlamula hi ku tsaka swinene, va tshembisa ku nyikela. (8:6,16)
  3. Pawulo a tinyungubyisile eka kereke ya le Makedoniya, ( Filipiya, Tessalonika ni Bereya) hi swona leswi n’wi nyikeke xivindzi xikulu mayelano ni ku pfumela ka vona.
    1. A xa ku sungula va tinyikete eka Hosi hi ku hetiseka (8:5).
    2. Hikuva hambi leswi a va ri swisiwana, ni ku hlangana ni maxangu layo tala, va hlamule hi ntsaku lowukulu ni ku nyikela ku tlula matimba ya vona (8:2).
    3. Loko Pawulo a lave ku ala ku teka nhlengo wa vona, va n’wi komberile leswaku a nga endli tano. (8:4)
  4. Pawulo a tirhise vumbhoni lebyi ni marito man’wana leswaku a kota ku khutaza va le Korinto:
    1. Tani hi leswi va pfundziseke xiswona eripfumelweni, evutivini by arito, eka xivindzi ni rirhandzu, a va fanela naswona kuva lava pfundzeke na le ka ku nyika (8:7).
    2. A xi ri xikambelo xa ku tiya ka ku chivirika ka vona (8:8).
    3. Hosi Yesu a veke xikombiso hi ku tshika vukosi hinkwabyo etilweni kutani a ti hundzula xisiwana xa le moyeni, leswaku hi kota ku avelana na yena vukosi bya le tilweni (8:9).
    4. Tito a rhangele Pawulo ku ya lulamisa mhaka leyi leswaku loko  Pawulo a fika va nga khomiwi hi tingana, swi nga endleka a fambe ni van’wana vo huma kwale Makedoniya, kutani a kume leswaku a va nga se lulamisa nhlengo wa vona (9:3-5).
    5. A nhlengo a wu fanele ku va endhawini yin’we, hikuva loko swi nga ri tano a swi ta languteka onge wu humi hi ku titwela ka timbilu ta vona, va lo sindzisiwa (9:5).
  5. Eka swiahluko leswimbirhi, Pawulo a nyika nongonoko wa leswi munhu a fanelaka ku nyikisa xiswona:
    1. Loko u tshembise ku nyika, u boheka ku nyika leswi u swi tshembiseke (8:11).
    2. Loko u byala kutsongo eka vutomi bya van’wana loko va ri ni swivilelo, na vona va ta byala ku tsongo loko u ri ni swivilelo. (9:6)
    3. Nyika eka leswi unga na swona( U nga lombi mali leswaku u ta nyikela hi yona). (8:12)
    4. Loyi a nyikaka a nga faneli ku tiendla xisiwana hikwalaho ka ku nyika van’wana; a xikongomelo lexi I xa leswaku vanhu va va eka xiyimo xin’we. (8:14,15)
    5. Un’wana ni un’wana a fanele ku tilawulela ntsengo wa leswi a lavaka ku swi nyikela. (9:7) (A nga faneli ku tshikileriwa hi lava nga na swona, a sindzisiwa ku nyikela ku fana na vona.)
    6. Loyi a nyikeleke a nga faneri ku ngurangureka hi leswi a swi nyikeleke, a ku ni yo luza, kambe a fanele a khensa Xikwembu hikuva a kote ku nyikela un’wana a kuma ku tsaka. (9:7)
    7. Xikwembu xi tsakela munhu loyi a nyikelaka na a tsakile. (9:7)
    8. A Hosi hi yona mu nyiki wa mbewu ni ntshovelo wa hina, naswona ya swi kota ku pfala laha hi nga va hi suse kona hi nyikela van’wana. (9:8-10)
    9. A ku nyika ku tisa vudumo hi ndlela leyi:
      1. Lava amukelaka nyiko leyi, va khensa Xikwembu.
      2. Swi byala moya wa rirhandzu exikarhi ka loyi a nyikaka ni loyi a nyikiwaka.
  6. Naswona Pawulo a dyondzisa hi ntikelo wa ku hlayisa mali:
    1. Ti fanele ti hlayisiwa hi vapfumeri lava tkhorwiseke leswaku va tshembekile.
    2. A ku hlayisa ka timali leti, a hi ntirho wa muhlayisi ni Xikwembu ntsena, kambe ku fanele kuva ni ku veka matirhele ya yona erivaleni leswaku lava nyikaka va kota ku vona ni ku kholwiseka leswaku timali ti khomiwa kahle. (8:18-23).
    3. Hi ndlela leyi a vito ra Hosi a ri nga soriwi ni ku hleviwa hi vamatiko hikwalaho ka ku kala ku tshembeka.
  7. Eku heteleni Pawulo a languta ehenhla a nyika ku khensa Xikwembu hi nyiko leyi swi tikaka ku yi hlamusela hi marito. (9:15)

O. PAWULO A SEKETELA MATIMBA YA VUPOSTOLA BYA YENA

 10:1-18

  1. Hambileswi a va le Korinto a va amukela matimba ya Pawulo, a va ha ri kona van’wana lava a va kanakana ni ku va ni swi vutiso, hikokwalaho, a a fanele ku tiseketela, hambi leswi a a swi endla a nga swi tsakeli, hikwalaho ka ku navela leswaku xinakulobye xa yena na Kriste xi kula ku tlula hinkwaswo.
  2. Hinkwavo lava a va n’wi lwisa a va vula leswaku:
    1. A ntirho wa yena i wa nyama, a wu na ntoto wa Moya. (10:2)
    2. Hambi leswi papila ra yena ri nga ni ntikelo, kambe a nga swi koti ku vulavula kahle ku fana ni tintivi tin’wana ta Vagrika (10:10).
    3. (A hi tsundzukeni leswaku Muxe na Yeremiya na vona a va nga swi koti kahle ku vulavula, kambe Xikwembu xi va tirhisile eka swilo leswikulu ngopfu. A ku tiva ku vulavula kahle, a hi swona swi ku endlaka murhangeri la swikotaka.
  3. A hlamulo ya Pawulo eka swilumbeto leswi hi leyi:
    1. Hambi leswi a a ha ri emirini, a ha ri Mukriste ku fana na vona (10:7).
    2. Va fanele ku vona leswi a swi endlaka( mahlori) lawa Xikwembu xi ma endlaka hi ku tirhisa yena loko a ri exikarhi ka vona. (10:11)
    3. A tlharhi leri a ri tirhisaka ( rito, ripfumelo, rirhandzu xikhongelo ni ntiyiso eka nyimpi ya yena ya ximoya leswaku va kota ku ponisiwa, a hi ra ku huma eka miehleketo ya kambe yi huma eka Xikwembu naswona i ra matimba (10:4,5):
      1. Ma hahlula makungu ya Sathana lama lwisaka mfumo wa Xikwembu.
      2. Ri hahlula makhokholo ni tidyondzo to hambuka ta vanhu.
      3. Ku hohlota makhumbi lama sivelaka ku amukela Yesu tani hi muonisi, kutani ku akiwa ya ntsunxeko ni ya ku rhandza misava.
      4. Ku phasa miehleketo ya vulala yi yisiwa eku yingiseni ka Kriste.
    4. A vadyondzisi lava va mavun’hwa, va ti kala kuya hi swiyimo ni tidyondzo ta vona leti nga amukeriwiki hi Xikwembu; hikuva a va fanele va kala swiyimo swa vona kuya hi leswi rito ra Xikwembu ri vulaka swona. (10:12,17,18)
    5. A marito lawa Pawulo a a nga ma vulavuli eka kereke leyi sunguriweke hi un’wana, kambe leyi yi sunguriweke hi yena ni vanakulobye va yena (10:13-15).
    6. Kutani ke, loko va tava lava simekiweke swinene eka Kriste, a a ta tirhisa Kereke leyi tani hi ntsindza lowu a a ta sukela eka wona kuya sungula tin’wana ti kereke. (10:16)

P. PAWULO A TI HAMBANISA NI VAAPOSTOLA VA MAVUN’HWA

 11:1-33

  1.  Laha a a le ku ti yimeleni ehandle ka ku chumayela Kriste, leswi a ku ri swa hava eka yena, kambe a a nga ri ni yin’wana ndlela ehandle ku ya emahlweni ni mhaka leyi, hikuva a a ri ni vukwele hikwalaho ka ku tiyimisela ka vona eka leswi vona a va swi vula ntiyiso kambe a va nga endli leswi wu lavaka swona. (11:1)
  2. Mayelano ni ntirho wa yena:
    1. A a ri ni vukwele hikwalaho ka rirhandzu ra vona ni ku tinyiketela ka vona, ku nga eka yena kambe eka Kriste. (11:2)
    2. Loko a va tivise Kriste eku sunguleni, a yime eka tlhelo rin’we leswaku hi ku ngena ka yena etikweni ra vuhedeni, a va ta fanela ku ku veka ku tshemba ka vona, rirhandzu ra vona ro sungula eka Kriste, tahi hi nwhanyani loyi a ha ku tekiwaka. (11:2)
    3. Hambi leswi a a nga ri munhu wa ku vulavula kahle, a a nga pfumali vutivi. (11:6)
    4. A nga amukelanga mali yo huma eka vona, kambe a tirhise mali leyi a yi nyikeriwa hi tikereke letin’wana leswaku a nga va tikerisi, swi nga endleka a hoxile hi ku endla koloko, kambe a a endlela ku va tisela evhangeli leswaku va kota ku twisisa leswaku i mahala a yi hakeriwi (11:7-9).
  3. Loko a ku ri ku hakunene a va le Korinto va tlharihile tani hi laha a va tivula hikona:
    1. Hikwalaho ka yini va amukele Nandza wa Xikwembu loyi (11:20):
      1. A a languteka na a ti kurisa naswona na a lava ku va fuma?
      2. A a va endla mahlonga (a varwexa mintirho ni minawu yo tika leswi a swi va tikela)?
      3. A a va tikisela (a valondza leswaku va hakela mali ya le henhla hikwalaho ka ntirho lowu a a wu.  endla)?
      4. A va khomelela(ku fava ni ku va tshama emakatleni, a va chukumisa ni ku va bongela; a va chumayela evhangeli ehandle ka tintswalo, a va pfuxela nchavo ni ku rhurhumela)?
      5. A va ba ematihlweni (A va komba vuhava bya vona ehandle ko va hlamula hi tintswalo)?
    2. Hikwalaho ka yini va nwi amukerile (11:4):
      1. Yesu wa ku hambana (dyondzo ni swikombiso swa vumunhu leswi a swi nga nyiki vudumo Xikwembu hambi hi ku komba matshamele ya Yesu)?.
      2. Ntirho lowu hi moya wo hambana (wo tikurisa ni ku tibyela).
      3. Evhangeli yo kala yi nga tolovelekanga (Leyi nga yelaniki ni dyondzo ya Kriste)?
    3. A swi nga va oloveli ku pfumela leswaku a munhu loyi wa ku tikurisa ni matirhele ya kona ma huma eka Xikwembu.
    4. A va n’wi teka tani hi Muapostola wo hambuka,loyi a tirhelaka Sathana, va ti kombisa onge i titsumi ta Xikwembu ta ku vonakala. Kambe eku heteleleni a va ta humela erivaleni, hikuva mintirho ya vona a yi ta kombisa leswaku I vatirheli va Sathana.) (11:13,14)
  4. A a chava leswaku Evha a ringiwile hi Sathana eNtangeni wa Edeni hi ku pfumela mavun’hwa ya yena ya ku lumbeta Xikwembu, na vona a va kanganyisiwile hi Sathana hi ku tirhisa vadyondzisi va mavun’hwa hi ndlela leyi nga va veka enghozini yo lahlekeriwa hi ntiyiso wa Evhangeli ya Kriste. (11:3)
  5. Ehandle ka dyondzo leyo hambuka, a va fanele ku languta eka dyondzo ya yena:
    1. Hambio leswi a a nga ri munhu wo kota ku vulavula kahle, kambe a a ri na byona vutivi. (11:6)
    2. A nga amukelanga mali yo nyikiwa hi vona kambe a tirhise leyi a yi huma eka tikereke tin’wana leswaku a nga va tikerisi, swi nga endleka a hoxisile hi ku endla tano, kambe a a kombisa leswaku a Evhangeli ya Yesu Kriste I mahala a yi hakeriwi, xana a ku tava ku ve ku tsana ka yena ka le moyeni xana? (11:8,9)
    3. Mayelano ni swilo leswi vadyondzisi va mavun’hwa a va ti kurisa hi swona, na yena Pawulo a a va tlula hikuva yena a a ri Muheberhu, Muisraeli, ntukulu wa Abrahama naswona nandza wa Kriste. (11:22,23)
    4. Xana a va fana na yena eka xikombiso x amaxangu ni ku tiyisela ka yena hikwalaho ka Kriste (11:22-29):
      1. Hi ku kula ka ntirho wa yena?
      2. Ku biwa ku tlula mpimo hikwalaho ka Evhangeli?
      3. A nghenisiwa ekhotsweni na a nga ri na nandzu?
      4. A va enchaveni lowukulu wa rifo?
      5. Ku tlula ka ntlhanu a biwe kwalomu ka 39 wa timboma hi Vayuda?
      6. A biwe ka narhu hi tinhonga enhlokweni?
      7. A kandliwa kan’we hi maribye?
      8. A tshovekeriwa hi ngalava ka nharhu, a mbekuka vusiku ni nhlikanhi?
      9. A famba mpfhuka wo leha?
      10. A va enghozini yio nwela enambyini loko va le ku tsemakanyeni?
      11. A va engozini ya lava nga n’wi tumbelela?
      12. A va enghozini ya va hedeni?
      13. A va enghozini edoropeni, emananga, elwandle hikwalaho ka lava a va komba onge i vamakwavo va yena eHosini?
      14. Hi ku tirha ku vava?
      15. A nga kumi nkarhi wo etlela ni vusiku?
      16. A xanisiwa hi ndlala ni torha, Ko tala a famba a anga dyanga?
      17. A xanisiwa hi xirhami ni ku pfumala swo ambala?
      18. A pona ku khomiwa hi ku nembeletiwa hi ndzava emakhumbini ya le Damaska?
      19. Hi ku hlula ndzingo un’wa na ku humelela un’wana?
      20. Ematshan’wini ya leswo hinkwaswo, a a hisekela ku hlayiseka ka tikereke hinkwato leti a tisimekeke?
  6. Pawulo a a tave a tikurisile loko a ku ri hi ku kombisa mintirho ya leswi munhu a faneleke ku yi endla:
    1. Kambe a nga ti kurisanga hi swona hinkwaswo leswi.
    2. A a titlakusa ntsena hi swikombiso swa ku titsngahata loku a a ku vilela, ni hi laha a a fanela ku va mhamba hi kona, ni hi laha a a tivona ku tsana hi kona eka ntirho wa yena, leswi hi swona leswi mudyondzisi wa ntiyiso a faneleke ku navela sowna.

Q. A XIVONO XA PAWULO NI RIPHASTO EMIRINI WA YENA

 12:1-12

Loko a pfala dyondzo mayela ni vu Apostola bya yena, a hlamusela leswi a hlanganeke na swona leswi n’wi pfunekle swinene ku humelerisa ntirho wa yena:

  1. A tekeriwe etilweni ra vunharhu(ehenhla ka mpfhuka, ehenhla ka matilo, eparadesini, laha Xikwembu xi tshamaka kona)
  2. A nga swi koti ku vula leswaku a tekiwe hi xiviri kumbe emoyeni.
  3. Kambe a twe rito leri nge leswi a swi vonaka a swi nge koteki ku hlamuseriwa hi ririmi leri vulavuriwaka hi vanhu hambi loko va swi kota, naswona a nga pfumeleriwanga ku vulavula nchumu xa leswi a swi voneke.
  4. Leswi i swilo leswi loko a a ri un’wana munhu a a ta ti kurisa swinene hi swona, kambe yena a vone swi ri swinene ku ti khoma, hikuva a a swi tiva leswaku a swi humi ematimbeni ni le vutlharhini bya munhu lebyi yena a ta fanela ku dumisiwa; kambe a ku ri ku endla ka Xikwembu.
  5. Entiyisweni a Hosi yi swi vonile leswaku a nge ringiwi a ko a fika laha a ti kurisaka hi swona:
    1. Xi veke riphatsu emirini wa yena.
    2. A muntwa lowu a yi ri ntsumi ya Sathana leyi a yi n’wi ba nkarhi un’wana ni un’wana.
    3. A ri heta matimba ya yena minkarhi yin’wana.
    4. (Hi laha a swi n’wi tikela hi kona, hi ngo bvumba, leswi nga kala swi nga hi nyiki nhlamulo ya ntiyiso. Hi ngo phinda leswi Pawulo a swi vuleke, leswaku a ku ri xivavo lexi a xi nghenisiwe hi demona, lexi a xi n’wi xanisa swinene ni ku n’wi nyika mavabyi ya le mirini.)
    5. A kombele kanharhu eka Hosi leswaku demona leri ri suka eka yena.
    6. A nhlamulo ya Xikwembu yive leya ku; a tintswalo ta xona ti n’wi ringanile.
    7. Hi ku n’wi endla la tsaneke, a xi lava leswaku a va la tsembaka xona ntsena, a a a xi n’wi endla la tsongahalaka.
    8. Loko a tsongahala, a a ta va musele lowu matimba ya Xikwembu a ma ta famba hi wona.
  6. Pawulo a a tikurisa hikwalaho ka ku tsana ka yena, hikuva a ku ri hikwalaho ka ku tsana ka yena laha XIkwembu a xi n’wi tirhisa hi kona, ku nga ri hikwalaho ka swivona leswi kulu a a ri na swona. (12:10)
  7. A nga zanga a ngurangureka hikwalaho ka ku tsana ka yena, kambe a kutazekile hikwalaho ka maxangu, nchavo ni ku rhukaniwa loko a hlanganeke na kona hi laha Xikwembu a xi swi pfumelela hi kona, hikuva swi n’wi endla a va la tsanaka, kutani matimba ya Xikwembu ma tivonakarisa laha ku tsana ku nga kona.
  8. Laha hi kuma dyondzo ya moya: “Eku tsaneni ka mina, ni kuma matimba.” (12:10)
  9. A matimba lawa ya Xikwembu a makhuluka hi le ka yena, a veke mihandzu ya swikombiso swo tala ni masingita, leswi a ku ri ku endla ka Xikwembu loko xi pasisa vu Apostola bya yena. (12:11)

R MARITO YO HETELELA YA PAWULO

 12:14-13:13

A a le riendzweni ro ya va pfuxela hi khambi ra vunharhu, kutani a a lava leswaku va twisisa leswi landzelaka:

  1. Eriendzweni ra yena leri hundzeke, hambi hi yena kumbe vanakulobye va yena, a va zanga va va ni xikongomelo xo lava ku pfuneka hi swa le mavokweni eka vona, hikuva tani hikuva Xikwembu lexi a va xi tirhela a xi ri tatana eka vona, a xi fanela ku va phamela xona ku nga ri lava a va va dyondzisa. (12:14)
  2. H wona matirhele lawa a a fanela ku landza wona ni le ka riendzo ra yena ra vumune. (12:14)
  3. A a vona swi ri kahle ku va nyika ku tlula ku amukela eka vona, a a tinyikela hi mbilu leyi hetisekeke ni hi moya wa rirhandzu, hambi leswi a a nga kombisi rirhandzu ra yena eka vona hi ndlela ya leswaku va fanele ku n’wi tlherisela. (12:15)
  4. Leswi a a swi lava eka vona, a ku nga ri swilo swa le mavokweni, kambe vutomi bya vona byi nyiketiwa eka Kriste. (12:14)
  5. A vule leswi hikuva a khomisiwe tingana hi xiyimo lexi a va kumeke na va ri eka xona, xiyimo xa ku hanya vutomi bya vudyoho byo fana ni ku holova, vukwele, vukarhi, makolo, marito ya swahava, mahlevo, ku tikurisa ni vutomi bya manyala ni vuoswi. (12:20)
  6. Hi ku ya ka yena ra vunharhu, a a ta ya vulavula swilo swo fana hi khambi ra vunharhu leswi a swi ta endla leswaku va nga ri ni ku kanakana mayelano ni ku rhandza ka Xikwembul. (13:1; Deut 19:15)
  7. Loko va lava leswaku Xikwembu xi vulavula hi yena hi matimba, a nga cinci marito ya yena, a swi ve tano. (13:2,3)
  8. Ina eriendzweni ra yena ro sungula, Kriste a vambiwile eku tsanene, kambe a pfukile kutani i wa hanya hikwalaho ka matimba ya Xikwembu. (13:4)
  9. Hi ku fana na le ka riendzo ra vona ro sungula, yena ni vanghana va yena, va fike na va ri lava vonekaka va tsanile swinene. (13:4)
  10. Kambe eka khambi leri, va ti komba na va ri ni matimba, naswona va nga tsetseleri munhu. (13:4)
  11. Tani hi laha va phemelanaka na Kriste ku tsana ka yena; va phemelana na yena matimba lawa va ma kombisaka hikwalaho ka yena. (13:4)
  12. Hikokwalaho, va fanele ku ti kambela, va vona loko ripfumelo ra vona eka Kriste ra ha hetisekile ni loko ra ha va tisela ku ponisiwa, ni leswaku i ntiyiso leswaku Kriste a kona eka vona, ni leswaku a va hanyi tani hi vanhu lava cukumetiweke hikwalaho ka swidyoho swa vona. (13:5)
  13. A matimba lawa Yesu a ma nyikaka, i ya ku aka vanhu va Xikwembu ku nga ri ha ku va hahlula; a vadyondzisi kumbe varisi, va fanele ku tivonela hi laha va dyondzisaka ni ku risa hi kona ntlhambi lowu vekiweke emavokweni ya vona (13:10):
    1. (A ku tsinya ku tlula mpimo swi heta matimba.)
    2. (A ku kala ku tshinya ni ku debyisa maendlela, swi endla leswaku xidyoho xi teka ndhawu ekerekeni.)
    3. (A ku tshikilelea nawu wa kereke ku tlula dyondzo ya ta rifo ni ku pfuka ka Kriste, hi hi ta masiku ya ku hetelela swi tsanisa kereke?
    4. Hi fanele ku yingisa leswi Moya lowo Kwetsima wu vulaka swona hikuva hi yena loyi a faneleke ku khutlutela vanhu, a hi lavi vanhu lava nga hetisekangiki ekerekeni, lava ambalaka mpahla yo kala yi nga va ringani emoyeni.
  14. Hi leti tidyondzo tin’wana leti Pawulo a lava leswaku hi wupfa eka tona (13:11):
    1. Tshama u tsakile minkarhi hinkwayo, Sathana swa n’wi tikele ku hambukisa Mukriste loyi a tshamaka na a tsakile, kasi loyi a tshamaka na a nga tsakanga a le ntlhan’wini wo phasiwa hi nala hikuva minkarhi hinkwayo lava leswi nga n’wi nyikaka ntsakau, kutani Sathana hikuva a swi tiva leswi kokaka mahlo kambe eku heteleleni swi bava ni ku nun’hwa, a va nyika swona.
    2. Vana la hetisekeke. yesu a hetisekile; veka mahlo ya wena eka yena ku nga ri eka nuna wa wena kumbe nsati wa wena la nga hetisekangiki.
    3. Vana la dyondzisekaka. (Fana ni mudyondzi exikolweni, ehandle ka swona u wu nga pfuni u fanile na Yesu, a vadyondzi lava n’wana va ta ku siya endzhaku ka xitepiso.)
    4. Tirha ni ku khongelela ntwanano ekerekeni. Leswi endliwa hi vapfumeri lava nga ni moya wa ku titsongahata wa Kriste.
    5. Vana wanuna kumbe wansati wa ku rhula, kutani Xikwembu xa ku rhula xi tava munghana wa wena wa le kusuhi.
    6. Xawetanani hi ku tsontswana ka rirhandzu leri tengeke (13:12).
      1. (Van’wana vanhu va ti vona onge a va rhandziwe naswona a va sirhelelekanga, hikuva a va so tshama va amukela rirhandzu emindyangwini ya vona. Eka vona I swilo swikulu loku va kuma nkhumbarheto wa munhu un’wana. hikokwalaho va vilela ku khumbiwa hi miri wa un’wana mupfumeri. Yesu a nga lo hanyisa ntsena munhu loyi a a ri ni hlokonho, kambe a rhange hi ku n’wi khumba.
      2. (A swi eneri xaweta munhu hi ku n’wi huwelela kumbe hi ku wi tlakusela voko.)
      3. A khisi ro tenga ehandle ka lero navela leri endliwaka hi nuna na nsati.
      4. A ku tswontswana loku a ku faneri ku va ni swita ndzhaku eka lava tswontswanaka.
      5. (Eka makwerhu wa xinuna kumbe wa xisati a ku vukarha hi swona ni swivonaka swi antswa ku tlula ku tswontswana.)
      6. Swi fanele ku endliwa exikarhi karirhandzu ra Kriste, kambe swi fanele ku huma eka Moya wa Xikwembu.
      7. (Leswaku hi sivela ku tluletana mavabyi, i swinene ku tswotswana emarhameni.)
  15. Hi ku pfala, Pawulo a va navelela minkateko ya vunharhu bya Xikwembu (13:13):
    1. Rirhandzu ra Xikwembu Tatana. Leri a rhandzeke misava swonghasi a ko a nyikela N’wana wa yena leswaku a ta ta yi xanisekela.
    2. Tintswalo ta Hosi Yesu. (Loyi a nga pfumela ku nyikela tintswalo ta yena hikwalaho ka vadyohi).
    3. Ni ku hlangana ka Moya lowo Kwetsima. (Lowo rhumeriweke hi le tilweni leswaku wu ta ta hanya endzeni ka loyi a pfumelaka eka Kriste.)
  16. A papila leyi yi kombisa ku nyikela ka Pawulo a ntirho wa yena lowu Xikwembu xi n’wi vitaneleke wona ngopfu-ngopfu rirhandzu ra yena ni ku hlayisa ka yena kereke leyi Hosi yi n’wi pfuneke ku yi sungula. A va lwela ku fana huku leyi lwelaka vana va yona eka magama kumbe tinyoka. a tiyimisela ku nyikela vutomi bya yena ni xiyimo leswaku a ponisa vana. A hi nga voneni nkateko ni matimba ya dyondzo leyi a hi hlayiseriwe ku pfuneka ka hina!

PLEASE GO TO CONTACT US TO SEND US YOUR REQUEST, QUERY OR COMMENT.

BACK TO INDEX