2 Vakorinto, 4 – 7

Print pagePDF pageEmail page

MATERIAL MAY BE DOWNLOADED FREE OF CHARGE FOR PERSONAL USE

BACK TO INDEX                                                                                          FORWARD TO NEXT CHAPTER

 H. NDZHAKA ETIMBITENI LETI ENDLIWEKE HI VUMBA

 4:1-15

  1. Tani hikuva a ntirho lowu wu amukeriwe hikwalaho ka tintswalo ta Xikwembu, ha tsandzeka ku tsukula hikuva tintswalo ta xona ti yi nyika matimba yo ya emahlweni.
  2. A ntirho lowu wu londza ku tibasisa ni ku hanya erivaleni; hikwalho hina:
    1. Hi fularhela swihundl ni hinkwaswo swa tingana .
    2. Hi basisa swikongomelo swa hina eka ku dyondzisa ka hina rito.
    3. Hi papalata ku khotsa ntiyiso wa rito ra Xikwembu.
    4. Hi hlavutela ntiyiso hi ku wu humesa ekuvonakaleni swilo leswi a swi ri emunyameni, hi swi kombisa hi ndlela leyi swi nga ta languteka swi ri leswinene.
    5. Hi famba eku vonakaleni laha Xikwembu xi nga kotaka ku hi vona kona.
    6. Hi kombela un’wana ni un’wana ku hi amukela, loko a rhange a kholwa emiehleketweni ya yena leswaku hi va ntiyiso.
  3. Loko hi endlile hinkwaswo leswi hi vukheta byo hlavutela evhangeli leyi baseke eka vanhu:
    1. A xisirhelelo lexi a xi endla munyama xa susiwa.
    2. Loko kuva ka ha ri na swin’wana, hileswaku ka ha ri ni ku pfumaleka ka ripfumelo.
    3. A mhaka yiva se yi sale ka yena n’winyi.
    4. A xikwembu xa misava leyi (sathana) xi va pfale mahlo ya ximoya leswaku va nga koti ku vona ku kwetsima loko tisaka vudumo bya Xikwembu eka vanhu, byi nga va voningeli evuton’wini bya vona.
  4. A xikongomelo xa ku tirha ka Pawulo eka va le Korinto a xi tengile:
    1. A a nga le ku ringeteni ku va kholwisa ni ku va endla vadyondzisiwa va yena.
    2. A a le ku va kombeni Kriste, leswi yena swi nga n’wi vuyiseriki vudumo.
    3. A a nga ri ni makungu yo va fuma; ematshan’wini ya swona a a lava kuva mutirheli wa vona.
  5. Loyi a va rhumeleke Pawulo a ku ri Xikwembu hi xoxe:
    1. Xikwembu xa ku vonakala, lexi loko xi sungula ku tumbuluxa misava leyi xi rhangeke xi tumbuluxa ku vonakala, loko vaningeke munyama.
    2. A endle leswaku ku vonakala ka vutivi bya ku kwetsima ka Xikwemvu loko vonakeke eka Yesu Kriste loko a vaningela timbilu ta vayingiseri va yena loko va ha ri emunyameni, swi ve tano ni siku ra ku tumbuluxa ka xona.
    3. Kutani xi le ku endleni ka leswaku ku vonakala lokuya ka xona ku va vaningela.
  6. A ntirho lowu i ndzhaka ya risima ya Xikwembu:
    1. Xi wu pfumelela leswaku wu hlayisiwa ni ku rwaliwa hi hina vanhu vo tsana ku fana ni swibya leswi endliweke hi vumba, leswi ko tala swi tirisiwa ntsena ku ka mati, swibya swo chipa naswona leswi fayekaka.
    2. Xi swi endla hi ndlela leyi, leswaku vanhu va nga ti languta ku saseka ka le handle, kambe va lava ntoto lowu nge ndzeni ka xibya lexa vumba.
  7. Tsongohatiwa ka xibya (Nandza wa Xikwembu):
    1. Va tikuma va tshikileriwile ( eka munhu wa le handle) kambe a va heli ntamu).
    2. Ku hela ntamu, ku khomisiwa tingana, ku kamanyetiwa kambe va nga tsandzeki ku kuma ndlela yo huma hi yona.
    3. Va xanisiwa hi vanhu kambe va nga tshikiwi hi Xikwembu.
    4. Va cukumetiwa etaleni kambe va nga herisiwi hikuva loyi a va tlakusaka i Xikwembu.
  8. Xikongomelo xa Xikwembu xo pfumelela ku tsongohatiwa:
    1. Ku na dyondzo ya moya leyi nge rifo ri tswala vutomi.
    2. Yesu a a fanele a rhanga a fa leswaku a ta pfuka ni vudumo.
    3. A rifo ra Kriste ri tirha eka Mukriste hi ku endla leswaku a ntumbuluko wa yena wa vudyoho, wu fa, leswaku a ntumbuluko lowuntshwa wu tswariwa, kutani wu hanya eku kwetsimeni.
    4. A ku tsongohatiwa ku pfuna ku dlaya ntumbuluko wa hina wa khale, ntumbuluko wa vudyoho.
    5. Leswi endlaka leswaku Vakriste, ( ngopfu ngopfu va Fundhisi) va kota ku amukela ku tsongohatiwa loku, kutani va nga lahleki kumbe ku hela mbilu, hileswaku va tiva leswaku swi yisa vudumo eka Xikwembu naswona hi swona swi va tiyisaka.
    6. A ku kula ka maxangu lawa nadza wa Xikwembu a hlanganaka na wona hikwalaho ka rifo ra Kriste, swi komba ku kula ka ku khuluka ka milambu ya vutomi bya ximoya eka yena, lebyi khulukelaka byi ko byi ya khumba ni lava a va dyondzisaka (V11, 12).
    7. Tani hi laha rifo a ri tirha hi kona evuton’wini bya Pawulo, ni vutomi byi tirha eka va le Korinto.
    8. Ha rifo ni vutomi bya Kriste hi byi vilela ku fana.
  9. A ntirho lowu wu sunguriwa hi ripfumelo:
    1. A tirha endzeni ka hina hi ku hi khorwisa hi ntiyiso lowu hi nga eku wu vuleni.
    2. Hi xona lexi endleke leswaku vanhu lava landzeke Xikwembu eka ntwanano wa khale va va ni ripfumelo, leri va vuleke hi rona rito ra xona (Ps. 116:10).
    3. A moya lowu wa ripfumelo, hi wona wu hlavuteleke ta minkarhi ya makumo, ta ku pfuka ka miri wa vahlawuriwa hinkwavo hi vudumo, lowu eka nkarhi wa sweswi wu va nyikaka rifumelo ra ku tiyisela.
  10. Loko vanhu va khumbiwa hi ntirho lowu, va taleriwa hi tintswalo ta Xikwembu kutani xona xi amukela vudumo.
  11. Hikwalaho a hi lahlekeriwi hi ku langutela hikuva:
    1. Hambiloko munhu wa hina wa le handle a hlakala, kambe a wa le ndzeni wa kula siku rin’wana ni rin’wana.
    2. A mpimo wa ntshikilelo lowu hi hlanganaka na wona, i wu tsongo ngopfu swinene eka mpimo wa ku kwetsima lowu hi nga ta wu amukela.
    3. A swilo leswi voniwaka, ni leswi faka i swa nkarhinyana, kambe leswi nga voniwiki swa le ndzeni, swa karhi wa kula naswona i swa hi laha ku nga heriki.

 I. A NTSONGA WA MINA, YINDLO YA MINA NI HAKELO YA MINA

 5:1-10

  1. A ku hanya laha misaveni swi fana ni ku hanya entshatsheni, lowu beleriwaka emisaveni hi swimhingwana, lowu akiwaka hi nkarhinyana naswona lowu nga hlweriki ku hahluka.
  2. Loko wu hahluka hi kona hi yaka eka yindlo ya ntiyiso, yindla ya hi laha ku nga heriki etilweni, leyi akiweke hi Xikwembu hi xoxe.
  3. A vusiwana eka ntsonga lowu hi hanyaka eka wona, ko tala byi hi endla hi navela ku rhurha hi ya eka yindlo ya hina ya le tilweni.
  4. A hi endleni hi matimba leswaku hi nga ta ti kuma emahlweni ya Hosi na hi nga ambalanga nchumu, hi ri ni tingana hikwalaho ka vutomi bya hina bya vudyoho, kambe ntsena lava nga pfumela ku ambexiwa vuhava bya vona hi ku amukela Kriste, va ni ku tshemba loku tiyeke ka vutomi lebyi nga heriki eka yindlo leyintshwa.
  5. Kambe a swi olovi leswaku munhu a lava rifo ra miri, a hambana ni ntakunyana lowu a wu kumaka laha misaveni, kambe a vona swi lulamile ku minteriwa ndzhaka ya yena ya hi laha ku nga heriki hi swilo leswi helaka.
  6. Tani hi laha hi tatiwaka hi kona hi Moya lowi Kwetsima, lowu Xikwembu xi hi nyikeke tani hi masungulo ya ku nantswa ntsaku ni ku kwetsima loku hi nga tava na kona hilaha ku nga heriki, a ripfumelo ra hina ra tiyisiwa, a hi ri vona kaya ra hina hambi loko ha ah ri kule na rona, naswona hi navela kuya hanya eka rona swin’we ni Hosi ya hina.
  7. Loko a kuva ku rhandza ka hina, na tshemba leswaku a hi ta famba sweswi, kambe leswi Xikwembu xa ha hi vekeke leswaku hi hanya haleno hansi, hi endla hi matimba ku hanya vutomi byo xi tsakisa.
  8. A ku tsakisa Xikwembu I swa risima hikuva loko hi ta muka ekaya ra hina, hi taya exitshan’wini xo avanyisa xa Kriste, leswaku hi amukela eka yena kuya hi mpimo wa leswi hi swi endleke loko ha ah ri emirini, leswo saseka kumbe leswo biha.

J. NTIRHO WA KU VUYELERISA

 5:11-18

  1. Tani hi laha hi nga vukwembu bya xona, hi ringeta ku xi hlavutela eka vanhu hi ndlela leyi khorwisaka.
  2. Pawulo a a tshemba leswaku a ntirho wa vona ni vutomi bya vona, a byi ri  lebyo lulama ni ku basa eka va le Korinto ni le ka Xikwembu.
  3. Swin’wana leswi a a swi tshemba, hi leswaku a va le Korinto va ta kota ku tidzunisa hi vona eka lava a va tidzunisa ntsena hi swa le nyameni, va nga ri na mhaka ni ntirho lowu Xikwembu xi wu endlaka etimbilwini ta vanhu.
  4. Loko hi dyondzisa ntiyiso lowu nga henhla ka ku twisisa ka vayingiseri, Xikwembu xa swi twisisa naswona xa dzunisiwa.
  5. A ntalo wa tidyondzo leti hi tinyikelaka eka vanhu, va ti twisisa naswona va ringeta ku hanya kuya hi leswi ti vulaka swona hikuva ta va pfuna.
  6. A rirhandzu leri khulukaka hi le ka Kriste, ra hi khutaza leswaku hi ya emahlweni hi vula rito.
  7. Hi rona rirhandzu leri endleke leswaku Kriste a fela vanhu hinkwavo.
  8. A rifo ra Kriste a a ri mhamba, eswi vulaka leswaku loko a fele, a swi fana ni loko un’wana ni un’wana la n’wi feleke, a file na yena.
  9. Leswi vula leswaku lava a va feleke, na vona va file eka siku leri a feke hi rona, kutani a va ha hanyi, a ntumbuluko wa vona wa vudyoho wu file wu tlhela wu lahliwa, leswaku vona va hanyela la va pfukeleke ni ntumbuluko wuntshwa leswaku va kota ku hanya vutomi byo nun’hwela eka lava nge kusuhi na vona.
  10. Hikokwalaho a ha ha voni vanhu lava Yesu a va feleke hi mahlo lava a hi va vona hi wona loko va nga se tswariwa ra vumbirhi; hi va vona ku kota swivumbiwa leswintshwa, tahi hikuva a xinakulobye xa hina na Kriste a xi fani ni nkarhi lowu a ha ri emirini, kambe i xinakulobye xa le moyeni.
  11. Loko munhu a nghena evukristeni hi ripfumelo, I xivumbiwa lexintshwa xa Xikkwembu, a ntumbuluko wa kale wa nyama wu hundzile; hinkwaswo swi hundzuka leswintshwa.
  12. Loko hi kona ku endla ka Xikwembu.
  13. Hi ku endla loku, Xikwembu xi suse vulala lebyi a byi ri kona exikarhi ka xona ni munhu ku sukela loko Adamu a dyohile, kutani xi n’wi vuyisela eka xona, leswi vulaka leswaku a munhu loyi a endliweke hi vuntshwa, sweswi a ni vunghana lebyi enteke ni xinakulobye ni Xikwembu.
  14. A ndlela ya kahle leyi Xikwembu xi endleke hi yona leswi, yive ya ku amukela gandzelo ra N’wana wa xona exihambanwini tani hi xikhatiso xo hetelela, laha vudyoho bya munhu byi hakeriweke kona hi ku basisiwa onge hi loko byi nga tshamanga byi va kona.

K. VA YIMERI VA KRISTE (EMBAIXADORES DE CRISTO)

 6:1-10

  1. A ntirho lowu wa ku vuyisela munhu eka Xikwembu, wu nyikiwile Pawulo ni va tirisani va yena.
  2. Kutani va tirha ku kota vayimeri va Xikwembu (Embaixadores), onge Xikwembu xo vulavula hi bya xona hi ku tirhisa vona, xi kombela va le Korinto leswaku va vuyelelana na xona.
  3. (A ku vuyelelana a hi ntirho lowu endliwaka kan’we ntsena, loko nandzu wa munhu wu susiwile kutani a ambexiwa ku lulama ka Kriste, naswona i ntirho lowu yaka emahlweni hikuva a ntumbuluko wa khale a fi wu hela hi siku rin’we, wu dlayiwa rin’wana siku na rin’wana, kutani a ntumbuluko wa Krsite wu byariwa embilwini. Leswi hi swi amukeleke siku hi tswariweke ra vumbirhi, swi fanele ku tikombisa hi mihandzu leyi hi tswalaka.)
  4. A hungu leri Pawulo a ri amukele eka Hosi kutani a ri hundzisela eka vona, hi leswaku Xikwembu xi teke swidyoho swa vanhu xi swi rwexa Kriste, leswaku a hundzuka mudyohi hikwalaho ka swidyoho leswi munhu a swi endleke; hi ndlela yo fana Xikwembu xi yimele ntiyiso, xi lave leswaku vanhu va hanya hi ndlela leyi nga yona, va va lava tengeke hi ku tenga ka N’wana wa xona, kutani xi va funengete swona leswaku va languteka ku fana ni N’wana wa xona, va hlawulekile ni ku kwetsima ku fana ni N’wana wa xona loyi xi n’wi tsakelaka.
  5. Kambe Pawulo ni vanakulobye va yena, a ngo va vayimeri va Kriste ntsena, kambe naswona vatirhi kulobye ni va le Korinto eka ku tibasisa, hikokwalaho a va kombeleke leswaku va nga tlangi hi tintswalo ta Xikwembu leti va nyikiweke tona.
  6. Xikwembu xi hlawula nkarhi lowu xi nga ta pfuna ha wona vanhu va xona.
  7. Kutani a nkarhi wa vunene bya Xikwembu a wu fikile eka vona; kutani ke, a va nga faneli ku tlanga hi wona.
  8. Tani hi mutirhisani kulobye  eka ku tibasisa, Pawulo ni vanakulobye va yena, va endle hi tindlela hinkwato ku hanya  hi ndlela leyi nga ta kala yi nga va siveli ku kuma tintswalo ta Xikwembu.
  9. Leswi h swi vonaka eka vona, hi leswaku va tivula swikombiso swa Kriste hi ndlela leyi:
    1. Va kombisa ku tiyisela exikarhi ka mintshikilelo yo tala leyi va hlanganeke na yona:
      1. Loko va xanisiwa ni ku vekiwa ehansi ka ntsikilelo, va tsanwa vutomi bya ntolovelo.
      2. Loko va ri ni nchavo ( ku chava ku hluhlurhuteriwa ni ku dlayiwa).
      3. Loko va biwa (ku fana ni le khotsweni).
      4. Loko va khomiwa va pfaleriwa ekhotsweni na va nga ri na nadzu.
      5. Loko va boxiwa timbanga hi vanhu va tihanyi.
      6. Hikwalaho ka ntirho lowo nga riki na ku hela wa Kriste ni vanhu.
      7. Loko vurhongo va nga byi kumi evusikwini hikwalaho ka kuva va nga ri na laha va nga etlelaka hi kona hikuva miri wa vona hinkwawu a wu tele hi timbanga leti va boxiweke tona hi tinhonga ni ku khandliwa hi maribye, ni loko va khongelela nhlengeletano leyi Xikwembu xi va tshembheke eka yona.
      8. Loko va tiyisela eka ndlala.
    2. Va kombisile xiyimo xa Kriste evutonwini by a vona ni le mahanyelweni:
      1. Ku tibasisa (eka ta masangu: a va endlanga vungwavava ni vavasati lava a va va dyondzisa, a va dzahanga timbangi hmbi hi ku nghena minkhuvo ni vanhu lava nga pfumeriki).
      2. Va tihlawulela ku tiva ta evhangeli yi nga yona ntiyiso yo hetelela.
      3. Va ve ni vunghana eka vanhu hinkwavo.
      4. Va nga heli mbilu hi lava langutekaka onge va hlwela ku amukela evhangeli.
      5. Va tale hi Moya lowo Kwetsima.
      6. Va kombise rirhandzu ra Xikwembu ku tlula swilo hinkwaswo.
      7. Va amukela risima leri va nyikiwaka rona hi ndlela leyi nga tekiki vudumo lebyi lumbaka Xikwembu.
      8. Va amukela ku rhukaniwa ni ku chipisiwa va nga tlheriseli.
      9. Va khutaza vanhu leswaku va hambana ni swilo swa misava kutani va endla vunghana na Kriste, va swi endla hi ndlela leyi hetisekeke.
      10. Hi ku fa eka swa le mirini kambe va va lava hanyaka eka swa Moya!
      11. Va tshinyiwa hi Xikwembu kambe va ti kuma va ha hanya.
      12. Va rilela lava lahlekeke ni lava nga siki hundzuka, hi ndlela ya ntsaku.
      13. Va ve swisiwana eka swa laha misaveni kambe eka swa le tilweni va va swipfundzi.
      14. Va va vanhu lava nga riki na nchumu eka swa misava, kambe va ti kuma na va fuwisiwile eka Kriste.
  10. Loko Pawulo a vule leswi, a ye emahlweni a vula leswaku a ve loyi a shembekeke eku vulavuleni ka yena, a vulavule hi mbilu leyi pfulekeke leya ha riki ni ndhawu yo va amukela hinkwavo.
  11. Hambiswiritanu, eka tlhelo ra timbilu ta vona laha a ku ri ni rirhandzu leri a va n’wi rhandza hi rona, yena ni vanakulobye va yena, a ri larile swinene, a ri fanela ku anamisiwa, hikuva a malandza ya Kriste ni swirho swa yena va fanela ku va ni vuxaka, xilakulobye lexi tatiweke hi rirhandzu eka un’wana ni un’wana.
  12. A va fanele ku ti pfula ku fana ni n’wana eka mutswari.

L. TITEMPELE TA XIKWEMBU

 6:11-7:1

  1.  Hambileswi Pawulo a seketelaka ku kala ku tihambanisa ni lava nga pfumeriki leswaku hi ta kota ku va vuyisela kea Kriste, a nyika tindlela leti ha tona hi nga faneriki ku va kusuhi swinene na vona hikuva va le ka misava mimbirhi yo hambana, tani hi laha hi nga ta swi vona hi kona eka swikombiso leswi landzelaka:
    1. A ku na ku hlangana eka ku lulama ni ku homboloka.
    2. A munyama ni ku vonakala a swi tshamelani.
    3. A ku na nchumu lexi nga eka Kriste unga xi vonaka eka Sathana.
    4. I misava ya ndjani ya ximoya leyi mupfumeri a phemelanaka yona ni loyi a nga pfumeriki?
    5. Xana lava gandzelaka Xikwembu etempeleni ya xona va nga phemelana yini ni lava gandzelaka etempeleni ya mademona xana?
  2. A Mukriste i tempele ya Xikwembu leyi Moya wa xona wu tshamaka eka yona ni ku famba-famba hi yona.
  3. Eka vona xona i Xikwembu,To them, He is God (lexi va biyelelaka ni ku va phamela) navona i vanhu va xona va khale (Lev 26:12).
  4. Hikwalaho ka swona, akuva va va lava nga ni xinakulobye lexi enteke ni Xikwembu, va fanele ku ti hambanisa emoyeni, emanyawini hambi hi le mirini exikarhi ka vona, va nga endli leswi vona va swi endlaka.
  5. Hi ku endla leswi, a Hosi a yi ngo to avelana na vona tempele ya vona ntsena, kambe va ta avelana na yona a yindlo ya le ndzeni, kutani xi tava Tatana eka vona, vona va va vana.
  6. Hi kuma switshembiso leswi swo kwetsima swa Hosi, a mupfumeri un’wana ni un’wana a a endli hi matimba ku tibasisa eka swilo hinkwaswo leswi nyamisaka, miri, miehleketo ni moya kutani a famba endleleni leyi kombisaka ku chava Xikwembu.

M. NTSAKU WA PAWULO HIKWALAHO KA KU AMUKERIWA KA PAPILA RA YENA RO SUNGULA

7:2-16

  1. Pawulo a ya emahlweni a ni mhaka leyi a yi siyeke eka 2:13, laha a vulavuleke hi kuya ka yena eMakedoniya a ya lava Tito.
  2. A xa ku sungula a hi rungulela ta maxangu lawa a hlanganeke na wona.
  3. A va xanisekanga ntsena emirini kambe va xaniseke ni le moyeni.
  4. A maxangu ya le moyeni ma humelela loko hi pfumelela swiphiqo swi teka ndhawu, kutani hi sungula ku vilela, ku chava etc. Kambe swilo leswi hinkwaswo swi endliwa hi nyimpi leyi Sathana a yi kondlaka eku lwisa kereke ya Yesu tani hi laha hi swi vonaka hi kona eka Efesa 6:11″… Hikuva a hi lwi ni nyama ni ngati kambe hi lwa ni mimoya leyo biha leyi nge henhla emimpfhukeni, hi lwa ni tidhuna, ni vafumi, ni tihosi leti fumaka ta nguva leyi ya munyama.”
  5. Exikarhi ka maxangu lawa, ni ku kuma munghana wa yena Tito ni ku amukela mahungu ya ku hundzuka ka va le Korinto, swi tise ntsaku wukulu eka Pawulo.
  6. A xa ku sungula swi suse vukarhi lebyi a a ri na byona lebyi a a tiyimisele kuya va vavisa hi rona, hi kuya vulavula na vona hi tihanyi, hikuva a vonile leswaku a maxangu ya vona lawa ma nga va ya nkarhinyana, ma hundzuke ma va leswinene eka vona hikuva ma va yise eku hundzukeni.
  7. A maxangu lama vangiwaka hi swikarhato swa laha misaveni ma nga vangela munhu rifo ehandle ka loko a kuma ku chaveleriwa eka maxangu walawo.
  8. Hambiswiritano, a maxangu lama pfumeleriwaka hi Xikwembu, ma yisa eku hundzukeni, kutani a mihloti yi hundzuka ntsaku.
  9. A maxangu lama tisiweke hi papila ya Pawulo, a ma longeleriwile hi ku rhandza ka Xikwembu kutani ma tirhile eka vahlayi:
    1. Ku titwa nandzu eka vayingiseri.
    2. Ku teva vutihlamuleri bya leswi endlekeke.
    3. Ku tiyimisela ku lulamisa timhaka ta loyi a nga ni nandzu.
    4. Xivindzi xa ku basisa kereke eka nandzu ni tingana leti tisiwaka hi ku hanyela vudyoho.
  10. Hi ku endla leswi, a va kombisa erivaleni leswaku va byi venga vutomi bya vudyoho naswona a va na yona miehleketo ya ku tshika vudyoho byi nyanya endlwini ya Hosi.
  11. Tito na yena a a tale hi ntsaku loko a amukele hi ku tsaka nakulobye wa yena loyi a tekeke goza leri.
  12. Kutani Pawulo a a:
    1. Chaveleriwa.
    2. Khapa-khapa hi ntsaku.
    3. Tinyungubyisa eka van’wana hikwalaho ka kereke leyi a yi simekeke.
    4. Kutani a tikuma a tshunxekile ku yi tirhela.
  13. (Eka leswi hi vona maxangu ya le moyeni lawa varsi va ntiyiso ek Xikwembu, loko tinyimpfu ta vona ti wa evudyowheni va tiyimisela ku va pfuxa; kambe naswona hi vona ntalo wa ntsaku wa vona loko loyi a nga ni nandzu a tisola, kutani kereke yi tlhela yi basisiwa hi ngati ya xinyimpfana.)

PLEASE GO TO CONTACT US TO SEND US YOUR REQUEST, QUERY OR COMMENT.

BACK TO INDEX                                                                                          FORWARD TO NEXT CHAPTER