1 Vakorinto, 4-8

Print pagePDF pageEmail page

THIS DOCUMENT MAY BE DOWNLOADED FREE OF CHARGE FOR PERSONAL USE

F. VATIRHELI VA KRISTE NI VA VANHU  

4:1-5

  1. 1.Xo sungula eka hinkwaswo,hina hi tirhela Xikwembu hi ku xi gandzela,ku xi dzunisa,ku xi rhandza ni ku xi yingisa.
  2. 2.A xa vumbirhi hi tirhela vanhu hi ku va paluxela swihundla swa le moyeni leswi fihliweke eka vona.
  3. 3.A nandza wa Xikwembu a fanele a va loyi a tshembekeke eka n’winyi wa yena.
  4. 4.Hi nga ti avanyisi ni ku avanyisa van’wana hi vutlharhi bya vumnhu,kambe a hi ti seketeleni hi Xikwembu lexi tivaka swihundla leswi nga etimbilwini ta vanhu.

G. KU HAMBANA KA XIYIMO XA VA-KORINTO NI XIYIMO XA VUAPOSTOLO

 4:6-21

  1. A ndlela ya mukriste ku ya hi Xikwembu eka vutomi lebyi,hi leyo khuma.
  2. Eka vutomi lebyi bya ha taka,Xikwembu xi ta tlakusa un’wana ni un’wana ku ya hi mpimo wa lswi a ti tsongahtiseke xiswona eka vutomi bya le nyameni.
  3. A va le Korinto a va ti khulele ndlela leyo anama yo kuma hinkwaswo leswi swa swi lavaka:riffuwo,ku ku fuma eMfun’wini wa Xikwembu ematshan’wini yak u tirhela,ku ti kurisa hi swilo leswi va swi amukele eka Xikwembu o nge hi loko va yo ti endlela.
  4. Hi ku titsongahata eka Xikwembu,Pawulo na Apolosi a va yisiwa hi Xikwmbu endleleni leyo khuma,ndlela yo nonoka,leyi loko ufamba eka yona,u endliwa xiphunta emahleni ka vanhu,loko u twa ndlala,tirha,ku pfumala swo ambala,ku tshikeleriwa hi lava nga na swona,ku tchipisiwa,ku biwa,ku tirha hi mavoko,ku tekeriwa leswi nga swa wena,ku avanyiseriwa rifu,ku lumbetiwa,ina a va endliwa leswi hinkwaswo kambe a va tlheriselanga hi vubuhi,kambe va katekisile ni ku va endlela leswinene.
  5. Pawulo a nga va tsaleri swilo leswi ku va khomisa tingana,kambe tani hi tatana loyi a va rhandzaka.
  6. A a ri ku vanyikeni ka nkarhi wa leswaku va tisola ni ku lulamisa leswi nga riki ndleleni na a nge se fika ku ya va pfuxela.
  7. Emfun’wini wa Xikwembu,a hi loyi a ti tlakusaka la nyikiwaka risima,kambe hi loi a nga vuriki nchumu hi vu yena,kambe a kombisa matimba ya Moya lowo Kwtsima eka ntirho wa yena.Ntirho wa yena wa n’wi vulavulela.

H. XIDYOHO XA TIMHAKA TA MASSANGU NA KU TIKURISA

 5:1-13

Mhaka leyi hi yi twaka,hileswaku ku ni vuoswi exikarhi ka n’wina,lebyi ni le xikarhi ka Vamatiko ri nga ri ki kona,lebyi fikaka laha un’wana a hanyaka ni nsati wa tata wa yena.
Ndlela leyi Pawulo a ta lungisa mhaka leyi hi kona a ta hlongola munhu wo tano ekerekeni a n’wi nyiketa eka sathana leswaku miri wa yena u herisiwa,ni leswaku moya wa yene u ponisiwa hi siku ra Hosi.

Leswo a swi ta vula leswi:

  1. Sathana a a ta n’wihlasela hi mavabyi emirini wa yena,leswi a swi ta n’wi endla a hundzuka.
  2. Sathana a a ta n’wi hlasela ngopfu swinene emoyeni wa yena,leswi a swi ta endla leswaku munhu loyi a hambana na vudyoho,a hundzuka ,a kuma ku basisiwa na ku rhula eka Kriste.

Nhlengeletano yi fanele  yi hambana na vutomi bya khale bya vuoswi,mankolo,vunguavava,mahlevo,na vudakwa hi ku susa lava va swiendlaka, hambi loka vari vamakwerhu e hosini. Hikuva comela xitsongo xi nga onha nhlengeletano hinkwayo.

  1. Ku fanele ku lwisiwa xidyoho leswaku ku sirheleliwa kereke ku ngari mudyohi
  2. Kambe mudyohi u fanele ku tshinyiwa hirirhandzu ku ngari ku tirihisela, xikongomelo i ku tlhela a kiwa eximoyeni, ku ngari ku khembisa
  3. Xihlonipho ni ndzhuti wa kereke swifanele ku hlayiseka, loko vudyoho byi pfumeleriwa ekerekeni, nhlengeletano hinkwayo yi nga lahlekeriwa hi xivono xa ku vitaniwa ka yona hi Hosi., kutani ndzhuti wa kereke na Hosi wu nga lahleka.Swolava vurhangeri lebyi tlhariheke.

Kususa makwerhu wa xinuna kumbe wa xisati kufikela hambi kudya nayena swinga kotekiki aswivuri kuva a nga endzeriwi, kambe swivula kuva hi nga endli leswi yena a swi endlaka.

Vanani emisaveni ku kokela vadyohi e ka Kreste, kambe minga hundzuki va misava hi ku pfumela ku nyamisiwa hi yona.

Kutidzunisa hiku ponisiwa na ku nga tshinyiwi vudyoho, i ku ti engetela xidyoho xo ti kurisa. Hifanele ku ti dzunisa hi ku tenga na ntiyiso.

Kulungela, tsaka, cina, loko Moya lowo kwetsima wu ku pfuna ku dzevula munhu lowa khale, u hanya hi ntiyiso, ku tenga.na ku ti tsongahata.

I. MAHANYELO YA XI KRESTE

 6:1-11

  1. Tani hi muavanyisi wa tinstsumi wa mundzuku, ufanele ku:
  2. Hikokwalaho, vutomi bya vuKreste  I ku hlawuleka ka xiyimo xale henhla-henhla ka xiha-ha mpfuka (e henlha-henlha) hi ma tlhelo hinkwawo, (I ku entelela) hi ma tlelo hinkwawo ya vutomi bya hina.
  3. Endzhaku ka vutomi lebyi, swi ta tikomba hilaha va Kreste va nga tirha no ti karhata hakona loko se vona vata vekiwa ku va va avanyisi va tintsumi le ti weke..
  4. Munhu loyi a hundzukaka MuKreste, ufanele ku landzula vutomi bya khale bya vuoswi, vukhamba, makolo, vudakwa na swin’wana, hikuva lava endlaka swotano va ngaka va nga va nga dyi ndzhaka ya Xikwembu.
    1. U nga yiveri u’wana makwerhu.
    2. Swa ampswa wena u yiveriwa ku tlula ku avanyisiwa hi ku yivela u’wana makwerhu.
    3. Loko uri ni mhaka yo karhi na makwerhu e Hosini, swa antswa mi lava ku lamuriwa hi munhu loyi a nga mukreste ku tlula ku ya lamuriwa hi muhedheni hindlela ya le hansi.

J. MIRI, XIRHO (XIPHEMU) TEMPELE YA KRESTE

6:12-20

  1. U tshunxekile ku tirhisa miri wa wena hilaha u rhandzaka hakona, kambe ufanele ku wu tirhisa hindlela leyi vuyerisaka wena na Krestet.
  2. U tshunxekile ku dya lexi u xi rhandzaka hikuva kwhiri ri endleriwe swakudya, kambe u fanele kudya leswi vuyerisaka miri, kambe papalata leswi dlayaka miri na leswi wu endlaka hlonga, na swona dyana hi ku pima.
  3. U nga hanyeri swakudya , na swona u nga fumiwi hi kwhiri na swakudya hikuva rata siku ra ku herisiwa ka swona.
  4. Exikarhi ka  swi’nwana leswotala, miri wu endleriwe masangu na wona masangu maendleriwe miri, kambe kuna swipimelo na mindzelekano, u nga wu endli hlonga ramasangu hambi ku wu dlaya.
  5. Hisiku ra ku pfuka ka vafi, miri lowu wa nyama wu ta siviwa hi wa moya., hikokwalaho wu tirhisi hi vu ti hlamuleri e ka siku leri.
  6. Loko u endla masangu na tingwhavava, u dyohela miri wa wena hikuva u wu endla nyama yin’we na ngwhavava, wu hundzuka xiphemu xa ngwhavava!
  7. U endla Hosi Yesu Ngwhavani hikuva wena u xirho xa Yena.
  8. Yesu I hanya e ka wena tani hi Tempele ya yena na no va xirho xa Yena, hikokwalaho wa n’wi oswisa loko u oswa, u n’wi vangela mahlomulo ni maxangu ni ku vaviseka loku kulu ngopfu.
  9. Balekela xi dyoho xa vuoswi.
  10. Yesu I Hosi ya miri wa wena, a wu tifumi, hikuva I xavile hi nxavo wo durha -ku nga vutomi bya Yena!
  11. Hikokwalaho, N’wi dzunisi e moyeni na le mirini wa wena hikuva u tala no khapa hi Moya lowo kwetsima.
  12. (Paulo u alelana na tidyondzo ta mavun’wa leti nge munhu u tshunxekile ku endla xin’wana na xi’nwana hi miri wa yena, ahiswona hikuva miri kova ntsonga wa nkarhi nyana. Munhu u ta ti hlamulela e ka hinkwaswo  leswi a swi endlaka hi miri wayena..)
  13. Xidyoho xa vuoswi xi wise ti nhenha to tala eka Evhangeli, BALEKA loko u xivona, a wo va toya, kambe hibyona vutlhari bya Xikwembu.

K. VUKATI BYA VUKRISTE

 7:1-40

  1. Hlawula vutomi lebyi faneleke kutani u tinyiketela ku tirhela Kreste
  2. Vutihlamuleri lebyi kotaka bya hlonga eka n’wini wa byona na bya nuna kumbe nsati eka vona vinyi, byi ta koxa nkarhi wa wa n’wina wo tala na matimba, ku engeteleka ka vutihlamuleri ngopfu ngopfu hi minkarhi yo tika, hikwalaho mi nga tshuki mi tienghenelerisa eka swona.
  3. Leswi swi vula leswaku Vakreste lava nga tekiwangiki ku katsa tinoni va fanele ku tshama hamdle ko tekiwa.
  4. Eku lavaneni na ntshunxeko handle ka vutihlamuleri bya misava leswaku hita tirhela Kreste, entiyisweni:
    1. Hi nga tisindziseli eka vutomi byo tihambanyisa na swa masangu loko hi swi tiva leswaku hi hava vuswikoti byo hanya tano, kambe hi kumeka hi tshwa hi ku navela siku hinkwaro.
    2. Siku hi vaka Vakreste, hi hundzuka mahlonga eka vutirheli, hikwalaho a hi yiseni emahlweni vutirheli bya n’wini wa hina eka vuswikoti byolebyo, kambe loko nkarhi wo tshunxeka wu va kona, a hi veni kona.
    3. Loko u tekiwile hi munhu loyi anga riki mupfumeri, naswona u ri na kurhula eku hanyeni na yena, hanya na yena ku ya emahlweni hi mbilu ya wena hinkwayo.
    4. U nga vileri ha vana va wena hikwalaho ko va u tekanile na loyi a nga riki mupfumeri, hikuva va va va phutseriwile hi nkucetelo wa vukreste bya wena ku fikela nkarhi lowu va nga kotaka ku teka swiboho swa vona ha Kreste.
    5. Hambi swi ri tano, loko loyi a nga ri ki mupfumeri a lava ku hambana na wena, n’wi pfumeleli hikuva u hava ntiyisiso wa ku pfumela ka yena.
    6. U nga siveli wanhwana loyi u nwi hlayisaka leswaku a tekiwa loko a lava ku endla tano.
    7. Loko u yimbile, u nga ka u nga swi cinci, hikwalaho tshamisa sweswo, loko u nga yimbangi na kona, vonisisa leswaku u hanya vutomi byo yingisela Xikwembu lexi ku yimba swi nga ha xona.

L. TINYAMA LETI TLHAVERIWAKA SWIFANISO

 8:1-13

  1. Xikwembu I xin’we lexi vumbeke swilo hinkwaswo.
  2. . Lava gandzelaka swifaniso hi ku swi tlhavela, va gandzela swilo leswi nga hanyiki.
  3. . Ku tlhava ka vona a ku vuli nchumu naswona ku ta tsan’wiwa hi vanhu lava tivaka ntiyiso lowu.
  4. Mukriste, hikwalaho  a nga dya nyama yihi kumbe yihi leyi nga tshikaka yi nyikiwa xikwembu ximbe kumbe xikwembu xin’wana, leswi fanaka na loko i ngi swi nga nyikiwanga. (Loko baketi leri nga hava nchumu ri nga chululeriwa ehenhla ka mina, a ni nga karhateki hikuva ku hava leswi chuluriweke ehenhla ka mina.
  5.  Mukriste loyi a ha ku ponisiwaka ku suka ka vukhongeri bya swifaniso, a nga va  a ha lemuka swifaniso leswi a swi khongela naswona a nga ha titwa nandzu eka Xikwembu hi ku dya nyama yoleyo.
  6. .Swiendlo swa minchumu leyi munhu a tshembaka leswaku yi hoxekile emahlweni ka Xikwembu, munhu yaloye u dyohela Xikwembu.
  7. Loko mukriste loyi a tivaka a dya nyama yoleyo etempeleni ya vamatiko, vamakwavo lava tsaneke va nga tshika va ehleketa leswaku a hi xihoxo ku gandzela Xikwembu xa vakriste xikan’we na swikwembu swimbe naswona va nga hambukisiwa endleleni ku fikela laha va tsan’waka Kriste.
  8. . Hi maendlelo yalawa u ta va a dyohela Kriste loyi a feleke na makwerhu loyi a tsaneke.
  9. . Vakriste lava tivaka, lava fambaka erirhandzwini, va fanele ku tshika ku dya swin’wana na swin’wana leswi va swi navelaka, leswaku ntshunxeko wa vona wu nga tshiki wu wisa ehansi lava tsaneke.
  10.  Vutivi lebyi nga hava nseketelo wa rirhandzu, byi endla leswaku munhu a taleriwa hi vutikukumuxi.
  11.  Vutivi byi fanele ku laviwa kambe rirhandzu ri fanele ri kombisiwa.
  12. Eka vanhu va Korinto, leswi swi nga va swi vule leswaku va tshika nyama hi ku hetiseka, hikuva a va hanya edorobeni laha a va fanele ku xava nyama ebuchareni ha vufundhisi wa vamatiko.

One comment on “1 Vakorinto, 4-8

Leave a Reply